रसियाका लागि श्रम स्वीकृति खुला

काठमाडौँ, १६ चैत २०८० ।

श्रम, रोजगार तथा सामाजिक सुरक्षा मन्त्रालयले रुस (रसिया) मा नेपाली श्रमिक पुनः श्रम स्वीकृति दिएर पठाउने निर्णय गरेको छ ।

युक्रेनसँग लडिरहेको सुरक्षा संवेदनशील मुलुक रसियाबाट बिदामा आएका नेपाली श्रमिकलाई पुनः श्रम स्वीकृति दिएर पठाउने निर्णय भएको वैदेशिक रोजगार विभागले विज्ञप्तिमार्फत जानकारी गराएको हो । विभागका अनुसार गत पुस १९ देखि रसियामा पठाउने श्रम स्वीकृति रोकिएकामा फागुन ९ गते पुनः श्रम स्वीकृति र चैत १६ गतेदेखि संस्थागत श्रम स्वीकृति दिने निर्णय भएको छ ।

‘श्रम स्वीकृति रोकिएका कारण रसियामा विभिन्न पेसा व्यवसाय गरी नेपालमा बिदामा आएका श्रमिकको मागलाई सम्बोधन गरी नेपाल सरकार (सचिवस्तर) मिति २०८०/११/९ को निर्णयले पुनः श्रम स्वीकृति सुचारु गरिएको’ विभागद्वारा जारी विज्ञप्तिमा उल्लेख गरिएको छ ।

साथै रसियाको ब्लगोभेचेन्सेक सहरमा सिनोपी इन्जिनियरिङ रसिया एलएलसी कम्पनीमा श्रमिक पठाउने छनोट भई अन्तिम श्रम स्वीकृति लिन बाँकी रहेका श्रमिकको हकमा सचिवस्तरबाट फागुन १६ गते संस्थागत श्रम स्वीकृति दिने निर्णय भएको विभागले विज्ञप्तिमार्फत जानकारी गराएको छ ।

रसियामा धेरै नेपाली युवा गैरकानुनी बाटोबाट पुगेर त्यहाँको सेनामा भर्ना भई मृत्यु भइरहेको र सम्पर्कविहीन भइरहेका बेला श्रम मन्त्रालयले फेरि औपचारिक रूपमा श्रमिक पठाउने निर्णयको विषयलाई लिएर आलोचनासमेत हुन थालेको छ ।

मन्त्रालयले पूर्वश्रममन्त्री शरत्सिंह भण्डारीकै समयमा फागुन ९ र १६ गते नै सो विषयमा निर्णय गरे पनि गोप्य रूपमा राखिएको सो निर्णयलाई वर्तमान श्रममन्त्री डोलप्रसाद अर्याल आएपछि मात्रै चैत १४ गते विभागको विज्ञप्तिमार्फत सार्वजनिक गरेको छ ।

थप समाचारहरु

स्काइवाक टावरको टिकटमा नबिल बैंकका ग्राहकलाई विशेष छुट लगानी सम्मेलनः ‘सोकेस’मा १२५ आयोजना, ११ सयभन्दा बढीलाई निम्ता महिलालाई आत्मनिर्भर बनाउन साना किसान परियोजनाको सहयोग दुग्ध विकास संस्थानद्वारा किसानलाई ४८ करोड भुक्तानी नेपाल लाइफले भव्यताका साथ मनायो २३ औँ वार्षिकोत्सव काठमाडौं विश्वकै प्रदूषित शहरको सूचीमा दोस्रो नम्बरमा श्रम स्वीकृति लिएर वैदेशिक रोजगारमा गएका कामदारलाई रोजगार बोर्डले सहयोग गर्ने वैशाखबाट वाणिज्य बैंकहरुले घटाए ब्याजदर हरिभक्त बुढाथोकीको गीत ‘मलाई हार्न दिदैन’ सार्वजिनिक आजका लागि निर्धारित विदेशी मुद्राको विनिमयदर आजका लागि निर्धारित विदेशी मुद्राको विनिमयदर फेरि बढ्यो सुन–चाँदीको मूल्य दश वर्षपछि एउटै समयमा पुनः भूकम्पको झड्का रविन्द्र मिश्र र दुर्गा प्रसाईंलाई अदालत लगिँदै नेपाल शिक्षक महासंघ र शिक्षा मन्त्रालयबीचको वार्ता सकारात्मक पुरानो मेडिकल कलेजमा न्यूरोसर्जरी सेवा पुनः सुचारु नेपालीले अपेक्षा गरेको विकासको चाहनालाई पूरा गर्ने शिक्षा आवश्यकः राष्ट्रपति युरोपका नेपाली समुदायलाई प्रधानमन्त्रीको आग्रह: ‘सक्दो छिटो स्वदेश फर्कनुस्’