कर्णालीका दुर्गम ठाउमा टेलिकमको टूजी र फोरजी सेवा सञ्चालनमा

ललितपुर । नेपाल टेलिकमले देशभरका विभिन्न दुर्गम स्थानमा सेवा सञ्चालन गर्ने क्रममा कर्णाली प्रदेशका दुर्गम तथा अति विकट क्षेत्रहरुमा टूजी तथा फोरजी सेवा  सञ्चालनमा ल्याएको छ । हुम्ला जिल्लाको सर्केगड–३ र सर्केगड–६ मा टूजी तथा फोरजी सेवा सञ्चालनमा आएको छ ।

टूजी-फोरजी सेवा सञ्चालनमा आए पश्चात् सर्केगाड गाउँपालिकाका वडा नम्बर २, ३,४ र ६ अन्तर्गत पर्ने गाउँबस्ति आसपासको क्षेत्रहरुमा सेवाग्राहीहरूले पहिलो पटक गुणस्तरीय प्रवद्र्धन सेवाबाट लाभान्वित भएका छन् । सेवा विस्तार भएका स्थानहरुमा उनापानी, स्यालटाडी, बराई गाउँ, ठुलाचौर, साधेकाट, रिपा, सर्केदेउ लगायतका क्षेत्रहरु पर्दछन ।

यसैगरी टेलिकमले हुम्ला जिल्लाको अदानचुली–६ मा टूजी तथा फोरजी सेवा सञ्चालनमा ल्याएको छ । टूजी तथा फोरजी सेवा सञ्चालनमा आएसँगै  सर्केगाड गाउँपालिकाको वडा नं.२ र अदानचुली गाउँपालिकाका वडा नं. २, ३, ४, ५ र ६ अन्तर्गत पर्ने गाउँबस्ति आसपासको क्षेत्रहरुमा सेवाग्राहीहरू लाभान्वित भएका छन् । सेवा विस्तार भएका स्थानहरुमा पानचौर, कालिका लगायतका क्षेत्रहरु पर्दछन । 

साथै दैलेख जिल्लाको गुराँस गाउँपालिकाको पर्यटकीय क्षेत्र गुराँसमा फोरजी सेवा सञ्चालनमा आएसँगै गुराँस गाउँपालिका वडा नं. ३, ४, र ५ अन्तर्गत पर्ने गुराँस बजार क्षेत्र, गाउँपालिका कार्यालय क्षेत्र, गोगनपानी, पातीकान्ला लगायतका गाउँहरू, वीरेन्द्रनगर नगरपालिका वडा नं. १४ अन्तर्गत पर्ने बयलकाँडा लगायतका क्षेत्रहरू, तथा बराहताल वडा नं. ९ अन्तर्गत पर्ने लेकगाउँ लगायतका भूभागहरूमा सेवाग्राहीहरूले पहिलो पटक  गुणस्तरीय द्धन् सेवाबाट लाभान्वित भएका छन् । 

यसैगरी नेपाल टेलिकमले जाजरकोट जिल्लाको जुनीचांदे गाउँपालिकाको कोत्राङ्गमा टूजी तथा फोरजी सेवा ल्याएको छ । टूजी फोरजी सेवा सञ्चालनमा आए पश्चात् जुनीचांदे गाउँपालिकाका विभिन्न वडाहरु वडा नं. ७, ८, ९, १० र ११ अन्तर्गत पर्ने गाउँबस्ति आसपासको क्षेत्रहरुमा सेवाग्राहीहरूले पहिलो पटक  गुणस्तरीय द्दन्रद्धन् सेवाबाट लाभान्वित भएका छन् । 

साथै डोल्पा जिल्लाको ठूलीभेरी नगरपालिका र शे–फोक्सुन्डो गाउँपालिकाका विभिन्न बस्तीहरू सञ्चारको पहुँचमा जोडिएका छन् । वडा नं.१० को मिदग्ती लेकमा निर्माण गरिएको टेलिकमको फोरजी टावर सञ्चालनमा आएसँगै सञ्चार सुविधाबाट वञ्चित फोक्सुन्डो ट्रेल, यार्सा पाटनसहित आधा दर्जन बस्तीहरू सञ्चारको पहुँचमा जोडिएका छन्। साथै, सुलिगाड स्थित शे–फोक्सुन्डो राष्ट्रिय निकुञ्जको कार्यालय, सैनिक ब्यारेक क्षेत्र, फोक्सुन्डो ट्रेलको प्रमुख बस्ती भित्र पर्ने छेप्का, भोक्पा, सागबारी लगायतका क्षेत्र पनि सञ्चारको पहुँचमा जोडिएका छन् ।

टेलिकमको टूजी फोरजी सेवा विस्तार भएसँगै यस प्रदेशका दर्जनौं बस्तीहरू सञ्चारको पहुँचमा जोडिएका छन् । नेपाल टेलिकमले दुर्गम तथा अति विकट क्षेत्रका सेवाग्राहीहरुको सुविधाका लागि सेवा सञ्चालन ल्याएसँगै सो क्षेत्रमा बसोबास गर्ने वासिन्दा सेवाबाट लाभान्वित भएका छन । यससंगै थप दुई स्थानिय तहमा द्धन् सेवा विस्तार भई जम्मा ७५३ मध्ये ७४९ स्थानीय तहमा फूरजी सेवा पुगेको छ ।

दुर्गम तथा अति विकट क्षेत्रका ग्रामीण तहसम्म दूरसञ्चार सेवाको पहुँच विस्तार गर्ने सरकारको नीतिअनुसार कम्पनीले सो क्षेत्रमा सेवा विस्तार गरेको हो । प्रतिफल कम आउने र तुलनात्मक रुपमा लगानी बढी हुने स्थानमा समेत समान रुपमा दूरसञ्चार सेवा विस्तार गर्ने क्रमलाई निरन्तरता दिँदै सेवा सञ्चालन गरिएको टेलिकमले जनाएको छ । 

थप समाचारहरु

गोरखकाली रवर उद्योग र बूढीगण्डकी आयोजना तत्काल अगाडि बढ्छ : प्रधानमन्त्री प्रचण्ड दुबईमा १५ नेपाली अलपत्र, नेपाल फर्काऊ भन्दा म्यानपावरको धम्की चन्द्रागिरि साहित्य प्रतिष्ठानको १७४ औं श्रृंखला मुक्तक गोष्ठी सम्पन्न कर्णालीमा चामल अभाव, सरकारी कम्पनीका डिपो र बिक्री केन्द्र रित्तै मनाङमा हिउँद लागेसँगै बिदा भएका विद्यालय खुल्न थाले पत्रकार बजगाईलाई ठुलेको सम्मान पोखरा महानगरपालिकाले नोक्सानी व्यहोरेका १६ कृषि फार्मलाई दियो समर्थन मूल्य ग्लोबल आइएमई बैंकद्वारा प्राचिन कलाकृति समावेश २०८१ सालको क्यालेन्डर सार्वजनिक हिमाल आरोहणदेखि हिप्पी पर्यटकको आगमनको जग फागु : सहरबजारमा मात्र होइन, गाउँघरमा पनि मासिदै मौलिकता पौवादुङमाको पाँच सय हेक्टरमा अकबरे खुर्सानीखेती अभिनेत्री नोरा फतेही नेपालमा लामिछानेको रिट निवेदनमाथि आज सुनुवाइ हुने आजको मौसम : बागमती र कर्णाली प्रदेशका पहाडी भू–भागमा भारी वर्षाको पूर्वानुमान बजाज प्रिमियर लिग (BPL): मोटसाइकल खरिदसँगै जित र उपहारको उत्सव सिटी एक्सप्रेसको २०८२ सालको दशैं तिहार योजना सार्वजनिक “यो दशैं तिहारमा सिटी एक्सप्रेसको साथ, हरेक हप्ता १ लाख” नेपाल टेलिकमको कलर रिङब्याक टोन सेवा अवरुद्ध सामाजिक सञ्जाल बन्द गर्ने निर्णयमा पुनर्विचार गरियोस्– आयोग