एमसीसीले नेपाललाई थप्यो ७ अर्ब अनुदान, कुल सहायता ७४ करोड ७० लाख

ललितपुर । मिलेनियम च्यालेन्ज कर्पोरेसन (एमसीसी) ले नेपालका लागि एमसीसी कम्प्याक्टमा अतिरिक्त ७ अर्ब रुपैयाँ अर्थात् ५ करोड अमेरिकी डलर अनुदान थप गर्ने भएको छ । यससँगै परियोजनाअन्तर्गत उपलब्ध कुल सहायता ७४ करोड ७० लाख अमेरिकी डलर (लगभग १ खर्ब ६ अर्ब रुपैयाँ) पुगेको छ ।

दुई देशबीचको सम्झौताअनुसार अमेरिकाबाट कुल ५५ करोड डलर र नेपाल सरकारबाट १९ करोड ७० लाख डलर हुनेछ । एमसीसीले उपलब्ध गराएको यो अतिरिक्त सहयोगले नेपालका प्राथमिकता प्राप्त प्रसारण लाइन तथा ऊर्जा पूर्वाधार परियोजनाहरूलाई पूर्णता दिन महत्वपूर्ण टेवा पुर्याउने बताइएको छ । यसले ऊर्जा ग्रिडको सुदृढीकरण, उत्पादन–प्रसारण–व्यापार श्रृंखलामा विश्वसनीयता बढाउने र क्षेत्रीय ऊर्जा व्यापारलाई अझ सुदृढ बनाउने अपेक्षा गरिएको छ ।

एमसीसी मार्फत् यो अमेरिकी अनुदानले नेपाललाई अन्तर्राष्ट्रिय ऊर्जा कनेक्टिभिटीमा थप मजबुत बनाउने, बजार पहुँच सुधार गर्ने र ऊर्जा पूर्वाधार निर्माणमा अमेरिकी उत्कृष्टता तथा प्रविधिको उपयोग बढाउने उल्लेख गरिएको छ । यससँगै अमेरिकी कम्पनी तथा प्रविधि प्रदायकका लागि नेपाली ऊर्जा बजारमा प्रवेशको अवसरसमेत विस्तार हुने बताइएको छ ।

यस किसिमको सहायताले नेपाल–अमेरिका सम्बन्धको दीर्घकालीन साझेदारी र पारस्परिक समृद्धिको साझा प्रतिबद्धताको संकेत दिएको छ । एमसीसी कम्प्याक्ट ऋणरहित, अनुदानमा आधारित उच्च प्रभावयुक्त पूर्वाधार निर्माणमा केन्द्रित कार्यक्रम भएकाले दीर्घकालीन आर्थिक वृद्धि र ऊर्जा सुरक्षामा यसको योगदान महत्वपूर्ण हुने अपेक्षा गरिएको छ ।

अमेरिकी दुतावासको एक स्टेटमेन्टले बताए अनुसार यो आर्थिक सहयोगले अमेरिका र नेपालबिच रहेको चिरस्थायी साझेदारी प्रतिबिम्बित गर्दछ । दशकौँसम्म हाम्रा देशहरूले आर्थिक वृद्धि, ऊर्जा सुरक्षा र पारस्परिक समृद्धिलाई अघि बढाउन सँगै काम गरेका छन् । एमसीसी नेपाल सम्झौताले उच्च प्रभावयुक्त पूर्वाधारमा केन्द्रित, ऋणरहित र अनुदानमा आधारित सहायतामार्फत उक्त इतिहासलाई निरन्तरता दिएको छ ।

नेपालमा एमसीसी लागू भएको करिव दुई वर्ष भइसक्दा पनि प्रभावकारी रुपमा कार्यान्वयन भने हुन सकेको छैन् । जुन किसिमले खर्च हुनुपर्ने थियो त्यो हुन सकेको छैन ।

थप समाचारहरु

बैंकिङ प्रणालीमा निरन्तर तरलता, राष्ट्र बैंकले आज ३० अर्ब तान्दै सहकारीलाई वाणिज्य बैंक सरह सुपरीवेक्षण गरिने सुनको मूल्यमा अप्रत्यासित वृद्धि नेशनल लाइफ इन्स्योरेन्सको बोनस दर सार्वजनिक नयाँ वर्षमा पर्यटकीय गन्तव्यमा चहलपहल, व्यवसायी उत्साही    सुनको मूल्य १ लाख ९० हजारभन्दा माथि खानेपानी विभागको चालु आर्थिक वर्षको वित्तिय प्रगति उत्कृष्ट प्रतिनिधिसभामा मत्स्य उद्योगमा सहुलियतसम्बन्धी सम्झौता प्रस्तुत सुनचाँदीको मूल्यमा उल्लेख्य वृद्धि, कतिमा हुँदैछ कारोबार ? ट्रम्पद्वारा अमेरिका र जापानबीच प्रमुख व्यापार सम्झौतामा सहमत भएको घोषणा बैंकिङ प्रणालीबाट राष्ट्र बैंकले आज फेरि ४० अर्ब रुपैयाँ तान्दै पाँच बैंकले गरे चौथो त्रैमासिक वित्तीय विवरण प्रकाशित, कुनको नाफा कति ? सुनचाँदीको मूल्यमा उल्लेख्य वृद्धि, आज कतिमा हुँदैछ कारोबार ? ट्रेजरी बिलमार्फत ५ अर्ब आन्तरिक ऋण उठाउँदै सरकार राष्ट्र बैंक आज फेरि ४५ अर्ब निक्षेप तान्दै निजी क्षेत्रलाई राज्यले सहयोग गर्छ-प्रधानमन्त्री कार्की जेनजी आन्दोलनबाट सीजीलाई ५ अर्ब बराबरको क्षति सुनको मूल्यले दैनिक बनाउँदैछ नयाँ रेकर्ड, आज कतिमा हुँदैछ कारोबार ?