२९५ गर्भवतीलाई पोषण भत्ता वितरण

तनहुँ । तनहुँको व्यास नगरपालिकाले दुई सय ९५ गर्भवतीलाई पोषण भत्ता वितरण गरेको छ ।

नवजात शिशु र आमाको स्वास्थ्य स्याहार तथा सुरक्षाका लागि जनही रु पाँच हजारका दरले गर्भवतीलाई पोषण भत्ता वितरण गरेको हो । गत आर्थिक वर्षमा २४३ गर्भवतीलाई रु १२ लाख २५ हजार र चालु आवको साउनदेखि असोजसम्म ५२ जनालाई रु दुई लाख ६० हजार रकम प्रदान गरिएको हो ।

गर्भवती पोषण कार्यक्रम (महिलासँग उपप्रमुख) अन्तर्गत उनीहरुलाई रकम प्रदान गरिएको महिला बालबालिका अपाङ्गता तथा ज्येष्ठ नागरिक उपशाखाले जनाएको छ । गर्भवतीलाई पोषण प्रोत्साहन रकम प्रदान गरी कुपोषण हुनबाट बचाउने, नियमित गर्भ जाँच गराउने र असुरक्षित सुत्केरीलाई निरुत्साहित गर्ने उद्देश्यले पोषण भत्ताको व्यवस्था गरिएको महिला विकास निरीक्षक जानुका सुर्खालीले जानकारी दिए।

नगरपालिका क्षेत्रका सरकारी स्वास्थ्य संस्थाबाट कम्तीमा तीन पटक स्वास्थ्य परीक्षण गराउका गर्भवतीलाई आठ महिनापछि रु पाँच हजार प्रदान गरिने उनले बताए । यसअघि गर्भवतीलाई नगद नै वितरण गर्ने गरिएको थियो ।

त्यसैगरी चालु आर्थिक वर्षमा डिजिटल प्रविधिबाट अपाङ्गता भएकालाई परिचयपत्र वितरण कार्य थालिएको छ । चालु आर्थिक वर्षमा ‘क’ वर्गको दुई, ‘ख’ वर्गको २९, ‘ग’ वर्गको १८ तथा ‘घ’ वर्गको सात जनालाई परिचयपत्र वितरण गरिएको सहायक महिला विकास निरीक्षक शर्मिला जम्मरकट्टेलले जानकारी दिए। गत वर्ष एक सय ९० जनालाई यस किसिमको परिचयपत्र प्रदान गरिएको थियो ।

थप समाचारहरु

पर्यटकीय क्षेत्रमा चहलपहल बढ्दो युगकवि सिद्धिचरणलाई नयाँ समयमा चिनाउने पुस्तक राष्ट्र बैंकले ३७ अर्ब २२ करोड ३८ लाख सरकारलाई बुझाउने चार महिनामा २४२ उद्योग दर्ता, ४१ अर्ब बराबरको विदेशी लगानीको प्रस्ताव सहृदयता अन्तर्राष्ट्रिय इजरायलको अध्यक्षमा खतिवडा नेपाल भ्रष्टाचार व्याप्त मुलुकहरुको सूचीमा इसेवा महा–उत्सव बम्पर उपहार विजेता घोषणा- रवि बम्जनले जिते कार बागलुङको किबी बुटबलमा खपत युनिभर्सल सर्टिफिकेटसहित ‘हेल्लो काँशीराम’ सेन्सर पास लखनउलाई घरेलु मैदानमा पराजित गर्ने पञ्जावको प्रयास जारी एक लाख ८० हजार भन्दा माथि उक्लियो सुन ललितपुर प्रहरीद्वारा एम्बुलेन्सबाट लागुऔषध बरामद तरलता बढेपछि राष्ट्र बैंक ३५ अर्ब रुपैयाँ तान्दै आजका लागि निर्धारित विदेशी मुद्राको विनिमय दर भारतको एक औषधि कारखानामा विस्फोट हुँदा ३६ जनाको मृत्यु, तीन दर्जन बढी घाइते सुदूरपश्चिम प्रदेशसभाः आगामी आर्थिक वर्षको बजेट पारित न्युरोडका व्यवसायी र नगरप्रहरीबीच विवाद, पसल बन्द गरेर व्यवसायीहरु विरोधमा इजरायली सेना गाजामा रहेसम्म युद्धविराम असम्भव : हमास