सिजी मोटर्सले आज नेपालकै पहिलो १००% प्योर इलेक्ट्रिक ४x४ पिकअप – रिड्डारा आरडी६ सार्वजनिक गरेको छ। हात्तीवन रिसोर्ट, फर्पिङ, दक्षिणकालीमा ट्र्याक एडभेन्चर ड्राइभको आयोजना गरी यो पिकअप सार्वजनिक गरिएको हो। सोही कार्यक्रममा १० वटा रिड्डारा ४WD को बुकिङ भएको कम्पनीले जनाएको छ।
अत्याधुनिक प्रविधि र उत्कृष्ट कार्यक्षमताका साथ डिजाइन गरिएको रिड्डारा ४x४ ले नेपालको ईभी पिकअप सेगमेन्टमा नयाँ मापदण्ड स्थापित गरेको छ। यसमा ४२४ किलोमिटरको उत्कृष्ट रेन्ज र ७३ किलोवाट आवर (KWh) क्षमताको ब्याट्री रहेको छ, जसले कार्यक्षमता र वातावरणमैत्री प्रविधिको अनुपम संयोजन प्रस्तुत गर्छ। साथै, यसमा २२५ मिलिमिटरको ग्राउन्ड क्लियरेन्स, ९५% को अधिकतम ग्रेडेबिलिटी, ६.१ मिटरको टर्निङ रेडियस र जीबी/टी चार्जिङ सुविधा उपलब्ध छ, जसले यो पिकअपलाई हरेक चुनौतीपूर्ण परिस्थितिमा उत्कृष्ट प्रदर्शन गर्न सक्षम बनाउँछ।
नेपालको विविध भूगोल र सडक अवस्थालाई ध्यानमा राखेर डिजाइन गरिएको रिड्डारा ४x४ मा ७ वटा फरक-फरक ड्राइभिङ मोडहरू – स्यान्ड (Sand), मड (Mud), अफ-रोड (Off-road), वेडिङ (Wading), इकोनोमी (Economy), कम्फर्ट (Comfort) र स्पोर्ट (Sport) – समावेश छन्। यी मोडहरूले सबै प्रकारका सडकमा सहज र सुरक्षित यात्रा सुनिश्चित गर्छन्। थप रूपमा, ५४० डिग्री सराउन्ड भ्यू क्यामेरा प्रणालीले पूर्ण दृश्य प्रदान गरेर सवारीको सुरक्षालाई अझ बलियो बनाउँछ।
आजको औपचारिक कार्यक्रमलाई थप रोमाञ्चक बनाउन रिड्डारा आरडी६ ले विशेष ४WD डेलिभरी र एडभेन्चर ड्राइभ अनुभवको आयोजना गरेको थियो। सहभागीहरूले विभिन्न चुनौतीपूर्ण भूभागहरूमा गाडीको वास्तविक शक्ति र क्षमताको प्रत्यक्ष अनुभव लिन पाए। यो कार्यक्रमले रिड्डाराको अद्वितीय प्रदर्शन र प्रविधिलाई उजागर गरेको छ। रिड्डारा अहिले प्रारम्भिक मूल्य रु. ७९.९९ लाखमा उपलब्ध छ, जसले यसको उत्कृष्ट विशेषताहरू र वातावरणमैत्री प्रविधिलाई अझ आकर्षक र मूल्यवान बनाउँछ। यो पिकअपले प्रदान गर्ने सुविधा र प्रविधिको आधारमा यो मूल्य निकै प्रतिस्पर्धी मानिएको छ।
रिड्डाराको यो प्रक्षेपण ईभी सवारी साधनको क्षेत्रमा मात्र नभई नेपालमा अन्तर्राष्ट्रिय स्तरको प्रविधि भित्र्याउने दिशामा पनि एउटा ठूलो उपलब्धि हो। यो पिकअपले चीनमा नम्बर १ ईभी पिकअपको रूपमा पहिचान बनाइसकेको छ। यसको मूल कम्पनी जिली अटो ग्रुप चीनका शीर्ष १० ठूला अटोमोबाइल कम्पनीहरूमध्ये एक हो। यस प्रक्षेपणमार्फत सिजी मोटर्सले नेपालमा विद्युतीय सवारी साधनको क्षेत्रमा नवीनतम प्रविधि प्रस्तुत गर्दै नयाँ युगको सुरुवात गरेको छ।
