आर्थिक समृद्धिको मूल आधार पर्यटनः पर्यटन सचिव

ललितपुर । संस्कृति पर्यटन तथा नागरिक उड्डयन मन्त्रालयका सचिव हरिप्रसाद मैनालीले पर्यटन क्षेत्र नेपालको आर्थिक समृद्धिको मूल आधार रहेको बताएका छन् । नेपाल पर्वतारोहण सङ्घको ३५औँ वार्षिक साधारणसभामा उनले वर्तमान सरकारले पर्यटन क्षेत्रलाई प्राथमिकता दिएर अगाडि बढ्ने स्पष्ट पारे ।

सचिव मैनालीले नेपाल पर्वतारोहणको दृष्टिकोणले असाध्यै सम्भावनायुक्त मुलुक रहेकाले विश्वभर प्रवर्द्धन गरेमा मुलुकले यथोचित लाभ लिने विश्वास व्यक्त गरे । उनले भने , “पर्यटन क्षेत्रको विकासलाई प्राथमिकता दिएर अगाडि बढाउनुपर्छ भन्नेमा सरकार स्पष्ट छ ।”

पर्यटन विभागका महानिर्देशक डा नारायणप्रसाद रेग्मीले अथाह पर्यटकीय सम्भावनायुक्त नेपालको पर्वतारोहण क्षेत्रको विकास र प्रवर्द्धनका लागि सबै सक्रिय हुनुपर्नेमा जोड दिए । उनले जलवायु परिवर्तनको जोखिम न्यूनीकरण गर्दै हिमाली पर्यटन र सभ्यताको संरक्षणमा ध्यान दिनुपर्ने आवश्यकता औँल्याए ।

नेपाल पर्यटन बोर्डका प्रमुख कार्यकारी अधिकृत (सिइओ) दीपकराज जोशीले पर्यटन क्षेत्रको आत्मबल बढाउन सुरक्षाको प्रत्याभूति दिलाउन आवश्यक रहेकोमा जोड दिए ।

ट्रेकिङ एजेन्सिज एसोसिएसन अफ नेपाल (टान)का अध्यक्ष सागर पाण्डेले पर्वतीय पर्यटनको दिगो विकासका लागि जलवायु परिवर्तनको जोखिम न्यूनीकरणमा पर्यटन क्षेत्रका अगुवा संस्थाहरू एकताबद्ध भएर लाग्नुपर्ने धारणा राखे ।

नेपाल पर्वतारोहण सङ्घका अध्यक्ष फुर गेल्जे शेर्पाले पर्वतीय पर्यटन विकासका लागि सरकार र निजी क्षेत्रको बलियो साझेदारी आवश्यक रहेको उल्लेख गरे ।

थप समाचारहरु

‘दुधको भुक्तानी पाइएन, परिवार पाल्न धौधौ भयो’ भरतपुर भ्रमण वर्ष २०२४ को तयारी तीब्र हिमाल हेर्न माइजोमाईमा पर्यटक आकर्षित मकामना दर्शन प्रालि नेपाल उघोग वाािण्ज्य महासंघद्धारा सम्मानित धार्मिक पर्यटन प्रवर्द्धन गर्न हलेसी–बराहक्षेत्र र पाथीभरा जोडिने सर्भिस चार्जको अन्त्य सँगै होटेल तथा पर्यटन श्रमिक पलाएनको अवस्थामा तनहुँको घिरिङमा डेढ करोड लगानीमा व्यावसायिक अगुंरखेती धान नबिकेपछि झापाका किसान चिन्तित पर्यटक पर्खिरहेको घलेगाउँ ६ सय वर्ष पुरानो वस्ती, जहाँ बर्सेनि ३ हजार बढी पर्यटक पुग्छन् मनकामना केबलकार आजदेखि तीन दिन बन्द व्यावसायिक कोदोखेतीतर्फ आकर्षित हुँदै किसान रित्तिँदै ‘तिब्बतीयन क्याम’, जीर्ण बन्दै घर पाल्पामा सुन्तला महोत्सव हुँदै बाँकेमा धान खेत घट्यो, उत्पादन बढ्यो बेलुन महोत्सवले पोखराको पर्यटनमा थपियो रौनक विश्वप्रसिद्ध बिस्काः जात्रा भैरवको रथ वंशगोपाल पुगेर फर्काउँदै परराष्ट्रमन्त्री डा राणा हङकङबाट स्वदेश फिर्ता