नेपाल मेडिकल कलेजद्वारा हजयात्रीहरुलाई औषधी सहयोग

ललितपुर । नेपालबाट हज गर्न साउदी अरब जाने हजयात्रीहरुको स्वास्थ्यको ख्याल गर्दै नेपाल मेडिकल कलेजका अध्यक्ष प्राध्यापक डाक्टर जैनुद्धिन अन्सारीले अत्यावश्यक औषधीहरुको व्यवस्थापन गरिदिएका छन् । हिजो (बिहीबार) कलेजमै बोलाएर हज समितिका पदाधिकारीहरुलाई हजयात्रीहरुको स्वास्थ्य सेवामा कुनै समस्या नआवोस् भन्दै अत्यावश्यक औषधीहरु उपलब्ध गराएका थिए ।

‘नेपालबाट हज यात्रामा निस्कनु भएका सम्पूर्ण हजयात्रीहरुको सूस्वास्थ्य दिर्घायूको कामना गर्दै हजयात्रा सफल होस् भन्ने शुभकामना दिन चाहन्छु ।’ कलेजका अध्यक्ष प्रा.डा. अन्सारीले भने। उपलब्ध गराइएको औषधीहरुले यात्रारत हजयात्रीको स्वास्थ्यमा कुनैपनि स्वास्थ्य समस्या देखापर्नु पूर्व र स्वास्थ्य समस्या देखापरे पछि सेवन गर्न मिल्नेछन् ।

सो अवसरमा नेपाल हज समितिका अध्यक्ष इश्रा मुल्ला मियाँले कलेजका अध्यक्ष प्रा।डा।अन्सारीले हजयात्रीको स्वास्थ्यप्रति चिन्ता व्यक्त गर्दै अत्यावश्यक औषधीहरु उपलब्ध गराएकोमा कृतज्ञता सहित धन्यवाद व्यक्त गरे। उनले प्रदान गरेको स्वास्थ्य सामग्रीले हज यात्रामा जाँदै गर्नुभएका धेरै हजयात्रीको जीवन बचाउन टेवा पुग्ने विस्वास छ । उनको सद्भाव र सहयोग प्रति कृतज्ञता प्रकट गर्दछौं । अध्यक्ष मिँयाले भने ।

हज समितिका अनुसार यो पटक ११७१ जना नेपाली हजयात्री मक्का मदिना जाँदैछन् । जसमा ५२५ जना महिला र ६४६ जना पुरुष रहेका छन् । उल्लेखित हजयात्री मध्ये करिब २ सय जना ज्येष्ठ नागरिक रहेका छन् ।

नेपाल हज समितिले हरेक वर्ष साउदी अरबको हजयात्रामा जाने मुस्लिम समुदायहरुको व्यवस्थापनका लागि काम गर्दै आइरहेको छ । साउदी अरब सरकारले सन् २०२५ को हजयात्राका लागि नेपाललाई १२ सय जना इस्लाम धर्मावलम्बीको कोटा निर्धारण गरेको छ ।

थप समाचारहरु

प्रधानमन्त्रीद्वारा झापाको गौरादहस्थित नगर अस्पतालको शिलान्यास बाथरोग र डाक्टरको सल्लाह मातृ तथा शिशु मृत्यु दर घटाउन प्रसूति गृहमा सिमुलेसन ल्याब सञ्चालन नौ महिनामा दुई अर्ब ३५ करोड राजस्व सङ्कलन आइतबारका लागि निर्धारित विदेशी मुद्राको विनिमयदर नेपाल बैंकका सञ्चालक सम्पर्कविहीन, अख्तियारमा हाजिर हुन सात दिने म्याद मनाङमा यार्सागुम्बा सङ्कलन थालियो आजका लागि निर्धारित कृषिउपजको थोक मूल्यसूची बालीनालीमा छरेको विषादीले मौरी सखाप निजी तर निःस्वार्थ एजिङ्ग लाईफ केयर होम सञ्चालक राजेन्द्र नेगी हेल्थी च्वाइस एस्थेटिक अस्पतालको सम्पूर्ण अफरमा एससीटी–युपिआइ कार्डमार्फत भुक्तानी गर्दा थप विशेष छुट त्रिपन्न लाख बढीमा बागवानीको आँप ठेक्कामा भ्याट पुनरावलोकन गर्न अर्थमन्त्री पौडेलसमक्ष चेम्बरको ध्यानाकर्षण नेपाल मेडिकल कलेजमा दक्ष जनशक्तिको आवश्यकता भरतपुर अस्पतालमा दैनिक झण्डै दर्जन सर्पदंशका बिरामी उपचार गर्न आउने एचआइभी परियोजनाको ८ करोड गायब, चञ्चलाले खोजिन् पारदर्शिता यातायात कार्यालय झापाद्वारा एक अर्व राजस्व सङ्कलन नेपालमा रुबेला रोग उन्मूलन : विश्व स्वास्थ्य सङ्गठन