बैंकहरुमा रकम थुप्रिएपछि बजारबाट ४० अर्ब रुपैयाँ तान्दै राष्ट्र बैंक

ललितपुर । बैंकहरुले ब्याजदर घाटाए पनि निजी क्षेत्रले लगानी बढाउन सकेका छैनन् । बजारमा लगानी बढ्न नसक्दा बैंकहरुमा रकम थुप्रिने क्रम जारी छ ।

पछिल्लो एक वर्षदेखि वित्तीय प्रणालीमा देखिएको तरलता व्यवस्थापनका लागि नेपाल राष्ट्र बैंकले बजारबाट निक्षेप संकलन गर्दै आएको छ । केन्द्रीय बैंकले आज (बुधवार) बजारबाट ४० अर्ब रुपैयाँ तान्ने भएको छ । बजारमा अधिक तरलता जम्मा भएपछि राष्ट्र बैंकले पछिल्लो समय बैंकिङ प्रणालीबाट पटकपटक यसरी निक्षेप खिच्दै आएको छ ।

केन्द्रीय बैंकले आइतबार मात्र बजारबाट २० अर्ब रुपैयाँ तानेको थियो । एक हप्ता नबित्दै नेपाल राष्ट्र बैंकले २१ दिनका लागि आज फेरि ४० अर्ब रुपैयाँ खिच्न लागेको हो । यसका लागि आज दिउँसो ३ बजे बोलकबोलको समय तोकेको छ । बोल गर्न सकिने रकम घटीमा १० करोड रुपैयाँ र बढीमा पाँच करोड रुपैयाँले भाग गर्दा आउने निःशेष भाग जानेगरी कुल आह्वान रकमसम्म रहेको छ । सावाँ तथा ब्याज भुक्तानी आगामी असार १८ गते तोकिएको छ भने यसको ब्याजदर समेत बोलकबोलको माध्यमबाट हुनेछ ।

केन्द्रीय बैंककाअनुसार निक्षेप संकलनको बोलकबोल ब्याजदरमा गर्नुपर्नेछ । निक्षेप संकलन उपकरणको बोलकबोलमा नेपाल राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउनेछन् ।

थप समाचारहरु

यस्तो छ आजका लागि निर्धारित विदेशी मुद्राको विनिमयदर एक वर्षको मुद्दती निक्षेपमा ९७ करोड लगानी गर्दै राष्ट्र बैंक चौतर्फी दवावपछि आन्दोलनरत शिक्षकका माग सम्बोधन गर्न अर्थमन्त्रालयमा छलफल हुँदै सुनको मूल्यमा सामान्य गिरावट सुनको मूल्यमा नयाँ रेकर्ड कायम आजका लागि निर्धारित फलफूल तथा तरकारीको थोक मूल्य भारत विश्वको चौथो ठूलो अर्थतन्त्र भएको मुलुक आजक लागि निर्धारित विदेशी मुद्राको विनिमयदर सुनको मूल्यमा सामान्य गिरावट, कतिमा हुँदैछ कारोबार ? १३ बुँदामा नेपाल वायुसेवा निगमको प्रष्टिकरण आन्तरिक राजस्व कार्यालय वीरगञ्जद्वारा आठ अर्ब ५२ करोड राजस्व सङ्कलन लक्ष्यभन्दा आधा पनि उठ्न सकेन बाह्य ऋण सुनचाँदीको मूल्यमा भारी गिरावट, कतिमा हुँदैछ कारोबार ? पेट्रोलियम पदार्थ आयातबाट ७३ अर्ब राजस्व सङ्कलन आजको लागि यस्तो छ विदेशी मुद्राको विनिमय दर व्याज दर करिडोरको सीमा घटाइयो सबै प्रकारका भुक्तानी अनिवार्य रूपमा विद्युतीय प्रणालीमार्फत गर्नूः अर्थ मन्त्रालय आज देखि नयाँ आर्थिक बर्ष सुरु