अमेरिकाले २०२३ मा बेच्यो २ खर्ब ३८ अर्ब डलरको हतियार

काठमाण्डौ १६ माघ २०८० । 

विश्वमा संयुक्त राज्य अमेरिकाको हतियार बिक्री ह्वात्तै बढेको छ। गत वर्ष रुसले युक्रेनमा आक्रमण थालेपछि बढेको मागसँगै अमेरिकाले कुल २ खर्ब ३८ अर्ब अमेरिकी डलरको हतियार बिक्री गरेको हो।

अमेरिकी सरकारले ८१ अर्ब डलरको हतियार बिक्रीमा प्रत्यक्ष परामर्श गरेको थियो जुन स्टेट डिपार्टमेन्टका अनुसार सन् २०२२ को भन्दा ५६ प्रतिशतले बढी हो।

बाँकी सबै अमेरिकी प्रतिरक्षा कम्पनीहरुले विदेशी राष्ट्रलाई प्रत्यक्ष बिक्री गरेको बीबीसीले उल्लेख गरेको छ।

युक्रेनको छिमेकी पोल्यान्ड समेत अहिले आफ्नो सैन्य विस्तार गर्दै छ, जसले नै ठूला खरिदमध्ये केही किनिसकेको छ।

पोल्यान्डले १२ अर्ब डलरका अपाची हेलिकप्टर, हाइ मोबिलिटी आर्टिलरी रकेट सिस्टम (हिमार्स) १० अर्ब डलरको, एम१ए१ अब्राम्स ट्यांक ३.७५ अर्ब डलरको खरिद गरेको डिपार्टमेन्टले जनाएको छ।

अक्टोबरमा सकिने अमेरिकी सरकारको आर्थिक वर्षका लागि तयार प्रतिवेदनमा यसबारे उल्लेख छ। उसले ४ अर्ब डलरको इन्टिग्रेटेड एयर एन्ड मिसाइल डिफेन्स ब्याटल कमान्ड सिस्टम समेत खरिद गरेको छ।

हालका पोलिस प्रधानमन्त्री डोनाल्ड टस्कले अघिल्लो सरकारको सैन्य आधुनिकीकरण नीतिलाई निरन्तरता दिने बताइसकेका छन्। यसको अर्थ पोल्यान्ड युरोपकै प्रमुख शक्तिशाली राष्ट्र बन्ने लक्ष्यसाथ अघि बढेको छ।

यता जर्मनीले समेत साढे ८ अर्ब डलरका चिनुक हेलिकप्टर, बुल्गेरियाले डेढ अर्ब डलरका स्ट्राइकर आर्मर भेहिकल र नर्वेले १ अर्ब डलरका मल्टिमिसन हेलिकप्टर खरिद गरेका छन्।

यसबाहेक चेक गणतन्त्रले ५.६ अर्ब डलरका एफ–३५ जेट विमान र अन्य हतियार खरिद गरेको छ।

युरोपबाहिरबाट समेत अमेरिकी हतियार खरिद भएको छ। जसमा दक्षिण कोरियाले ५ अर्ब डलरका एफ–३५ जेट र अस्ट्रेलियाले ६.३ अर्ब डलरका सी१३०जे–३० सुपर हर्कुल्स विमानहरु खरिद गरेको छ। जापानले समेत १ अर्ब डलरका ई–टुडी हकी जासुसी विमान खरिदको सम्झौता गरेको छ। बीबीसीबाट

थप समाचारहरु

जलवायु परिवर्तनले सन् २०२४ मा निम्त्याएका ५ विपत्ति अमेरिकामा ट्रम्पविरुद्ध विशाल प्रदर्शन अन्तरिक्षमा डेटा सेन्टर खोल्दै अमेरिकी कम्पनी चीनको स्मार्ट ब्याट्री विकासः अब विद्युतीय गाडी बढी दिगो र भरपर्दो हुने अमेरिकाको प्रतिष्ठित ACP Osler Cup पुरस्कार जित्ने पहिलो नेपाली चिकित्सक बनिन् डा.बोहोरा वैश्विक व्यापार तनावबीच इन्डोनेसियामा विद्युतीय सवारीसाधन क्षेत्रमा तीव्र लगानी रुसद्वारा १२०० युक्रेनी सैनिकहरूको शव फिर्ता रुसमाथिको प्रतिबन्ध लम्ब्याउन इयू नेता सहमत इजरायली युद्धमा मारिएका उच्च इरानी अधिकारीको राजकीय सम्मानसहित अन्त्येष्टि टेक्सासमा बाढी -मृत्यु हुने सङ्ख्या २५ पुग्यो, उद्धार जारी इराकको सपिङ मलमा आगलागी, ५० जनाको मृत्यु इयुद्वारा १५ प्रतिशत अमेरिकी कर स्वीकार जापानी समुद्रमा चीन र रुसद्वारा जापान सागरमा संयुक्त अभ्यास सुरु बलुचिस्तानमा बम विस्फोट, पाकिस्तानी सेनाका मेजरसहित तीनको मृत्यु प्राविधिक गडबडीका कारण अमेरिकाभर हवाइ सेवा बन्द, विमानस्थलमा यात्रुहरू अलपत्र चिलीमा ७ करोड ४० लाख वर्ष पुरानो स्तनपायी जीवाश्म फेला भारत ‘अलिक हठी’ छ : अमेरिकी अर्थमन्त्री चीनमा आएको आकस्मिक बाढीका कारण ८ जनाको मृत्यु, ४ जना बेपत्ता