अनुदानको माग राख्दै उखु किसानहरु पुनः आन्दोलित

महोत्तरी । महोत्तरी जिल्लाका उखु खेती गर्ने किसानहरुले आन्दोलन गर्ने भएका छन् । उखुमा सरकारले दिँदै आएको अनुदानको निरन्तरता हुनुपर्ने माग राखेर किसानहरुले आन्दोलन गर्ने भएका हुन् ।

जिल्लाभरमा उखुखेती गर्ने किसानको सङ्ख्या १५ हजार हाराहारी छ । यसअघि सरकारले दिँदै आएको चिनी उद्योगमा बुझाइएको उखुमा अनुदान प्रतिक्विन्टल रु ७० यसपालि बजेटमा नपरेपछि किसान आन्दोलित भएका छन् । आइतबार जिल्ला प्रशासन कार्यालयमार्फत उनीहरुले अनुदानको निरन्तरताका लागि प्रधानमन्त्री केपी शर्मा ओलीलाई ज्ञापनपत्र बुझाएका थिए । किसानले मङ्गलबार गौशाला–१ रामनगरस्थित एभरेष्ट चिनी उद्योग अगाडि प्रदर्शन गरे ।

“यस वर्षको बजेटमा अनुदानको विषय नसमेटिएपछि निरन्तर सरकारको ध्यानाकर्षण गराउँदै आएका छौँ”, उखु उत्पादक कृषक सङ्घका अध्यक्ष नरेशसिंह कुशवाहाले भने, “विश्वास छ, हाम्रो मागको सुनवाइ हुनेछ ।”  उखुखेती किसान आफ्ना प्रतिनिधि संस्था उखु उत्पादक कृषक महासङ्घ र उखु उत्पादक कृषक सङ्घका पदाधिकारीका साथ आन्दोलनमा छन् ।

 उखु उत्पादक कृषक महासङ्घका सदस्य महाशङ्कर थिङका अनुसार किसानले मुख्य रूपले उखुखेतीमा सरकारले दिँदै आएको अनुदानलाई निरन्तरता दिनुपर्ने, गत आर्थिक वर्ष २०८१÷८२ को अनुदानबापतको रकम तुरुन्त किसानलाई उपलब्ध गराउनुपर्ने, बर्सेनि उखुको मूल्य निर्धारण गरिनुअघि उखु किसानका प्रतिनिधि, चिनी उद्योग र सरकारबीच सहमति गरिनुपर्ने लगायतका माग किसानले राखेका छन् । माग सम्बोधन नभए आगामी भदौ ८ गतेदेखि राजधानीकेन्द्रित आन्दोलन गर्ने सङ्घले जनाएको छ ।

महोत्तरीमा गत आव २०८१/८२ को यामको उखुबाट किसानले रु २१ करोड ७२ लाख ९१ हजार रकम पाउनुपर्ने छ । महोत्तरीमा आव २०८१/८२ मा अनुदान पाउनुपर्ने किसानको सङ्ख्या १४ हजार ५३३ छ । यसपालि यो सङ्ख्या १५ हजारमाथि पुग्ने उखु उत्पादक कृषक सङ्घका अध्यक्ष कुशवाहाको भनाइ छ । आव २०८०÷८१ मा भने जिल्लाका १४ हजार ४४४ किसानले अनुदानबापतको जम्मा रु २० करोड ३३ लाख पाएका थिए ।

थप समाचारहरु

‘हाइब्रिड’ मकैको बीउ पाउन कठिन गौचरन जग्गामा केराखेती यस्तो छ आज सागसब्जी र फलफूलको मूल्य नागरिकलाई उद्यमशीलतामा जोड्दै हेफर कार्यक्रम यस्तो छ आज सागसब्जी र फलफूलको मूल्य आजको तरकारी र फलफूलको मूल्य यस्तो छ  ढाकावाङका किसानलाई मौरी वितरण    आज तरकारी र फलफूलको मूल्य यस्तो रह्यो यस्तो छ आजको लागि तरकारी तथा फलफूलको थोक मूल्य आजका लागि निर्धारित तरकारी तथा फलफूलको थोक मुल्य आजका लागि निर्धारित तरकारी तथा फलफूलको थोक मूल्य आजका लागि निर्धारित तरकारी तथा फलफूलको थोक मूल्य प्रधानमन्त्री रोजगार कार्यक्रमः बाँझो बारीमा आलुखेती यस्तो छ आजको सागसब्जी र फलफूलको थोक मूल्य यस्तो छ आजको सागसब्जी र फलफूलको थोक मूल्य भूमिहीन १२० परिवारको हातमा लालपुर्जा वीरगञ्जमा निस्शुल्क धारा जडान र धरौटी शुल्कमा छुट स् जनताको पहुँचमा सहज खानेपानी सेवा सुनकोशी मरिन डाइभर्सन आयोजनाको काम सात वर्षमा ३७ प्रतिशत