अन्तर्राष्ट्रिय विमानस्थल खुल्ने अनिश्चित

ललितपुर । त्रिभुवन अन्तरराष्ट्रिय विमानस्थल अनिश्चितकालका लागि बन्द भएको छ । विषम परिस्थितिका कारण अन्तरराष्ट्रिय विमानस्थल खुल्ने समय अनिश्चित रहेको विमानस्थल कार्यालयले सार्वजनिक सूचनामार्फत जानकारी गराएको हो ।

मङ्गलबार दिउँसो २ः३० बजेदेखि त्रिभुवन अन्तरराष्ट्रिय विमानस्थल बन्द रहेको छ । गए राति १ः०० बजेसम्मका लागि बन्द गरिएको विमानस्थल पुनः आज सूचना निकालेर साँझ ६ः०० बजेसम्म बन्द गरिएको थियो । विमानस्थल कार्यालयले थप अर्को सूचना जारी गर्दै विमानस्थल खुल्ने समय अनिश्चित भएकाले विमानस्थलसम्बन्धी सूचनाका आधारमा सम्पर्कमा रहन वायुसेवा कम्पनीहरूलाई आग्रह गरिएको छ ।

“उपत्यकामा जारी निषेधाज्ञा, उपत्यकाभित्रको विषम परिस्थितिलगायत त्रिभुवन अन्तरराष्ट्रिय विमानस्थल वरपर विमान उडान अवतरण मार्गमा देखिएको धुँवालगायतले विमानको सुरक्षामा गम्भीर असर पर्न सक्ने देखिएकाले अर्को सूचना नभएसम्मका लागि विमानस्थल बन्द रहने व्यहोरा सम्बन्धित सबैमा जानकारीका लागि अनुरोध छ”, सूचनामा भनिएको छ ।

साथै विमानस्थल बन्द रहेको अवस्थामा विमानस्थलमा नआइदिन हुन तथा विमानस्थल खुलेको सूचना पाएपश्चात सम्बन्धित वायुसेवा कम्पनीमा सम्पर्क गरेर मात्र विमानस्थल आउन सम्पूर्ण यात्रुवर्गमा विमानस्थलले अनुरोध गरेको छ । यसबाट यात्रुवर्गमा पर्न गएको असुविधाप्रति पनि विमानस्थलले क्षमा मागेको छ ।

अन्तरराष्ट्रिय विमानस्थल बिहान ६ः०० देखि राति १ः०० बजेसम्म सञ्चालन हुँदै आएको छ । आन्तरिकतर्फ १२ हेलिकप्टर कम्पनीसहित २१ वायुसेवा कम्पनीले सेवा दिइरहेका छन् । अन्तरराष्ट्रियतर्फ तीन नेपालीसहित ३० हवाई कम्पनीले उडान भर्दै आएका छन् ।

थप समाचारहरु

काठमाडौं–तराई द्रुतमार्ग : ३१ प्रतिशत काम सकियो, जेठभित्र दुई सुरुङको ‘ब्रेक थ्रु’ हिमालयन बैंक र टेकु स्थित शुक्रराज ट्रपिकल अस्पताल विच नगद संकलन गर्ने सम्झौता आनी छोइङ डोल्माको जीवनी प्रेरित डकुमेन्ट्री एनएमबि बैंकद्वारा लैङ्गिक समता र सामाजिक समावेशीकरण योजनाको घोषणा सुन जाँचबुझ आयोगले बुझायो प्रतिवेदन सरकारको साझा सङ्कल्प : निराशा चिर्दै, भरोसा जगाउँदै ! आरविवि मर्चेन्ट बंकिङ्गद्धारा वित्तीय शिक्षा अभिबृद्धिको लागि सचेतनामूलक कार्यक्रम सम्पन्न भिटोफ-नेपालको २५ औँ अधिवेशन सम्पन्न कुलेखानी–कलङ्की–हुमाने सडक आजदेखि १९ दिन बन्द नक्कली सुनको मूर्ति देखाई ठगी गर्ने पक्राउ लैङ्गिक तथा यौनिक अल्पसङ्ख्यक विरुद्धको घृणालाई राज्यविरुद्धको अपराध घोषणा गरियोस् : मायाको पहिचान नेपाल विद्यार्थी नभएका कारण बेनीका दुई विद्यालय बन्द वाग्मती सफाइ महाअभियान १३औँ वर्ष प्रवेश सबै क्षेत्रको समन्वयमा मात्रै विपद् जोखिम न्यूनीकरण गर्न सकिने धुनिवेशीमा युनाइटेड सिमेन्ट्सको निःशुल्क सिलाई–कटाई तालिम सम्पन्न रवि र छवि दुबैको मुद्दाको सुनुवाइ सकियो, सम्भवत आदेश आजै आउने पाँच वर्षले घट्यो युवा उमेर : अब १८ देखि ३५ सम्मका युवा उमेर कायम हुने गोरखामा रात्रिबस दुर्घटना, २१ घाइते