असार २४ मा आएको बाढीले रसुवागढी जलविद्युत् आयोजनामा साढे ३ अर्ब क्षतिको अनुमान, पुननिर्माणका लागि कर्मचारी सञ्चय कोषसँग ऋण लिइने

ललितपुर । गत असार २४ गते रसुवाको ल्हेन्दे खोलामा आएको भिषण बाढीले १११ मेगावाट क्षमताको रसुवागढी जलविद्युत् आयोजनामा मात्रै करिव साढे ३ अर्बको क्षति पुगेको प्रारम्भिक अनुमान गरिएको छ ।

रसुवागढी जलविद्युत् कम्पनी लिमिटेडका अनुसार, रसुवा बाढीले जलविद्युत् आयोजनाको हेडवक्स, डिजेनेटर, गेट संरचना, पावर हाउस, मोटर हाउसलगायतका संरचनामा समेत ठूलो क्षति पुर्याएको छ ।

बाढीका कारण तहसनहस भएको रसुवागढी जलविद्युत् आयोजनाबाट अझै पनि क्षतिको यकिन विवरण भने आइसकेको छैन । बाढीको वितण्डाका कारण क्षति भएका २० दिन बितिक्दिा पनि आयोजनाको यकिन क्षतिको विवरण आउन नसक्नुमा स्थलगत अवलोकनमा अझै पनि कमजोरी नै देखिन्छ । यतिबेला रसुवागढी जलविद्युत् कम्पनी लिमिटेडले भने प्रारम्भिक रुपमा हेर्दा साढे ३ अर्ब हाराहारीको क्षति भएको हुन सक्ने अनुमान गरेको छ ।

यतिबेला बाढीले पुरेका सिभिल संरचनाहरु उत्खनन् गर्दै क्रम जारी भएको र यसरी उत्खनन गर्दै जाँदा क्षति कम पनि हुन सक्ने अनुमान रसुवागढी हाइड्रोपावर कम्पनी लिमिटेडका जिम्मेबार व्यक्तहरु बताउँछन् । अहिले बाढीले क्षतिग्रस्त आयोजनास्थलमा इन्जिनियरको टोली समेत पुगिसकेका छन् । चिलिमे इन्जिनियरिङ र एनईए इन्जिनियरिङका प्राविधिक तथा इन्जिनियरहरुको टोली आयोजनास्थलमा पुगेर क्षतिको विवरण र पुनः निर्माणको डिजाइन बनाउने कार्य सुरु भइसकेको स्रोतले जानकारी दिएको छ ।

क्षतिग्रस्थ स्थानमा यतिबेला धमाधम प्रारम्भिक रुपमा क्षतिको विवरण संकलन गर्ने र सिभिल तथा पुरिएका सामानहरु निकाल्ने र प्रारम्भिक पुननिर्माणको काम समेत थालिएको छ । तर पुननिर्माणको कार्य भने वर्षा नभएको अवस्था र थप बाढी आउने जोखिम टरेपछि मात्र अघि हाइड्रोपावर कम्पनीले जनाएको छ ।

बाढीले क्षतिग्रस्त उक्त जलविद्युत् आयोजनाको पुननिर्माणका लागि ठूलो रकम खर्च हुने देखिएकोले कर्मचारी सञ्चय कोषसँग ऋण लिइने भएको छ । क्षतिग्रस्त संरचनाको पुननिर्माण गरेर पुनः विद्युत् उत्पादन सुचारु गर्न आयोजनालाई थप रकम आवश्यक पर्ने देखिन्छ ।

कम्पनीका अनुसार बाढीले क्षति पुर्याएको संरचनाका लागि इन्स्योरेन्स कम्पनीबाट दिइने रकम पर्याप्त हुने र पुननिर्माणका लागि थप चाहिने रकम भने कर्मचारी सञ्चय कोषबाट ऋण दिने तयारी गरिएको छ ।

थप समाचारहरु

विपी राजमार्ग एक महिनाका लागि १२ घण्टा बन्द नेपाल मेडिकल कलेजमा दक्ष जनशक्तिको आवश्यकता खानेपानीमन्त्री यादवद्धारा राति छड्के अनुगमन तथा निरीक्षण नेपाल आयल निगमले छ अर्ब ५० करोड लागतमा नयाँ हवाई इन्धन डिपो निर्माण गर्ने काठमाडौँ महानगरपालिकाद्वारा छात्रवृत्ति कोटाको सूची सार्वजनिक अब इम्बोस्ड नम्बर अनिवार्य आज गाईजात्रा पर्व मनाइँदै-काठमाडौँ उपत्यकामा सार्वजनिक बिदा ठमेल सञ्चयकोबाट सुरु हुँदै इन्द्रेणी गाईजात्रा र्‍याली लासबाट मासु र हड्डी निकालेको आरोपमा एक जना पक्राउ मुस्लिम समुदायमा इदको रौनक, सरकारले दियो सार्वजनिक बिदा शकंर पोखरेलको दवावले पत्रकार महासंघमा सल्लाहकार विवाद सुन–चाँदीको मूल्यमा भारी गिरावट जनतालाई सेवा दिएर लोकतन्त्रलाई बलियो बनाउनुपर्छ : प्रधानमन्त्री कुमारीको दज्र्यु संलापमाथि पोखरामा चर्चा आजका लागि निर्धारित विदेशी मुद्राको विनिमयदर ब्रेनब्रिज एजुकेसनले चितवनमा सेवा सुरु गर्दै, चितवनमा अध्ययनरत विद्यार्थीलाई छात्रवृत्ति दिने जनताको विश्वास जित्न आवश्यक सबै पहल, लगानी र समन्वयलाई निरन्तरता दिनेछौँ : मन्त्री यादव यस्तो छ आजको सागसब्जी र फलफूलको थोक मूल्य