ओपन बैंकिङ अवधारणामा आधारित ‘र्‍यापिड’ नामक एपीआई बैंकिङ प्लेटफर्म सार्वजनिक

ललितपुर । नेपाली प्रविधि कम्पनी गोक्यो ल्याब्सले यस्ता सबै सेवा एउटै स्थानबाट गर्न मिल्ने गरी ओपन बैंकिङ अवधारणामा आधारित ‘र्‍यापिड’ नामक एपीआई बैंकिङ प्लेटफर्म सार्वजनिक गरेको छ।

यसअघि कर्पोरेट ग्राहकहरूले यी कार्यका लागि विभिन्न बैंक र सफ्टवेयर प्लेटफर्म प्रयोग गर्नुपर्थ्यो, जसले समय र स्रोत दुबै खर्चिलो थियो । तर अब बैंक तथा वित्तीय संस्थाले आफ्नो प्रणालीमा ‘र्‍यापिड’ एकीकृत गरेपछि प्रयोगकर्ताले आफ्नै सफ्टवेयर वा ईआरपी प्रणालीबाट एउटै प्लेटफर्म प्रयोग गरेर सबै बैंकिङ कार्य गर्न सक्नेछन् ।

सुरुआती चरणमा ग्लोबल आईएमई बैंकमा खाता रहेका टिग अकाउन्टिङ सफ्टवेयरका प्रयोगकर्ताले र्‍यापिडको सुविधा पाउनेछन् । प्रयोगकर्ताले ‘ऋयललभअत धष्तज ब्एक्ष् द्यबलपष्लन’ मा गएर आफ्नो बैंक खाता लिंक गर्न सक्नेछन् । यापिडले कर्पोरेट बैंकिङ सेवाको प्रवाहमा ठूलो रूपान्तरण ल्याउने गोक्यो ल्याब्सका बिजनेस प्रमुख अशितोष साहले बताए ।

नयाँ प्रणालीले वित्तीय कामकाजलाई डिजिटल रूपमा एकीकृत गर्दै व्यवसायहरूको समय, लागत र अपरेशनल झन्झट उल्लेखनीय रूपमा घटाउनेछ ।

‘सुरूवातमा यो सुविधा ग्लोबल आईएमई बैंकमा लाइभ भएको छ। अब हामी छिट्टै अन्य प्रमुख बैंकहरू र विभिन्न सफ्टवेयर प्रदायकहरूसँग सहकार्य विस्तार गर्दैछौँ,’ साहले भने।

अहिले ग्लोबल आईएमई बैंकबाट बैंक ब्यालेन्स र बैंक स्टेटमेन्ट सुविधा लाइभ भएको छ । बाँकी सुविधाहरू पनि विस्तारै उपलब्ध हुनेछन् ।

र्‍यापिडको विस्तारसँगै नेपालको एपीआई बैंकिङ इकोसिस्टमले एकीकृत, सहज र सुरक्षित डिजिटल लेनदेनको नयाँ मानक स्थापित गर्ने अपेक्षा गरिएको साहको भनाइ छ ।

ग्राहकले सेवा प्रयोग गर्नका लागि बैंकमा गएर एक पटक मात्र मोबाइल बैंकिङ जस्तै फाराम भर्नुपर्नेछ। त्यसपछि सबै कार्य अनलाइनबाटै गर्न सकिनेछ । र्‍यापिडले ग्राहकको अनुमति प्रक्रियालाई पनि डिजिटल बनाएको छ, जसले थप सहजता र पारदर्शिता थप्ने छ ।

सुरक्षाका दृष्टिले र्‍यापिडमा एण्ड–टु–एण्ड इन्क्रिप्सन, मल्टिलेयर भेरिफिकेशन र अत्याधुनिक सुरक्षा प्रोटोकल प्रयोग गरिएको कम्पनीले जनाएको छ । यसले सबै प्रकारका ट्रान्जेक्सनलाई सुरक्षित बनाउनेछ ।

यस बाहेक ‘र्‍यापिड’ले एपीआई बैंकिङ अवधारणालाई सुलभ बनाउँदै साना, मझौला तथा ठूला व्यवसायका लागि समान पहुँच प्रदान गर्ने लक्ष्य राखेको छ । र्‍यापिड प्लेटफर्मले बैंकिङ एज ए सर्भिस मोडललाई अघि बढाउने र बैंक, फिनटेक र डिजिटल सेवा प्रदायकबीच सहकार्यलाई नयाँ स्तरमा पुर्‍याउने अपेक्षा गरिएको छ ।

थप समाचारहरु

राष्ट्रिय वाणिज्य बैंकको १८औं वार्षिक साधारणसभा सम्पन्न, लाभासं पारित गरिमा विकास बैंकद्वारा गरिमा सरल एसएमई कर्जा सार्वजनिक महालक्ष्मी विकास बैंकद्वारा सेयर लगानीकर्ता लक्षित नयाँ बचत खाता सञ्चालनमा ग्लोबल आइएमई बैंकले भारतमा उच्च शिक्षाका लागि जाने विद्यार्थीलाई शैक्षिक कर्जा प्रदान गर्नेे ग्लोबल आइएमई बैंकका ग्राहकलाई दराजमा १५ प्रतिशत छुट युनाइटेड रेफरेन्स ल्याबोरेटरीका सेवा शुल्कमा प्रभु बैंकका ग्राहकलाई बिशेष छुट प्रभु बैंकको ३०८औं र ३०९औं शाखा सञ्चालनमा प्रभु बैंकका ग्राहक तथा कर्मचारीलाई समाज डेन्टल हस्पीटलको सेवा सुविधामा विशेष छुट एनएमबि खेति कर्जाको लागि बागमती गाउंपालिकासंग सम्झौता एनएमबि बैंकद्वारा विश्व मुटु दिवसको अवसरमा निःशुल्क स्वास्थ्य जाँच शिविर सञ्चालन नबिल बैंक र हाम्रो पात्रो बिच कार्ड–आधारित विप्रेषण सेवाका लागि समझदारी नबिल बैंकले सुरु ग¥यो मूख्य कार्यालयबाट अपोइन्टमेन्ट बैंकिङ प्रणाली, अब ग्राहकले रोजेको समयमा सेवा आजका लागि निर्धारित विदेशी मुद्राको विनिमयदर बचतकर्तालाई रु १० लाखसम्म उपचार खर्च आजका लागि निर्धारित विदेशी मुद्राको विनिमयदर सानिमा बैंकका ग्राहकहरूलाई बससेवाबाट टिकट खरिद गर्दा क्यासब्याक ४४.५२ मेगावाटको सानिभेरी जलविद्युत परियोजनाको वित्तव्यवस्थापन सिटिजन्स बैंकको अगुवाईमा एनआईसी एशिया लघुवित्तको सञ्चालकमा दिवाकर भट्टराई नियुक्त