मारियाद्वारा आफ्नो नोबेल शान्ति पुरस्कार ट्रम्पलाई अर्पण

ललितपुर । भेनेजुएलाकी विपक्षी नेत्री मारिया कोरिना मचाडोले बिहीबार आफूले अमेरिकी राष्ट्रपति डोनाल्ड ट्रम्पलाई प्रतीकात्मक रूपमा आफ्नो नोबेल शान्ति पुरस्कार अर्पण गरेको बताएकी छन् । मचाडो र ट्रम्पबीच ह्वाइट हाउसमा भेट भएको थियो ।

वासिङ्टनमा पत्रकारहरूसँग मचाडोले उक्त पदक राष्ट्रपति ट्रम्पलाई हस्तान्तरण गरेको जानकारी दिइन् । तर, ट्रम्पले त्यसलाई स्वीकार गरे वा गरेनन् भन्नेबारे उनले केही खुलाइनन् । रोयटर्सका अनुसार, माछाडोले यस विषयमा थप प्रश्नहरूको जवाफ दिन अस्वीकार गरेकी छन् ।

ह्वाइट हाउसका एक अधिकारीका अनुसार, विपक्षी नेत्री मचाडोले बिहीबारको भेटका क्रममा राष्ट्रपति ट्रम्पलाई आफ्नो नोबेल शान्ति पुरस्कार हस्तान्तरण गरेको उक्त पुरस्कार ट्रम्पले आफूसँगै राखेका सीएनएनले जनाएको छ ।

मचाडो बिहीबार राष्ट्रपति ट्रम्पसँग कुराकानीका लागि ह्वाइट हाउस पुगेकी थिइन् । यी दुई नेताहरूबीचको यो उच्चस्तरीय भेटघाटलाई दुर्लभ मानिएको छ । सेतो सुटमा सजिएकी मचाडो एसयूभी गाडीमा ह्वाइट हाउस पुगेकी थिइन् ।

कडा सुरक्षा व्यवस्थाबीच उनलाई ह्वाइट हाउसभित्र लगिएको थियो । समाचार एजेन्सी ‘फ्रान्स प्रेस’का फोटोग्राफरले यसको जानकारी दिएका हुन् । अधिकारीहरूका अनुसार, यो भेट बन्द कोठाभित्र दिउँसोको खाजाको समयमा हुने तय भएको थियो ।

यसअघि ट्रम्पले पनि सार्वजनिक रूपमा नोबेल शान्ति पुरस्कार पाउने इच्छा व्यक्त गरिसकेका छन् । यद्यपि, नोबेल समितिले भने यो पुरस्कार अरू कसैलाई हस्तान्तरण गर्न नमिल्ने स्पष्ट पारेको छ । सीएनएन

थप समाचारहरु

डलर अर्बपतिको सूचीमा थपिए १४१ जना कर बढाउने विधेयक पारित भएपछि केन्याको संसद्‌मा तोडफोड, पाँच जनाको मृत्यु रुस–युक्रेन वार्तामा प्रगति भएमा टर्की जान सक्ने ट्रम्पको घोषणा डब्लुएचओद्वारा ऐतिहासिक महामारी सम्झौता स्वीकृत  निःशुल्क चामलमा गल्ती भएको भन्दै जापानी कृषिमन्त्रीले दिए राजीनामा अपार्टमेन्टमा आगलागी हुँदा पाँच जनाको मृत्यु अमेरिकाद्वारा इरानका तीन आणविक केन्द्रमा आक्रमण, विश्वव्यापी रुपमा नयाँ तनाव सिर्जना इरानद्वारा इजरायलतर्फ मिसाइल प्रहार, दक्षिण क्षेत्रको विद्युत पूर्वाधारमा क्षति इजरायली सेनाद्वारा सहायताको प्रतीक्षामा रहेका २१ जनाको हत्या : उद्धारकर्ता भन्सार शुल्कमा ट्रम्पसँग सजिलै सम्झौता नगर्ने जापानी प्रधानमन्त्रीको अडान दक्षिण कोरियामा भारी वर्षाका कारण १४ जनाको मृत्यु, १२ बेपत्ता रुसमा शक्तिशाली भूकम्प, सुनामीको चेतावनी चिनियाँ वैज्ञानिकहरूद्वारा पृथ्वीको हीराभन्दा कडा उल्कापिण्डको हीरा निर्माण मन्त्रिपरिषद् घोषणा गरेपछि केही घण्टामै फ्रान्सका प्रधानमन्त्रीको राजीनामा चीनद्वारा नयाँ ‘शियान–३१’ उपग्रह सफल प्रक्षेपण शेख हसिना विरुद्धको मुद्दाको फैसला आज, बङ्गलादेशको सुरक्षामा कडाइ भेनेजुएलामाथि अमेरिकी आक्रमणः १०० जनाको मृत्यु, १०० बढी घाइते चक्रवातको प्रभाव पछि आइएमएफका लक्ष्यहरू संशोधन गर्नुपर्छ : केन्द्रीय बैंक