विपिन र निराजको सहकार्य ‘निरासक्त’ सार्वजनिक

ललितपुर । गायक तथा सङ्गीतकार विपिन घिमिरेको एकल सङ्गीत र गीतकार निराज सिग्देलको एकल शब्द रचनामा विभिन्न गायक गायिकाको स्वर रहेको गीति सङ्ग्रह ‘निरासक्त’को लोकार्पण गरिएको छ ।

विश्व सङ्गीत दिवसका अवसरमा सांस्कृतिक संस्थान जमलमा आयोजित कार्यक्रममा प्रमुख अतिथि संबिधानविद एवं गायक सङ्गीतकार डा भीमार्जुन आचार्य, आयोजक संस्था राष्ट्रिका साहित्य प्रतिष्ठानका अध्यक्ष कार्यक्रमका सभापति रिषभदेव घिमिरे, वरिष्ठ सङ्गीतकार राजु सिंह, साहित्यकार मुरारी सिग्देल,सांस्कृतिक संस्थानका महाप्रबन्धक किरणबाबु पुन,वरिष्ठ संगीतज्ञ धनबहादुर गोपाली गायक स्वरूपराज आचार्य लगायतले गीति सङ्ग्रहको संयुक्तरुपमा लोकार्पण गरेका हुन् ।

कार्यक्रममा बोल्दै प्रमुख अतिथि डा आचार्यले विपिन र निराजको सहकार्यबाट नेपाली सङ्गीत क्षेत्रमा सशक्त सिर्जना थपिएको बताए । उनले अचेल प्रस्तोताहरूले गीत र गायन पक्षलाई गहन रूपमा लिन नसकेकोमा भने असन्तुष्टि जनाए । उनले प्रस्तोताको लापरबाहीले सिर्जनाको मर्म मर्ने भन्दै त्यस तर्फ ध्यान दिन सुझाव दिए ।  कार्यक्रममा बोल्दै गायक स्वरूपराज आचार्यले गीत गाउँदा लेखकका शब्दले आफूलाई भित्र कतै छेडेको र गाउँदा ठाउँ ठाउँमा भक्कानिएको स्मरण गरे । आफूले गाएको गीतका शब्द बुवा भक्तराज आचार्यको जीवन सँग मेला खाएको अनुभूत गरेका कारण आफू भक्कानिएको बताएका थिए ।

गीतका शब्दको समीक्षा साहित्यकार तथा शब्द पथका सम्पादक मुरारी सिग्देलले गरेका थिए भने सङ्गीत पक्षको समीक्षा सङ्गीतकार राजु सिंहले गरेका थिए ।  कार्यक्रममा मन्तव्य व्यक्त गर्नेहरूले यो सहकार्य उत्कृष्ट भएको भन्दै निरन्तर सहकार्यको शुभकामना दिएका थिए । कार्यक्रममा सांस्कृतिक संस्थानका महाप्रबन्धक किरणबाबु पुन, सङ्गीतकार सङ्घ नेपालका अध्यक्ष अष्ट लामा , नियात्राकार प्रदीप सापकोटा, अभिनेत्री शारदादेवी सिलवालले शुभकामना मन्तव्य व्यक्त गरेका थिए ।

राष्ट्रिका साहित्य प्रतिष्ठानका अध्यक्ष एवं कार्यक्रमका सभापति रिषभदेव घिमिरेले कविताको शैलीमा स्रष्टा सर्जक र सिर्जना सगरमाथा भन्दा उच्च हुने भनाई राखे ।  कार्यक्रममा स्वरूपराज आचार्य र रामकृष्ण ढकालको स्वर रहेका दुई गीतको श्रब्यदृश्य सामग्री देखाइएको थियो ।
प्रसिद्ध गीतकार लोकराज अधिकारीले सहजीकरण गरेको कार्यक्रममा प्रमुख अतिथि, अतिथि, र समीक्षकहरूलाई मायाको चिनो प्रदान गरिएको थियो । सार्वजनिक भएको गीति सङ्ग्रहमा ६ वटा गीत समावेश छन् । जसमा आचार्य, ढकाल सँगै शीला विष्ट अलि र विपिनको स्वर रहेको छ ।

थप समाचारहरु

‘हेल्लो काँशीराम’ को प्रमोशनका लागि दीलिप रायमाझी नेपाल आउने शिशिर घिमिरे स्मृति प्रतिभा सम्मान–२०८१ प्रा. डा. सुमन कर्माचार्यलाई आन्दोलनकारी बासु “सर ” एउटै गीत बाट बने शिक्षकहरुको सेलिब्रेटी( भिडियो) होचा पुडका कलाकारहरुले “सचेतना” आन्दोलन गर्दै (भिडियो) आठौं राष्ट्रिय समावेशी म्युजिक अवार्ड २०२५ भव्यरुपमा सम्पन्न नयाँ आधुनिक नेपाली गीत “ढाँटछेउ कतिलाई” सार्वजनिक ‘मिस एसईई इटहरी’का फाइनल २६ प्रतिष्पर्धीको फोटो तथा भिडियोसुट सम्पन्न र्‍यापर मञ्जली तामाङको ‘चेन्ज माइ नेसन’: देशको पीडा र युवाको सपनाको विश्वव्यापी धुन !      किन गएनन् दुर्गेश थापा कार्यक्रममा जापान, पैसा थोरै भएर की आयोजक सँग लफडा भएर ? ‘हङकङ साहित्यिक साझा शृङ्खला पुरस्कार–२०२५’ बाट कवि शशी मुलुम्बू सम्मानित तिमल्सीनाको सङ्गीतमा ‘बिर्सेर पनि ’ सार्वजनिक असोज १५ लाई ‘राष्ट्रिय चलचित्र दिवस’का रूपमा मनाइने ‘माग्ने बूढा’ ले ‘माग्ने राजा’ मा ६१ लाख पारिश्रमिक लिएको ‘फण्डा ’ मात्र तीज गीतमा नयाँ मौलिक प्रयोग गर्दै सांस्कृतिक संस्थान (भिडियो) अमेरिकाको टेक्ससमा तीज गीतको छायाँङकन (फोटो फिचर ) भाटभटेनी सहित ७ वटा गीतसङ्गीतका प्रयोगकर्ता रोयल्टीको दायरामा आउन सहमत चौथो म्यूजिक खबर तीज म्यूजिक अवार्डको आवेदन खुला, अनलाईनमार्फत् पनि सहभागी हुन सकिने  टिकटक बन्यो मिस नेपाल २०२५ को मनोरञ्जन पार्टनर