अर्थ मन्त्रालयद्वारा बजेट कार्यान्वयनसम्बन्धी छलफल सुरु

ललितपुर । आजबाट नेपाल सरकार अर्थ मन्त्रालयले आर्थिक वर्ष २०८२/८३ को बजेट कार्यान्वयनसम्बन्धी मन्त्रालयगत छलफल सुरु गरेको छ । यससम्बन्धमा आइतबार अर्थ मन्त्रालयले उद्योग, वाणिज्य तथा आपूर्ति मन्त्रालयसँग छलफल गरेको हो ।

आइतबारको छलफलमा दलित समुदायको परम्परागत सीप, कला र पेशाको संरक्षण गर्दै रोजगारी र आयआर्जनका अवसर सिर्जना गर्न भगत सर्वजित उद्यमशिलता कार्यक्रम विकास कार्यक्रम अन्तर्गत आधुनिक प्रविधिको हस्तान्तरण र तालिमसँगै उत्पादित वस्तुलाई बजारसँग जोडेर अघि बढ्ने कुरामा सहमति जुटेको छ ।

यस्तै, काठमाडौं उपत्यकामा सञ्चालित उद्योगहरुलाई उपत्यका बाहिरका औद्योगिक क्षेत्रमा स्थानान्तरण गरी राजधानीको प्रदूषण नियन्त्रण गर्ने र स्थानान्तरण हुने उद्योगलाई विशेष सहुलियत दिनेबारे छलफल गरिएको छ । यससँगै भारत, चीन लगायत अन्तर्राष्ट्रिय समुदायले मान्यता दिने गरी नेपालमा अन्तर्राष्ट्रिय स्तरको गुणस्तर प्रयोगशाला स्थापना गर्ने, झापा, मकवानपुरको मयुरधाप, चितवनको शक्तिखोरमा आधुनिक औद्योगिक क्षेत्रको निर्माण लगायतका विषयमा पनि छलफल भएको हो ।

आइतबार बसेको बैठकमा उपप्रधानमन्त्री एवं अर्थमन्त्री विष्णुप्रसाद पौडेल, उद्योग, वाणिज्य तथा आपूर्ति मन्त्री दामोदर भण्डारी, अर्थ सचिव घनश्याम उपाध्याय, राजस्व सचिव दिनेशकुमार घिमिरे, उद्योग सचिव डा. रामप्रसाद घिमिरे लगायत अन्य विशिष्ट व्यक्तित्वहरुको उपस्थिति थियो ।

छलफललाई निरन्तरता दिने क्रममा अर्थमन्त्रालयले आर्थिक वर्ष २०८२/८३ को बजेटलाई कार्यान्वयन गर्न समेत विभागहरुसँग छलफल गर्ने कार्यक्रम रहेको छ ।

थप समाचारहरु

आन्तरिक उत्पादन वृद्धि गरेर मात्र सङ्घीयता सबल हुन्छ खानेपानी विभागको चालु आर्थिक वर्षको वित्तिय प्रगति उत्कृष्ट सुन–चाँदीको मूल्यमा भारी गिरावट प्रधानमन्त्रीद्वारा झापाको गौरादहस्थित नगर अस्पतालको शिलान्यास आजका लागि निर्धारित विदेशी मुद्राको विनिमयदर हिंसात्मक राजनीतिबाट एमाले पनि पीडित छ : प्रधानमन्त्री ओली समाजवादी क्रान्तिको पक्षमा पार्टी एकतालाई अगाडि बढाएका छौँ : अध्यक्ष दाहाल प्रमुख तीन दलका शीर्ष नेताहरूबिच समसामयिक राजनीतिक विषयमा छलफल छ वटा संसदीय समितिको बैठक बस्दै रास्वपा र राप्रपाले गरे प्रतिनिधिसभाको बैठक बहिस्कार आज चारवटा संसदीय समितिका बैठक बस्दै नेपाल संस्कृत विश्वविद्यालयको सिनेट : एक अर्ब ३१ करोडको बजेट स्वीकृत नयाँ आर्थिक वर्षदेखि दैनिक उकालो लाग्दै सुनचाँदीको मूल्य राजस्व सङ्कलनमा नौ दशमलव ४० प्रतिशतले वृद्धि आज तिनिधिसभाको बैठक बस्दै, प्रधानमन्त्रीले विशेष सम्बोधन गर्ने नेपालको सार्वजनिक ऋण २६ खर्ब ६९ अर्ब, एक नेपालीको टाउकोमा ९१ हजार बराबर ऋणको भार नेशलन लघुवित्तको नाफा १३६.३३ प्रतिशतले वृद्धि प्रस्तावित वैकल्पिक विकास वित्त कोषको पुँजी संरचनाबारे सांसदहरू र अर्थमन्त्रीबीच फरक मत