झुलाघाट भन्सारबाट रु ७६ लाख ४३ हजारभन्दा बढी राजस्व सङ्कलन

ललितपुर । भारतसँग सीमा जोडिएको बैतडीको झुलाघाटस्थित महाकाली भन्सार कार्यालयले गत आर्थिक वर्ष २०८१/८२ मा रु ७६ लाख ४३ हजार २४३ राजस्व सङ्कलन गरेको छ । कार्यालयले गत आवमा लक्ष्यको ७१ दशमलव ६५ प्रतिशत मात्र राजस्व सङ्कलन गरेको हो ।

गत आवमा रु एक करोड तीन लाख ५९ हजार राजस्व सङ्कलन गर्ने लक्ष्य लिएकामा लक्ष्य पूरा हुन नसकेको महाकाली भन्सार कार्यालयका कम्प्युटर अपरेटर सुरेशबहादुर मन्नीले बताए। राजस्व सङ्कलनको लक्ष्य बढी भएकाले गत आवमा लक्ष्य पूरा हुन नसकेको उनको  भनाइ छ । 

उहाँका अनुसार भन्सार महसुल, भन्सार सेवा दस्तुर, मूल्य अभिवृद्धि कर र अन्तशुल्कबाट उक्त राजस्व रकम सङ्कलन गरिएको हो । आव २०८०/८१ मा कार्यालयको रु ५० लाख ८९ हजार राजस्व सङ्कलन गर्ने लक्ष्य रहेकामा लक्ष्यभन्दा बढी रु ८६ लाख ८४ हजार ९० सङ्कलन भएको थियो । 

झुलाघाट नाकाबाट कपडा, भाँडाकुँडा, चिनीलगायत घरायसी प्रयोजनका सामग्रीहरू भित्रिने गरेको छ । भारतीय बजारबाट आयात हुने सामग्रीबाट राजस्व सङ्कलन हुने गरेको कार्यालयका लेखापाल देवराज रानाले जानकारी दिनुभयो । उहाँका अनुसार यस नाकाबाट निर्यात भने शून्य छ । केही वर्ष अघिसम्म घ्यू र कृषि उपज निर्यात हुने गरेको थियो ।

थप समाचारहरु

बैंकिङ प्रणालीमा निरन्तर तरलता, राष्ट्र बैंकले आज ३० अर्ब तान्दै सहकारीलाई वाणिज्य बैंक सरह सुपरीवेक्षण गरिने सुनको मूल्यमा अप्रत्यासित वृद्धि नेशनल लाइफ इन्स्योरेन्सको बोनस दर सार्वजनिक नयाँ वर्षमा पर्यटकीय गन्तव्यमा चहलपहल, व्यवसायी उत्साही    आजको बजार : तरकारी र फलफूलको अधिकतम थोक मूल्य सरकारले प्रस्तुत गरेको बजेट सबै वर्ग, क्षेत्र र समुदायलाई समेट्ने गरी बनाएको छ : मन्त्री यादव आज पनि घट्यो सुनचाँदीको मूल्य, कतिमा हुँदैछ कारोबार ? भ्याट पुनरावलोकन गर्न अर्थमन्त्री पौडेलसमक्ष चेम्बरको ध्यानाकर्षण आज पनि घट्यो सुनको मूल्य, कतिमा हुँदैछ कारोबार ? एटीएममा नोटको अभाव, ६ वर्षदेखि छापिएका छैनन् एक हजार र पाँच सयका नोट बफिया माथिको छलफल चाँडो टुङ्ग्याउँ, समतिले जान्न चाहेको विषयमा जानकारी दिन सरकार तयार छ : अर्थमन्त्री खानेपानी विभागको चालु आर्थिक वर्षको वित्तिय प्रगति उत्कृष्ट सुन आयात तथा बिक्री सम्बन्धी विद्यमान व्यवस्था पुनरावलोकन गरिने प्रतिनिधिसभामा मत्स्य उद्योगमा सहुलियतसम्बन्धी सम्झौता प्रस्तुत चितवनमा पुँजीगत खर्च ७७ प्रतिशत मात्र ट्रम्पद्वारा अमेरिका र जापानबीच प्रमुख व्यापार सम्झौतामा सहमत भएको घोषणा भृकुटीमण्डपमा तीन वर्षभित्र अन्तर्राष्ट्रियस्तरको प्रदर्शनी हल बन्ने, अर्थमन्त्री