बञ्चरेडाँडाको अवरोध खुल्यो, स्थानीयको माग १५ दिनभित्र पूरा गर्ने सरकारको प्रतिबद्धता

बिजनेस पाटी

२०८२ कार्तिक १६

1.2k views

ललितपुर। ४ दिनदेखि काठमाडौँ उपत्यकाको फोहोर फाल्न रोकिएको बञ्चरेडाँडा ल्याण्डफिल साइट खुलेको छ । आइतबार सहरी विकास मन्त्री कुलमान घिसिङ सहितको टोली बञ्चरेडाँडाका स्थानीय बासिन्दा, जनप्रतिनिधिहरूलाई स्थानीयको माग १५ दिन भित्र पुरा गर्ने प्रतिबद्धता गरेका छन् ।

सरकारले स्थानीयको माग १५ दिन भित्र सम्बोधन गर्ने भएपछि अहिले रोकिएको गाडीहरू बञ्चरेडाँडातर्फ गइरहेका छन् ।

सहरी विकास मन्त्री कुलमान घिसिङ सहित आइतबार बिहानै काठमाडौँ महानगरपालिकाका प्रमुख प्रशासकीय अधिकृत सरोज गुरागाईँ, वातावरण विभाग प्रमुख सरिता राई सहितको टोली बञ्चरेडाँडामा पुगेका थिए ।

ल्याण्डफिल साइट क्षेत्रका प्रभावित स्थानीयले २०७९ जेठ २६ गते भएको १८ बुँदै सम्झौतामा संघीय सरकार र महानगरपालिकाले उदासीनता देखाएको भन्दै फोहोर फाल्न अवरोध गरेका थिए ।

यसअघि सहरी विकास मन्त्रालयमा छलफल भए पनि निष्कर्ष विहीन हुन पुगेको थियो । काठमाडौँ महानगरपालिका सहित उपत्यकाका स्थानीय तहबाट बञ्चरेडाँडामा फोहोर दैनिक १५० गाडी भन्दा धेरै जाने गरेको छ । ल्याण्डफिल साइटबाट नुवाकोटको ककनी गाउँपालिका र बेलकोट गढी नगरपालिका, धादिङको धुनवेशी नगरपालिकाका स्थानीय प्रभावित हुँदै आएका छन् ।

थप समाचारहरु

फेसबुकबाट तपाईको प्रतिक्रिया