‘लालुपाते फुलेको वनभरी’लाई दर्शक श्रोताको अगाध प्रेम

बिजनेसपाटी २१ बैशाख

झण्डै ५ लाख श्रोता दर्शकले मन पराएका मार्मिक लोकदोहोरी गीत ‘लालुपाते फुलेको वनभरी’ केही महिना अघि मात्र युटुब मार्फत सार्वजनिक गरिएको हो । स्वदेशी वा विदेशी जो कसैलाई लोभ्याउने तागत राख्ने नेपाली हरियो वन र त्यसको शोभा झल्काउने फुलहरुसँग प्रेमको तुलना यस गीतमा गरिएको छ । मन खाने संगीत र स्वरले सजिएको यस गीतले जो कसैलाई तान्न सक्छ ।
निर्भाना कला केन्द्रको प्रस्तुती एवं शिला गुरुङको लोकगीत एल्वममा रहेको यस गीतमा राजु गुरुङ र शिला गुरुङको सुमधुर स्वर रहेको छ । शब्द रमेश बि.जिको हो भने लय राजु गुरुङ रहेको छ । गीतमा राजु, प्रकाश, सितला गुरुङ र निशा गुरुङले अभिनय गरेका छन् । गीतमा सुदिप बरालको छयायाँकन, विष्णुहरी तिमिल्सीनाको सम्पादन र याम गुरुङको निर्देशन रहेको छ ।