तिर्न थाले उद्योगले डेडिकेटेड तथा ट्रङ्कलाइनको विद्युत् महसुल बक्यौता

ललितपुर । आजदेखि उद्योगहरूले धमाधम डेडिकेटेड तथा ट्रङ्कलाइनको विद्युत् महसुल बक्यौता तिर्न थालेका छन् । नेपाल विद्युत् प्राधिकरणको पटकपटकको ताकेतापछि बक्यौता बाँकी रहेका पाँचवटा उद्योगले आज नै प्राधिकरणलार्ई विद्युत् बक्यौता रकम तिर्न थालेका हुन् ।

प्राधिकरणका कार्यकारी निर्देशक मनोज सिलवालले आज हामा आइरन एण्ड स्टिल इन्डस्ट्रिजले डेडिकेटेड ट्रङ्कलाइनको कुल बक्यौता रु पाँच करोड ८५ लाखमध्ये पहिलो किस्ताबापत रु २० लाख ९० हजार बुझाएको जानकारी दिएका छन् । । यसअघि नै बक्यौता तिर्न सुरु गरी वैशाखदेखि तिर्न छाडेको परासीस्थित लक्ष्मी स्टिलले पनि किस्ताबापत रु ८४ लाख ९८ हजार बुझाएको उनको भनाइ छ ।

त्यसैगरी, यसअघि किस्ता बुझाई बीचमा छाडेको सर्वोत्तम सिमेन्टले पनि रु ४० लाख बुझाएको प्राधिकरणले जानकारी दिएको छ । आज डेडिकेटेड तथा ट्रङ्कलाइनबाट विद्युत् उपभोग गरेको बाराको सिमरामा सञ्चालित हुलास स्टिल इन्डस्ट्रिजले प्रिमियम महसुलको बक्यौता रकम नेपाल विद्युत् प्राधिकरणलाई तिर्न सुरु गरेको थियो ।

उद्योगले २०७२ साल माघदेखि २०७५ वैशाखसम्ममा डेडिकेटेड तथा ट्रङ्कलाइन प्रयोगबापतको प्रिमियम महसुलको कुल १४ करोड १२ लाख बक्यौता रकमलाई प्रतिकिस्ता रु ५० लाख ४३ हजारको एक मासिक किस्ता हुनेगरी २८ किस्तामा बुझाउने स्वीकृति प्राधिकरणबाट पाएको छ । उद्योगले शुक्रबार पहिलो किस्ता बुझाएको हो ।

त्यसैगरी, रु १७ करोड ५८ लाख बक्यौता रहेको सिमराकै अर्को अशोक स्टिलले पनि पहिलो किस्ता बुझाएको छ । अशोकले २८ किस्ताको सुविधा लिई रु ६३ लाख बुझाएको हो ।

थप समाचारहरु

बैंकिङ प्रणालीमा निरन्तर तरलता, राष्ट्र बैंकले आज ३० अर्ब तान्दै सहकारीलाई वाणिज्य बैंक सरह सुपरीवेक्षण गरिने सुनको मूल्यमा अप्रत्यासित वृद्धि नेशनल लाइफ इन्स्योरेन्सको बोनस दर सार्वजनिक एटीएममा नोटको अभाव, ६ वर्षदेखि छापिएका छैनन् एक हजार र पाँच सयका नोट बफिया माथिको छलफल चाँडो टुङ्ग्याउँ, समतिले जान्न चाहेको विषयमा जानकारी दिन सरकार तयार छ : अर्थमन्त्री खानेपानी विभागको चालु आर्थिक वर्षको वित्तिय प्रगति उत्कृष्ट प्रतिनिधिसभामा मत्स्य उद्योगमा सहुलियतसम्बन्धी सम्झौता प्रस्तुत ट्रम्पद्वारा अमेरिका र जापानबीच प्रमुख व्यापार सम्झौतामा सहमत भएको घोषणा बैंकिङ प्रणालीबाट राष्ट्र बैंकले आज फेरि ४० अर्ब रुपैयाँ तान्दै पाँच बैंकले गरे चौथो त्रैमासिक वित्तीय विवरण प्रकाशित, कुनको नाफा कति ? सुनचाँदीको मूल्यमा उल्लेख्य वृद्धि, आज कतिमा हुँदैछ कारोबार ? ट्रेजरी बिलमार्फत ५ अर्ब आन्तरिक ऋण उठाउँदै सरकार राष्ट्र बैंक आज फेरि ४५ अर्ब निक्षेप तान्दै निजी क्षेत्रलाई राज्यले सहयोग गर्छ-प्रधानमन्त्री कार्की जेनजी आन्दोलनबाट सीजीलाई ५ अर्ब बराबरको क्षति सुनको मूल्यले दैनिक बनाउँदैछ नयाँ रेकर्ड, आज कतिमा हुँदैछ कारोबार ? राष्ट्र बैंकले सुन आयातको सीमा बढायो, २० किलोबाट बढेर अब दैनिक २५ किलो ल्याउन पाउने