सडक डिभिजनको अपिल : विभागकै प्रतिष्ठासँग जोडी अतिरञ्जित गर्नु खेदजनक

काठमाडौँ २१ फागुन २०८० 

विगत २४ घण्टामा सडक विभाग परिसर हुँदै जाने सडकका बारेमा तस्बिर राखी सामाजिक सञ्जालमा अतिरञ्जित प्रतिक्रियाबारे सडक डिभिजन काठमाडौँको गम्भीर ध्यानाकर्षण भएको जनाएको छ ।

आज एक विज्ञप्ति जारी गर्दै विभागले शनिबार सबग्रेडको तयारी गरेको भोलिपल्ट आएको वर्षाको कारण सडक हिलो भएको विषयलाई सडक विभागकै प्रतिष्ठासँग जोडेर अतिरञ्जित गर्नु खेदजनक भएको जनाएको हो ।

विज्ञप्तिमा भनिएको छ, यस डिभिजनसँग सडक विभागको परिसरमा स्तरोन्नति गर्ने कामका निमित्त सम्झौता गरेको निर्माण व्यवसायीले मिति २०८०/११/१९ गते शनिबार सबग्रेडको तयारी गरेको भोलिपल्ट आएको वर्षाको कारण सडक हिलो भएको विषयलाई सडक विभागकै प्रतिष्ठासँग जोडी अतिरञ्जित गर्नु खेदजनक छ ।

यस्तै सो सडकको निर्माणलाई प्राथमिकतामा राखिएको र निर्माण व्यवसायी पनि समय अगावै निर्माण सम्पन्न गर्ने गरी काम सुरु गरिरहेको सन्दर्भमा निर्माणाधीन सडकमा आएको समस्यालाई लिएर वास्तविकता नबुझी तथा यस किसिमका स्वाभाविक समस्यालाई बुझी बुझी पनि बुझ पचाउने, आफूलाई पूर्वाधार विज्ञ सम्झिने, स्वघोषित विज्ञहरूले भाइरल हुनका निम्ति यस किसिमको हर्कत गर्नु अझ दुर्भाग्य भएको विभागको भनाइ छ ।

सडक विभाग, सडक डिभिजन काठमाडौँ मातहतका सडकहरूमा खाल्डा रहित बनाउने अभियानमा जुटेको संस्थालाई यस किसिमको हर्कत भनेको मनोबल गिराउने, समाजमा नकारात्मक सन्देश फैलाई देशमा केही राम्रो काम हुँदैन, सबैतिर यस्तै हो भन्ने खालका टिप्पणीले विद्यार्थीदेखि सबैमा नकारात्मक मनोभाव उत्पन्न भै विदेशिने कारण मध्ये यस्तै हर्कत पनि मुख्य रूपमा आएको छ, विभागद्वारा जारी विज्ञप्तिमा उल्लेख छ ।

तसर्थ, सामाजिक सञ्जालमा आएका यस किसिमका अतिरञ्जित प्रतिक्रियाप्रति सजग रहि वास्तविकता बुझेर मात्र प्रतिक्रिया दिन सरोकारवाला तथा सर्वसाधारणमा सडक डिभिजन काठमाडौँका सुचना अधिकारी ई. प्रमोद खतिवडाको हस्ताक्षरमा जारी विज्ञप्तीमा अपिल गरिएको छ ।

थप समाचारहरु

म्याग्दीका किसान आलु खेतीतर्फ आकर्षित पत्रकार कमल कोइरालाको निधन, श्रद्धाञ्जलीका लागि पार्थिव शरीर एकीकृत समाजवादीको कार्यालयमा पाँच लाख एक हजार एक सय ११ नगद सहित भाटभटेनीका सुरक्षा गार्ड सम्मानित तीनकुनेको हिंसात्ममक आन्दोलन क्षम्य हुन सक्दैन : रमेश लेखक एमएडब्ल्यू वृद्धिद्वारा चितवनमा सेरेस र नामी ईभीहरूको सबैभन्दा ठूलो एक्सचेन्ज र टेस्ट ड्राइभ क्याम्प सुरु यस्तो छ आज सागसब्जी र फलफूलको मूल्य आज महावीर जन्मजयन्ती, उपराष्ट्रपतिद्वारा शुभकामना व्यक्त जात्रामय भक्तपुर, नौदिने बिस्काको आज चौथो दिन सिन्धुली कलाघर–जहाँबाट सुरु हुँदैछ विश्वलाई जोड्ने कला–क्रान्ति नेपाल इन्जिनियरिङ कलेजमा कोरियाली प्राध्यापकको भ्रमण ऐन जारी नभएसम्म आन्दोलन नरोक्ने अडामा महासंघ, शिक्षा मन्त्रालय सातबुँदे प्रस्ताव मन्त्रिपरिषद्‍मा लैजाँदै एनआरएनए एकता महाधिवेशनको मिति सर्दैन: उच्चस्तरीय समिति महालक्ष्मी विकास बैंक बन्यो सबैभन्दा कम कोष लागत भएको विकास बैंक कश्मीर आक्रमणपछि भारत कडा रुपमा प्रस्तुत : पाकिस्तानसँगको कूटनीतिक सम्बन्ध स्थगित सरकार र संसद जिम्मेवार बन्नुपर्छ : नैनसिंह महर इनारमा गाडी खस्दा १२ जनाको मृत्यु मुगुको जिमा केन्द्रबिन्दु भएर भूकम्पको धक्का भूपरिवेष्टित विकासशील राष्ट्रलाई पछाडि पार्न नहुनेमा प्रधानमन्त्रीको जोड