मौद्रिक नीतिको समीक्षा सार्बजनिक गर्ने तयारीमा जुट्यो राष्ट्र बैंक

ललितपुर । नेपाल राष्ट्र बैंक चालु आर्थिक वर्ष २०८२/०८३ को पहिलो त्रैमासिक मौद्रिक नीति समीक्षाको अन्तिम तयारीमा जुटेको छ । पछिल्लो समय देशमा लगानीको वातावरण सृजना हुन नसक्दा वित्तीय प्रणालीमा तरलता चुलिएको छ । त्यसैले राष्ट्र बैंकको यो समीक्षाबाट जेनजी आन्दोलनले पारेको आर्थिक प्रभावलाई सहजिकरण गर्ने आशा आम नागरिकले राखेका छन् ।

राष्ट्र बैंक आइतबारसम्म अर्थात् यही मंसिर १५ गते सम्म चालु आर्थिक वर्षको पहिलो त्रैमासिक मौद्रिक नीति समीक्षा सार्वजनिक गर्ने अन्तिम तयारीमा जुटिरहेको छ । विगत २ वर्षदेखि वित्तीय प्रणालीमा तरलता थुप्रिँदा त्यसको व्यवस्थापनको विषयले यतिबेला केन्द्रीय बैंकलाई चुनौती बनेको छ ।

तरलता र ब्याजदर व्यवस्थापनका लागि राष्ट्र बैंकले पटक पटक बोलकबोलमार्फत् निक्षेप ताने पनि समस्या भने समाधान हुने देखिएको छैन । यकातिर देशमा उचित लगानीको वातावरण बन्न नसक्नु र गत भदौ २३ र २४ गतेको जेनजी आन्दोलनले मुलुक थप आर्थिक संकटमा जानुले यो समस्या झनै बढिरहेको छ भने अर्कातिर बैंकहरुले समयमा ऋणको साँवा तथा ब्याज आम्दानी गर्न सकेका छैनन् । ऋणीले पनि विविध कारण देखाउँदै बैंकहरुलाई गर्नुपर्ने भुक्तानी समयमा गर्न सकेका छैनन् । फलस्वरुप कालो लिष्टमा पर्नेहरु थपीएका छन् ।

जेनजी आन्दोलनका नाममा देशमो अर्थतन्त्रमाथि भएको प्रहारले लगानीकर्ताहरूमा झनै निराशा पैदा भएको छ । यसको प्रत्यक्ष प्रभाव ब्याज भुक्तानी र बैंकको वित्तीय सूचकमा परेको छ । यतिबेला राष्ट्र बैंक ब्याजदर बढाउने कि घटाउने भन्ने विषयमा अन्यौल छ । ब्याजदर बढाइए कर्जा विस्तार झनै घट्ने जोखिम देखिएको छ ।

यसैगरी राष्ट्र बैंकका गभर्नर डा. विश्वनाथ पौडेलले व्यबसायीका पक्षमा केही नयाँ र सरलीकृत तरीकाले योजना बनाइरहेको बताइएको छ । उनले पछिल्लो समय कालो लिष्टमा परेका व्यबसमयीलार्य केही राहत दिने संकेत देखाउँदै आएका छन् । यसैगरी सुनमा र सेयर बजारमा लागनाी गर्न लगानीकर्ताहरुलाई सरलीकृत नीति ल्याएका छन् ।

गभर्नर पौडेलले बैंकवित्तसँग भएका विभिन्न स्किमहरुमध्ये उपयुक्त स्किम छानेर व्यबसायमा लगानी गर्न सर्बसाधारणलाई आग्रह गरेका छन् । उनले पछाडि परेका समुदायलाई बैंकको स्किमहरूका बारे जानकारी गराएर पुँजीमा पहुँच बढाउनुपर्ने उल्लेख गर्दे आएका छन् । यी कुरालाई मौद्रिक नीतिको समिक्षामा केही आउन सक्ने अपेक्षा गरिएको छ ।

थप समाचारहरु

एनएमबि बैंकको २८ औं बार्षिक साधारण सभा सम्पन्न माछापुच्छ्रे बैंकद्धारा विभिन्न प्रदेशका सरकारी विद्यालयलाई सहयोग आईएमई लिमिटेड र वान प्वाइन्ट फाइनान्सियल सर्भिसेज बीच सम्झौता महालक्ष्मी विकास बैंकद्वारा वित्तीय साक्षरता तथा सचेतना कार्यक्रम सञ्चालन आइएमई पे एपबाट अन्तर्राष्ट्रिय हवाई टिकट खरिदमा शत प्रतिशत क्यास ब्याक जित्ने मौका नेपालको आर्थिक वृद्धिदर ४.५ प्रतिशत पुग्ने विश्व बैंकको प्रक्षेपण आजका लागि निर्धारित विदेशी मुद्राको विनिमयदर यस्तो छ यस्तो छ आज लागि निर्धारित विदेशी मुद्राको विनिमय दर आईएमई लाइफ इन्स्योरेन्सले नियुक्त गर्यो सरल सावाधिक सद्भावना दुत २०२५ शोधनान्तर स्थिति तीन खर्ब ४६ अर्ब २३ करोडले बचतमा सहकारीको रकम अपचलन गर्नेको सम्पत्ति लिलाम गरी बचतकर्तालाई फिर्ता गरिने लगानीको उचित वातावरण नहुँदा बैंकमा थुप्रियो पैसा : राष्ट्र बैंकले आज पनि ५० अर्ब निक्षेप खिच्दै आज बैंकिङ प्रणालीबाट ५० अर्ब तान्दै राष्ट्र बैंक महालक्ष्मी विकास बैंकको सन्तुलित वित्तीय विवरण, लाभाशं वितरण क्षमतामा वृद्धि राष्ट्रिय वाणिज्य बैंक र नेपाल टेलिकमबीच सम्झौता राष्ट्र बैंकले गर्यो एकैपटक १०७ कर्मचारीको सरुवा वित्तीय प्रणालीको तरलता व्यवथापनका लागि ९० अर्ब निक्षेप तान्दै राष्ट्र बैंक विदेशी मुद्रा सञ्चिति हालसम्मकै उच्च