तनहुँमा पुरुषभन्दा महिला मतदाता बढी

दमौली (तनहुँ) आगामी फागुन २१ गते हुने प्रतिनिधिसभा सदस्य निर्वाचनका लागि तनहुँमा दुई लाख ५४ हजार तीन सय ९७ मतदाता कायम भएका छन् । जिल्ला निर्वाचन कार्यालय तनहुँका अनुसार त्यसमध्ये पुरुषको सङ्ख्या एक लाख २३ हजार चार सय ९१ र महिलाको सङ्ख्या एक लाख ३० हजार नौ सय छ जना रहेको छ । जिल्ला निर्वाचन अधिकारी विकास लम्सालले जिल्लास्थित दश पालिकामध्ये सबैभन्दा बढी मतदाता व्यास नगरपालिकामा र सबैभन्दा कम मतदाता देवघाट गाउँपालिकामा रहेको जानकारी दिनुभयो । दुई प्रतिनिधिसभा निर्वाचन क्षेत्र रहेको यहाँ तनहुँ क्षेत्र नं १ तर्फ एक लाख ३६ हजार एक सय १८ र क्षेत्र नम्बर २ तर्फ एक लाख १८ हजार दुई सय ७९ मतदात कायम भएका छन् । क्षेत्र नं १ तर्फ व्यास नगरपालिका, भानु नगरपालिका, बन्दीपुर गाउँपालिका, आँबुखैरेनी गाउँपालिका र देवघाट गाउँपालिका पर्दछ ।

क्षेत्र नं २ तर्फ शुक्लागण्डकी नगरपालिका, भीमाद नगरपालिका, म्याग्दे गाउँपालिका, ऋषिङ गाउँपालिका र घिरिङ गाउँपालिका पर्दछ ।उहाँका अनुसार व्यास नगरपालिकामा ५१ हजार तीन सय छ, भानु नगरपालिकामा ४२ हजार एक सय चार, शुक्लागण्डकी नगरपालिकामा ४० हजार तीन सय पाँच, भीमाद नगरपालिकामा २५ हजार तीन सय ११ मतदाता रहेका छन् । यस्तै आँबुखैरेनी गाउँपालिकामा १४ हजार ६२, देवघाट गाउँपालिकामा १२ हजार छ सय ४४, बन्दीपुर गाउँपालिकामा १६ हजार दुई, ऋषिङ गाउँपालिकामा १८ हजार सात सय ४४, घिरिङ गाउँपालिकामा १४ हजार छ सय १३, म्याग्दे गाउँपालिकामा १९ हजार तीन सय छ मतदाता रहेको लम्सालले बताउनुभयो । जिल्लामा तीन सय नौ मतदान केन्द्र रहेको निर्वाचन अधिकारी लम्सालले बताउनुभयो । ऋषिङ गाउँपालिका–४ र ६ मा एक÷एक मतदान केन्द्र रहेकामा थप एक÷एक मतदान केन्द्र थप भएको छ । निर्वाचन कार्यालयले सञ्चालन गरेको मतदाता नामावली दर्ता अभियानका क्रममा सात हजार तीन सय ९३ नयाँ मतदाता थप भएको कार्यालयले जनाएको छ । निर्वाचनका लागि कार्यालयको आन्तरिक काम तीव्र गतिमा अगाडि बढेको लम्सालले बताउनुभयो ।

थप समाचारहरु

गुजरात रुपान्तरित पञ्जाबसँग खेल्दै शहीद गंगालालमार्फत विपन्न बालबालिकाकोे मुटु उपचार निःशुल्क हुने प्रविन बज्राचार्यको “मायामा मायामा” सार्वजनिक ( भिडियो )  भारतसँग १० वर्षमा १० हजार मेगावाट बिजुली निर्यातसम्बन्धी सहमतिपत्रमा आज हस्ताक्षर हुँदै निर्माण व्यवसायीको बाँकी रकम भुक्तानी दिन प्रधानमन्त्रीको निर्देशन माछापुच्छ्रे बैंकको खुद नाफा ८० करोड ५३ लाख साउदी अरबका कम्पनीले अकामा नवीकरण नगरिदिँदा नेपाली श्रमिक समस्यामा राहदानी नवीकरण सेवा शिविरमा आठ सय बढी लाभान्वित उपन्यासकार डा. डीआर उपाध्यायलाई मानार्थ विद्यावारिधी प्रमाणपत्र मकवानपुरमा बोलेरो दुर्घटना : ६ जनाको अवस्था गम्भीर तीनकुनेमा बसको ठक्करबाट महिलाको मृत्यु इण्डियन सुपर लिग स्थगित हुने प्रवल सम्भावना ‘भारत र पाकिस्तान सैन्य कारबाही रोक्न सहमत’ भारत–पाकिस्तानबीच आज वार्ता हुँदै जेष्ठ ३ गते अर्थात् मे १७ देखि आइपीएल पुनः सुरु हुने (तालिकासहित) नेप्से परिसूचकमा २७ अङ्कको गिरावट मुख्यमन्त्री सिंहद्वारा औद्योगिक क्षेत्रको निरीक्षण बाइस लाखभन्दा बढी नगद र लागूऔषधसहित युवक पक्राउ