आकर्षक बनाइँदै पाल्पा दरबार सङ्ग्रहालय

पाल्पा २६ असार २०८१।

ऐतिहासिक पाल्पा दरबार सङ्ग्रहालयको केही संरचनाको पुनः निर्माण अन्तिम चरणमा पुगेको छ । दरबारलाई थप पर्यटकीय क्षेत्रका रूपमा विकास गर्र्ने ध्येयले पुराना जीर्ण संरचनाको पुनःनिर्माण थालिएको थियो ।

लुम्बिनी प्रदेश सरकार , पुरातत्व विभाग र तानसेन नगरपालिकाको सहकार्यमा दरबार क्षेत्र परिसरमा ढुङ्गा छाप्ने, पर्खाल बनाउने र जीर्ण भएको मूलढोका पुनःनिर्माण जारी छ । दरबारको सुरक्षार्थ बनाइएको पर्खाल र यसभित्रको संरचनामा ढुङ्गा बिछ्याउने काम यस आर्थिक वर्षभित्रै सक्नेगरी धमाधम भइरहेको छ । पुन ः निर्माणक लागि तानसेन नगरपालिकाले चालु आर्थिक वर्षमा रु ४१ लाख र लुम्बिनी प्रदेश सरकारले रु ५० लाख बजेट विनियोजन गरेका थिए । यसैगरी मूलढोका पुनःनिर्माण गर्ने काममा पुरातत्व विभागले रु ८१ लाख ९५ हजार विनियोजन गरेको जनाइएको छ ।

राणाकालीन समयमा बनेको मूलढोका जीर्ण बनेपछि यसलाई पुरानै स्वरुप नबिग्रने गरी बनाउन थालिएको तानसेन नगरपालिकाका उपप्रमुख प्रतिक्षा गाहा सिंजालीले जानकारी दिनुभयो । पाल्पाको पहिचानका रूपमा रहेको दरबारको ऐतिहासिक स्वरुप नबिग्रने गरी पुनःनिर्माण सम्पन्न गरेर आन्तरिक मात्र नभई बाह्य पर्यटक भित्र्याउन गरी संरचना तयार पारी पर्यटकीय केन्द्रका रूपमा विकास गर्नुपर्ने स्थानीय सन्तवीर बराल बताउनुभयो ।

उहाँले भन्नुभयो, “पाल्पालीको शान बनेको पाल्पा दरबारको ऐतिहासिकतालाई जोगाउँदै यसलाई थप परिस्कृत गरी आकर्षक बनाउने र उत्कृष्ट पर्यटकीय गन्तव्यस्थलका रूपमा स्थापित गराउन सबैले आ–आफ्नो ठाउँबाट पहल गरौँ ।”

थप समाचारहरु

थप पर्यटक भित्र्याउन ‘घुमौँ सौराहा’ अभियान भिटोफ-नेपालको पर्यटन प्रवर्धनात्मक कार्यक्रम सुसम्पन्न ठमेल र दरबारमार्ग क्षेत्र चौबिसै घण्टा खुलाउने तयारी सिँचाइको व्यवस्थासँगै भरतपुरका जमिन चैते धानले हराभरा व्यावसायिक च्याउखेतीबाट मनग्य आम्दानी शुक्लाफाँटामा बाघ बढे दुग्ध विकास संस्थानद्वारा किसानलाई ४८ करोड भुक्तानी खरबुजाबाट मनग्य आम्दानी लिँदै किसान धार्मिक पर्यटकीय केन्द्र बन्दै भरतपुरको गणेशधाम ढोरपाटनमा पर्यटक आगमन दोब्बरले बढ्यो ६ सय वर्ष पुरानो वस्ती, जहाँ बर्सेनि ३ हजार बढी पर्यटक पुग्छन् मनकामना केबलकार आजदेखि तीन दिन बन्द व्यावसायिक कोदोखेतीतर्फ आकर्षित हुँदै किसान पाल्पामा सुन्तला महोत्सव हुँदै कर्णालीमा धान उत्पादन बढ्यो बेलुन महोत्सवले पोखराको पर्यटनमा थपियो रौनक विश्वप्रसिद्ध बिस्काः जात्रा भैरवको रथ वंशगोपाल पुगेर फर्काउँदै परराष्ट्रमन्त्री डा राणा हङकङबाट स्वदेश फिर्ता