मिडियाका नाममा देखिएका अराजकताको नियमन गर्न सामाजिक सञ्जालसम्बन्धी विधेयकः मन्त्री गुरुङ

ललितपुर । सञ्चार तथा सूचना प्रविधिमन्त्री पृथ्वीसुब्बा गुरुङले मिडियाका नाममा देखिएका अराजकताको नियमन गर्न सरकारले सामाजिक सञ्जाल प्रयोग सञ्चालन र नियमन गर्ने विधेयक ल्याउन लागेको बताएका छन् ।

प्रेस चौतारी नेपाल कास्कीद्वारा आज पोखरामा आयोजित पत्रकार सम्मेलनमा उहाँले सरकारले ल्याउन लागेको उक्त विधेयकका सम्बन्धमा भ्रम छर्न खोजिएको बताए। मन्त्री गुरुङले भने, “यो विधेयक नियन्त्रण गर्न नभई नियमनका लागि ल्याउन लागिएको हो । यो सरकार लोकतान्त्रिक सरकारको हो । यसलाई लोकतान्त्रिक मूल्य मान्यतालाई कुण्ठित गर्ने गरी काम गर्ने छुट छैन ।”

राष्ट्रियता, राष्ट्रिय स्वाधीनता र राष्ट्रिय एकताविरोधी कुनै पनि गतिविधि सह्य नहुने भन्दै उनले ‘साइबर क्राइम’को नियन्त्रण गर्नु अपरिहार्य रहेकाले कानुनी आधार निर्माण गर्न ऐन ल्याउन लागिएको स्पष्ट पार्नुभयो । मन्त्री गुरुङले स्पष्ट कानुन नहुँदा विद्युतीय अपराध नियन्त्रण चुनौतीपूर्ण बनेको र नौ–दश महिनाकै अवधिमा साइबर क्राइमसम्बन्धी १९ हजारभन्दा बढी उजुरीहरू प्रहरीमा आएको पाइएको जानकारी दिए। 

यसैगरी उनले प्रेस काउन्सिल विधेयकलाई प्रतिस्थापन गर्न मिडिया काउन्सिल विधेयक ल्याउन लागेको बताउँदै यस विधेयकले सबै किसिमका मिडियालाई नियमन गर्ने बताए। यसअघि प्रेस काउन्सिल विधेयक आउँदा ‘अनलाइन’ हरूको विकास भइनसकेको अवस्थामा यस विधेयकले सबै किसिमका मिडियाको नियमन गर्ने मन्त्री गुरुङको भनाइ थियो । “सञ्चार क्षेत्र सम्बन्धित पुराना कानुनको परिमार्जनसँगै आवश्यक नयाँ सबै किसिमका कानुन ल्याउन लागिरहेका छौँ”, उनले भने ।

थप समाचारहरु

दसैँका लागि आजदेखि सुकिला नोट वितरण एनएमबि बैंकद्धारा प्रधानमन्त्री दैवी प्रकोप उद्धार कोषमा ५१ लाखको सहयोग चालीस रोपनी जग्गामा सयपत्री फूलखेती पर्यटकीय क्षेत्रमा चहलपहल बढ्दो युगकवि सिद्धिचरणलाई नयाँ समयमा चिनाउने पुस्तक राष्ट्र बैंकले ३७ अर्ब २२ करोड ३८ लाख सरकारलाई बुझाउने चार महिनामा २४२ उद्योग दर्ता, ४१ अर्ब बराबरको विदेशी लगानीको प्रस्ताव सहृदयता अन्तर्राष्ट्रिय इजरायलको अध्यक्षमा खतिवडा नेपाल भ्रष्टाचार व्याप्त मुलुकहरुको सूचीमा इसेवा महा–उत्सव बम्पर उपहार विजेता घोषणा- रवि बम्जनले जिते कार बागलुङको किबी बुटबलमा खपत युनिभर्सल सर्टिफिकेटसहित ‘हेल्लो काँशीराम’ सेन्सर पास २० वर्षमुनिका किशोरी आमा बन्ने दर बढ्दो प्रतिनिधिसभाको बैठक बस्दै, निजामती विधेयक पारित गरिँदै भारतको एक औषधि कारखानामा विस्फोट हुँदा ३६ जनाको मृत्यु, तीन दर्जन बढी घाइते सुदूरपश्चिम प्रदेशसभाः आगामी आर्थिक वर्षको बजेट पारित न्युरोडका व्यवसायी र नगरप्रहरीबीच विवाद, पसल बन्द गरेर व्यवसायीहरु विरोधमा इजरायली सेना गाजामा रहेसम्म युद्धविराम असम्भव : हमास