बिपी राजमार्ग भोलिदेखि सञ्चालनमा ल्याउने तयारी, १७ ठाउँमा डाइभर्सन बने अब २ ठाउँमा बनाउन बाँकी

ललितपुर । गत साता अर्थात् यही असोज १८ र १९ गतेको अविरल वर्षाका कारण रोशी खोलाको बाढीले क्षतिग्रस्त बीपी राजमार्ग भोलिदेखि सञ्चालनमा आउने तयारी भइरहेको छ । रोशीले बगाएका १९ स्थानमध्ये १७ स्थानमा डाइभर्सन बनिसकेको छ भने अब २ स्थानमा मात्र डाइभर्सन बनाउन बाँकी छ । हाल राजमार्गको काभ्रेपलाञ्चोकको सडकखण्डमा खोला फर्काएर ‘डाइभर्सन’ निर्माण भइरहेको छ ।

शुक्रबार बिहानसम्मा राजमार्गअन्तर्गत काभ्रेपलाञ्चोकको नमोबुद्ध नगरपालिका–६ स्थित चौकीडाँडादेखि रोशी गाउँपालिकाको चिउरीबाससम्म ‘ट्रयाक’ खोली सकिएको डिभिजन सडक कार्यालय भक्तपुरका प्रमुख सिनियर डिभिजनल इान्जिनियर सुमान योगेशले जानकारी दिए। उनका अनुसार शुक्रबार दिउँसोसम्म क्षतिग्रस्त राजमार्गको सम्पूर्ण खण्डमा ट्र्याक खोल्ने योजना छ । 

इन्जिनियर योगेशका अनुसार ट्र्याक खोलिसकेपछि पुनः एकपटक सडकको अवस्था हेरेर केही गाडीद्वारा परीक्षण गर्नेछौँ, शनिबार बिहानदेखि पूर्णरुपमा राजमार्ग सञ्चालनमा ल्याइनेछ । 

गत साताको अविरल वर्षापछि रोशी खोलामा आएको बाढीले रोशी क्षेत्रमा करिब चार किलोमिटर सडक कटान गरेको थियो । पानी पर्न छोडेपछि मङ्गलबारदेखि औपचारिक रुपमा डाइभर्सन निर्माण थालिएको हो । 

उनका अनुसार सबै ट्र्याक खोलिसकेपछि बनेको सडकका घुम्ती र साँघुरा स्थानमा थप मर्मत गर्नुपर्ने देखिन्छ । शुक्रबार साँझसम्ममा सडक खोल्ने काम पूरा गर्ने गरी रोशी गाउँपालिकाको माम्ती क्षेत्रमा डाइभर्सन निर्माण भइरहेको छ । 

बाढीपहिरोले राजमार्गको १७ स्थानमा क्षति पु¥याएको थियो । सोही क्षेत्रमा गत वर्षको बाढीपहिरोले सडक क्षतिग्रस्त बनाएपछि डाइभर्सन बनाएर अस्थायी रुपमा सडक सञ्चालन हुँदै आएको थियो ।

बिहीबार भौतिक पूर्वाधार तथा यातायातमन्त्री कुलमान घिसिङले क्षतिग्रस्त उक्त राजमार्गको विभिन्न खण्डको अवलोकन गरी छिटोभन्दा छिटो राजमार्ग सञ्चालन गर्नेगरी बनाइरहेको ‘डाइभर्सन’ निर्माण कार्यलाई तीव्र बनाउन सडक विभागका अधिकारीलाई निर्देशन दिनुभएको थियो । घिसिङले रातको समयमा काम गरेर भए पनि आज बेलुकासम्ममा यातायात सञ्चालन हुनेगरी कामलाई तीव्रता दिन भनेका थिए । 

कार्यालयले क्षतिग्रस्त राजमार्ग स्थायी निर्माणका लागि चार खण्डमा ठेक्काको प्रक्रियामा अघि बढाइरहेको थियो । पूर्वी नेपाल जोड्ने छोटो दूरीका रुपमा रहेको उक्त राजमार्गबाट दैनिक हजारौँ यातायातका साधन आवतजावत हुने गर्छन् । 

थप समाचारहरु

कान्ति लोकपथ जेठ १५ गतेसम्म दिनको तीन घन्टा खुल्ने सडक आन्दोलनमा उत्रियो नेपाल शिक्षक महासंघ टर्च बालेर अधिकार खोज्दै शिक्षकहरु २४ घण्टामा १० ठाँउमा दुर्घटना, १० जनाको मृत्यु कञ्चनपुर–कमला सडक विस्तारः लहानको सहिद स्मारक स्थानान्तरण गरिने हात्तीवनमा भयानक कार दुर्घटना, कारमा सवार तीनजना सख्त घाइते एम्बुलेन्स र स्कुल भ्यान ठोकिँदा एकजनाको मृत्यु, दुई विद्यार्थीसहित ६ घाइते देशका पाँच मुख्य राजमार्ग अवरुद्ध  सात ठाउँको अवरुद्ध सडक खुलाइयो, तीन ठाउँ अझै बाँकी विपी राजमार्ग एक महिनाका लागि १२ घण्टा बन्द चालु आवमा दैनिक २.५५ किलोमिटर सडक निर्माणः प्रधानमन्त्री सडक भासिदा काठमाडौँ–मन्थली सडक अवरुद्ध संसदभवनमा प्रदर्शनकारीको ढुंगामुढा, प्रदर्शनस्थल वरपर कर्फुयु आदेश जारी उपत्यकाका तीनवटै जिल्लामा निशोधाज्ञा जारी प्रधानमन्त्री ओलीको निजी निवासमा आगजनी मुग्लिन–नारायणगढ सडकखण्ड अझै भएन सुचारु, पहिरो हटाउने काम जारी नागढुंगा सुरुङमार्गको प्राविधिक परिक्षण गरिँदै, दशैंमा काठमाडौंबाट बाहिरिने यात्रुवाहक बस गुड्ने एक किलो सुनसहित त्रिभुवन अन्तर्राष्ट्रिय विमानस्थलबाट भारतीय नागरिक पक्राउ