इजरायलले ट्रम्पलाई नागरिक पदकबाट विभूषित गर्ने

ललितपुर । इजरायलको राष्ट्रपति कार्यालयले अमेरिकी राष्ट्रपति डोनाल्ड ट्रम्पलाई इजरायलको सबैभन्दा ठूलो नागरिक पदकबाट विभूषित गर्ने घोषणा गरेको छ। हमासले बन्धक बनाएका ४८ जनाको मुक्तिका लागि ट्रम्पले निर्वाह गरेको भूमिकाका लागि उनलाई सम्मानित गर्न लागिएको हो
।
इजरायलका राष्ट्रपति आइज्याक हर्जोगले आफ्ना अमेरिकी समकक्षी डोनाल्ड ट्रम्पलाई गाजाबाट बन्धकहरूको रिहाइमा महत्त्वपूर्ण भूमिका खेलेको र युद्ध अन्त्यका प्रयासमा योगदान पुर्‍याएको भन्दै यो देशको सर्वोच्च नागरिक सम्मान ‘इजरायली प्रेसिडेन्सियल मेडल अफ अनर’ प्रदान गर्ने घोषणा गरिसकेका छन् ।

इजुरायली राष्ट्रपति हर्जोगले सोमबार आफ्नो कार्यालयमार्फत एक विज्ञप्ति जारी गर्दे यस्तो भनेका हुन् । विज्ञप्तिमार्फत् भनिएको छ, “आफ्नो अथक र निष्ठापूर्ण प्रयासद्वारा राष्ट्रपति ट्रम्पले हाम्रा प्रियजनहरूलाई घर फर्काउन मात्र सहयोग गर्नुभएन, उहाँले सुरक्षा, सहकार्य र शान्तिपूर्ण भविष्यमा आधारित नयाँ मध्यपूर्वको युगको जग समेत बसाल्नुभएको छ ।”

उनका अनुसार यो पुरस्कार अहिले नभइ अलि पछि प्रदान गरिनेछ । अमेरिकी राष्ट्रपति ट्रम्पको हालैको इजरायल भ्रमणका क्रममा हर्जोगले उनलाई यसबारे औपचारिक रूपमा जानकारी गराइसकेको बताइएको छ ।

सोमबार इजरायल र हमासबीच ट्रम्पले प्रस्ताव गरेको शान्ति योजनाको पहिलो चरणको भागस्वरूप बन्धक–कैदी आदानप्रदान प्रक्रिया आरम्भ हुने तयारी भइरहेको पनि बताइएको छ ।

ट्रम्पको २० बुँदे शान्ति योजनाले इजरायल र हमासबीच सन् २०२३ अक्टोबर ७ मा सुरु भएको र दुई वर्षभन्दा बढी समयदेखि जारी युद्धको अन्त्य गर्ने लक्ष्य लिएको छ । सो दिन प्यालेस्टिनी लडाकू समूह हमासले इजरायलमा अभूतपूर्व आक्रमण गरेको थियो । त्यसपछि निरन्तर द्वन्द्व जारी रहँदै आएको हो ।

इजरायल भ्रमणका क्रममा राष्ट्रपति ट्रम्पले बन्धक परिवारका सदस्यहरूसँग भेटवार्ता गर्ने र इजरायली संसद् ९नेसेट० लाई सम्बोधन गर्ने कार्यक्रम पनि तय गरिएको छ ।

राष्ट्रपति हर्जोगले भने, “यो सम्मान ती महान् व्यक्तित्वहरूलाई प्रदान गरिन्छ जसले इजरायल राज्य वा सम्पूर्ण मानव जातिको हितका लागि असाधारण योगदान पु¥याएका हुन्छन् ।”

यसअघि सन् २०१३ मा इजरायलले पूर्व अमेरिकी राष्ट्रपति बाराक ओबामालाई पनि यही पुरस्कार प्रदान गरेको थियो ।

थप समाचारहरु

भारतको जीडीपीको वृद्धिमा उछाल बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न व्यापार अनिश्चितताका बीच अमेरिकी उत्पादनमा सङ्कुचन ‘वैदेशिक विकास सहायता कटौती हुँदा नेपालको मातृ बाल तथा नवजातशिशु स्वास्थ्यमा समस्या’ फुकुसीमा प्रतिबन्धपछि चीन र जापान समुद्री खाना आयात पुनः सुरु गर्न नजिक ट्रम्पको कर वृद्धिसँगै अप्रिलमा अमेरिकी व्यापार घाटा ह्वात्तै घट्यो तनाव कम गर्न तुरुन्तै कदम चाल्न इरान र इजरायललाई  चीनको आग्रह अवसर दिएको भए इजरायलले इरानका खामेनीलाई मारेको हुन्थ्यो : इजरायली रक्षामन्त्री विश्वले अब गर्मीको लहरसँग बाँच्न सिक्नुपर्नेछ : संयुक्त राष्ट्रसंघ इजरायलको चेतावनीका कारण आत्मसमर्पण नगर्ने हिजबुल्लाह प्रमुखको भनाइ गत महिना चीनको अमेरिकातर्फको निर्यात पूर्वानुमानभन्दा बढी चीनमा नयाँ उर्जा सवारीको लोकप्रियता उच्च विन्दुमा अमेरिकी करवृद्धिको चेतावनीपछि भारतीय सुरक्षा प्रमुख मस्कोमा नाइजेरियामा सैनिक कारबाहीमा १०० भन्दा बढी आपराधिक समूहका सदस्य मारिए बादल फाट्दा चारजनाको मृत्यु, रेलवे ट्रयाक र राजमार्गमा क्षति इजरायलसँगको युद्ध ‘कुनै पनि बेला’ सुरु हुन सक्ने इरानको चेतावनी न्युयोर्क टाइम्सविरुद्ध १५ अर्ब डलरको मानहानि मुद्दा हाल्ने ट्रम्पको घोषणा साइबर आक्रमणका कारण अवरुद्ध युरोपेली विमानस्थलहरूको सेवा क्रमश सामान्य बन्दै