संगीतकार अनुरागीको संगीतमा नम्रताको “आई लभ यू, आई मिस यू” (भिडियो सहित)

बिजनेसपाटी १३ अशोज  ।

सुमधुर स्वरकी धनि नवगायिका नम्रता तामाङको सांगीतिक कोशेली “आई लभ यू, आई मिस यू”को राजधानीमा लोकार्पण भएको छ ।  विगत  तिन वर्षदेखि साधना कला केन्द्रमा बरिष्ठ संगीत साधक प्रकाश गुरुङसँग संगीत शिक्षा लिइरहेकी गायिका नम्रता तामाङको आवाज अनि लोकप्रिय संगीतकार बी.बी. अनुरागीको एकल संगीत रहेको सांगीतिक कोशेली “आई लभ यू, आई मिस यू’ को राजधानीमा एक कार्यक्रमबीच बुधबार अनामनगर स्थित बिनायो क्याफेमा लोकार्पण भएको हो  । कार्यक्रममा बरिष्ठ संगीतसाधक प्रकाश गुरुङ सभापति, बरिष्ठ गीतकार तथा गजलकार कृष्णहरि बराल प्रमुख अतिथी रहेको सो कार्यक्रममा लोकप्रिय संगीतकार राजु सिंह, ललितकलाका प्राज्ञ ज्योतिप्रकाश विश्वकर्मा, सांगीतिक संघका अध्यक्ष मिलन मोक्तान लगायत अतिथिहरुले संयुक्त रुपमा एल्बम बिमोचन गरेका थिए । उक्त कार्यक्रममा राजु सिंहले एल्बममा निहीत गीत संगीतको समिक्षा गरेका थिए ।

कार्यक्रमका प्रमुख अतिथी डा. कृष्णहरि बरालले गीतका शब्दका बारेमा समिक्षा सहितको शुभकामना  व्यक्त गरे । उनले गीतका शब्दहरु समय सान्दर्भिक रहेको र गायिका नयाँ भैकन पनि बी.बी अनुरागी जस्तो कुशल संगीतकर्मीको र्सगतमा आइपुगेकाले र संगीत क्षेत्रकै शिखर व्यक्तित्व प्रकाश गुरुङलाई गुरु पाएकाले नम्रताको सांगीतिक यात्रामा कठिनाई नभएको बताउँद श्भाशिष सहितको शुभकामना व्यक्त गरेका थिए । यस्तै कार्यक्रमका अन्य अतिथीहरुले पनि नव गायिका नम्रतालाई शुभकामना मन्तव्य दिएका थिए ।