अबदेखि घरको नक्सा पास र अभिलेखीकरण नगरे सेवाबाट वञ्चित गरिने

चितवन । चितवन जिल्लाको माडी नगरपालिकाले घर तथा जग्गाको नक्सा पास र अभिलेखीकरण नगर्ने नगरवासीलाई विभिन्न सेवाबाट वञ्चित गर्ने भएको छ । नगरपालिकाले आगामी पुस मसान्तसम्म अभिलेखीकरण गर्ने समयसीमा निर्धारण गरी सो अवधिभित्र पनि अभिलेखीकरण नगरेमा नगरपालिकाबाट प्रदान गरिने सेवा रोक्ने जनाएको भएको हो ।

नगरपालिकाका प्रमुख प्रशासकीय अधिकृत जगतप्रसाद भुसालका अनुसार पुस मसान्तसम्म अभिलेखीकरण नगर्ने नगरवासीको त्यसपछि घरजग्गा मूल्याङ्कनको सिफारिसमा रोक लगाउने, बैंकिङ कारोबारका लागि सिफारिस रोक्ने, कुनै पनि विपद्का घटनामा राहत तथा क्षतिपूर्ति लागि सिफारिस नगर्नेलगायत सेवा रोकिनेछ ।

पुस मसान्तपछि अभिलेखीकरण गर्नुपरेमा हाल लिइने शुल्कभन्दा दोब्बर राजस्व बुझाउनुपर्ने उहाँले बताउनुभयो । प्रमुख प्रशासकीय अधिकृत भुसालले भन्नुभयो, “पालिकाले गत असारमा स्वीकृत गरेको कार्यविधिअनुसार अभिलेखीकरण गर्न हामीले सबैमा सूचित गरेका छौँ । अभिलेखीकरण नगर्दा कार्यालयबाट दिइने सेवाबाट वञ्चित बन्नुपर्ने अवस्था आउनेछ ।”

घरजग्गा नक्सा पास एवं अभिलेखीकरणबाट पालिकालाई नगरमा रहेका हरेक व्यक्तिको भौतिक सम्पत्तिको विवरण प्राप्त हुने र यहाँबाट उपलब्ध सेवामा सहज पहुँच विस्तार हुने उहाँले विश्वास व्यक्त गर्नुभयो । उनले भने, “भौतिक सम्पत्तिको अवस्था थाहा भएपछि विकासका योजना बनाउन पनि सहज हुनेछ ।”

कुनै विपद्का घटना भए वास्तविक क्षतिको विवरण लिन, राहत र क्षतिपूर्तिको सिफारिस गर्न सहज हुने, सुरक्षित आवासको अवधारणा कार्यान्वयन गर्न मार्ग प्रशस्त हुने प्रमुख प्रशासकीय अधिकृत भुसालले बताए। नगरपालिकाभित्र कुनै पनि स्वीकृत नलिइ निर्माण सम्पन्न भएका घररभवनको अभिलेखीकरण गर्न उहाँले सबैमा आग्रह गरे।

भुसालका अनुसार वडामा अभिलेखीकरण गरिसकेपछि नगरपालिकाले प्रमाणीकरण गर्नेछ । दश हजारभन्दा बढी परिवार रहेको यस पािलकामा हालसम्म २१० घर अभिलेखीकरण भएका उनले जानकारी दिए ।

थप समाचारहरु

कित्ताकाट रोकिँदा घरजग्गा कारोबारमा भारी गिरावट खुल्यो जग्गा कित्ताकाट ११ महिनामा १२ अर्ब ९३ करोड बढी राजस्व सङ्कलन तीन महिनाभित्रै पेट्रोल–मट्टितेल पनि पाइपलाइबाट ल्याउने तयारी ‘छैटौँ सगरमाथा म्युजिक अवार्ड २०८१’ थाइल्याण्डमा सम्पन्न चार प्रदेशका ३० जिल्ला उच्च जोखिममा एक दशकको उत्सवः ग्लोकल टीन हिरो मेड इन नेपाल सिटिजन्स बैंकद्वारा सातवटै प्रदेशमा वित्तीय साक्षरता कार्यक्रमहरु सम्पन्न ग्लोबल आइएमई बैंकले ५ अर्ब रुपैयाँको ऋणपत्र निष्कासन गर्दै राष्ट्रिय वाणिज्य बैंकको उप कार्यकारी अधिकृतमा राम कुमार थापा ३ वर्षमै स्याउ फलेपछि किसान उत्साहित बाढीले दुम्किवासमा डाइभर्सन बगाउँदा पूर्वपश्चिम राजमार्ग अवरुद्ध पहिरोले अवरुद्ध नारायणगढ–मुग्लिन सडक खुल्यो आज द्वन्द्वमा यौन हिंसा उन्मूलनका लागि अन्तरराष्ट्रिय दिवस दलहरुलाई नेतृत्व हस्तान्तरण गर्न नागरिक अगुवाहरूको आह्वान काठमाडौँ महानगरपालिकाले कुकुर र बिरालोको बन्ध्याकरण गर्ने आन्तरिक राजस्व कार्यालय : तीन महिनामा ७५ करोड राजस्व सङ्कलन मौसमका कारण हवाई सेवा प्रभावित, अन्तर्राष्ट्रिय उडान ‘होल्ड’