आईपीओ निष्काशन गर्दै दरमखोला हाइड्रो इनर्जी

ललितपुर । दरमखोला हाइड्रो इनर्जी लिमिटेडले यही असार ९ गतेदेखि आईपीओ निष्काशन गर्ने भएको छ। पहिलो चरणमा कम्पनीले आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन गर्न लागेको हो।

यसपटक इनर्जी लिमिटेडले जारी पूँजी १ अर्ब ३ करोड ५ लाख रुपैयाँको ३८.३३ प्रतिशत अर्थात ३९ करोड ५० लाख रुपैयाँ बराबरको ३९ लाख ५० हजार कित्ता शेयर निष्काशन गर्ने अनुमति पाएको छ । जसमध्ये १० करोड ३० लाख ५० हजार रुपैयाँ बराबरको प्रतिशेयर १०० रुपैयाँ दरका १० लाख ३० हजार ५०० कित्ता साधारण शेयर प्रथम चरणमा आयोजना प्रभावित क्षेत्रका स्थानिय बासिन्दाहरुका लागि निष्काशन गर्न लागेको हो।

उक्त शेयरमा गुल्मी जिल्ला मुसीकोट नगरपालिका, बाग्लुङ जिल्ला गल्कोट नगरपालिका र बाग्लुङ जिल्ला बडीगाड गाउँपालिकाका स्थानीय बासिन्दाहरुले आवेदन दिन सक्नेछन्।

साथै सर्वसाधारण इच्छुक लगानीकर्ताहरुका लागि छुट्याइएको शेयरको १० प्रतिशतले हुन आउने २९ करोड १९ लाख ५० हजार रुपैयाँ बराबरको प्रतिशेयर १०० रुपैयाँ अंकित दरका २९ लाख १९ हजार ५०० कित्ता साधारण शेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगारी गर्दै आएका नेपालीहरुका लागि निष्काशन गर्न लागेको हो।

कम्पनीले आफ्ना कर्मचारीहरुका लागि भने ५८ हजार ३९० कित्ता र सामूहिक लगानी कोषहरुका लागि १ लाख ४५ हजार ९७५ कित्ता शेयर सुरक्षित गरेको छ।

उक्त आईपीओमा न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ ।

त्यसैगरी आयोजना प्रभावित क्षेत्रका स्थानीय बासिन्दाहरुका लागि निष्काशन बन्द छिटोमा असार २३ र ढिलोमा साउन ६ गते हुनेछ भने वैदेशिक रोजगारीमा रहेका नेपालीहरुले असार २३ गतेभित्र आवेदन दिइसक्नु पर्नेछ ।

यस्तै, कम्पनीको शेयर निष्काशन तथा बिक्री प्रबन्धक लक्ष्मी सनराइज क्यापिटल लिमिटेड रहेको छ। स्थानिय बासिन्दाले ग्लोबल आइएमई बैंकको वामी शाखा, लक्ष्मी सनराइज बैंकको गाल्कोट शाखा, प्रभु बैंकको गाल्कोट शाखा र दरम खोला पावरहाउसबाट आवेदन दिन सक्नेछन्। आयोजना प्रभावित क्षेत्रका बासिन्दाहरुले शेयर खरिद आवेदन प्राप्त गर्नका लागि दरखास्त फाराम बापत २ रुपैयाँ शुल्क बुझाउनु पर्नेछ।

वैदेशिक रोजगारीमा रहेका नेपालीहरुले नेपाल धितोपत्र बोर्डबाट स्वीकृति प्राप्त गरेका सम्पूर्ण सि आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट सि आस्बा प्रणाली मार्फत आवेदन दिन सक्नेछन्।

थप समाचारहरु

पत्रकार सालिकराम पुडासैनीको अन्तिम अन्तर्वार्ता मुलुक अहिले गन्तव्यहीन दिशातर्फ म लोकतान्त्रिक नेता लोकसेवा आयोगको छवि कायम राख्दै काम गर्नुपर्छ : मुख्यमन्त्री पौडेल दुई जना न्यायधिश र १३ जना कर्मचारी समेत बिरगन्जमा ८८ जना कोरोना संक्रमित ‘ मेरा अनुभूतिहरु ‘ नामक पुस्तक बिमोचन राष्ट्रिय वाणिज्य बैंकको ऋणपत्र आजदेखि बिक्री हुने ट्रेड टावरको आईपीओमा आवेदन दिने आज अन्तिम दिन प्रोटेक्टिभ माइक्रो इन्स्योरेन्सद्वारा ग्वासी विद्यालयलाई झोला वितरण हकप्रद निष्काशन गर्दै छ्याङदी हाइड्रो पावर मंगलबारको प्रि ओपन सेसनमा सामान्य अंकले घट्यो नेप्से साताको अन्तिम दिन नेप्से परिसूचक पाँच दशमलव ९९ अङ्कले घट्यो राष्ट्रिय वाणिज्य बैंकद्वारा देशको १० स्थानमा शाखा विस्तार सिटिजन्स बैंकद्वारा विश्व वातावरण दिवसको उपलक्ष्यमा सुदूरपश्चिम प्रदेशमा बृक्षारोपण सम्पन्न किसानलाई २२ प्रजातिका बिरुवा वितरण नेप्से परिसूचक २१ अङ्कले बढ्यो बन्दीपुर केबलकारको पहिलो चरणको आइपीओ बिक्रि आज बाट खुला ओरालो लाग्दै शेयर बजार : प्रि ओपन सेसनमा साढे १ अंकले घट्यो नेप्से