आगामी माघमा राष्ट्रिय अपाङ्ग खेलकुद प्रतियोगिता हुने

कर्णाली । कर्णाली प्रदेशको राजधानी सुर्खेत, वीरेन्द्रनगरमा राष्ट्रिय अपाङ्ग खेलकुद प्रतियोगिता हुने भएको छ । सुर्खेतस्थित पारा फाउन्डेसन शाखा कार्यालयले आगामी माघ ९–१४ गतेसम्म उक्त प्रतियोगिता गर्ने निर्णय गरेको छ ।

वीरेन्द्रनगरमा हिजो (शनिबार) आयोजित पत्रकार भेटघाट कार्यक्रममा फाउन्डेसनका अध्यक्ष किशोर शाहीले अपाङ्गता भएका व्यक्तिले पनि अवसर पाए सपाङ्गजस्तै आफ्नो क्षमता प्रदर्शन गर्न सक्छन् र मुलुकलाई विश्वसामु चिनाउन हैसियत राख्छन् भन्ने बुझाउन तथा उनीहरूलाई प्रोत्साहित गर्न प्रतियोगिता आयोजना गरिएको जानकारी दिए।

कार्यक्रममा बोल्दै अध्यक्ष शाहीले भने, “करिब एक हप्ताको अवधिमा हामी महिला र पुरुष बास्केटबल प्रतियोगिता गर्नेछौँ । यसमा सातै प्रदेश र विभागीय टोलीको सहभागिता हुनेछ । त्यस्तै ह्वीलचियर क्रिकेट, ह्वीलचियर महिला र पुरुष पाँच किलोमिटर दौड तथा ह्वीलचियर नृत्य प्रतियोगिता गरिनेछ ।” यसमा दुई सय ह्वीलचियर प्रयोगकर्ता खेलाडीको सहभागिता हुनेछ ।

खासगरी अपाङ्गता भएका व्यक्तिप्रति समाजको हेर्ने दृष्टिकोण बदल्न, राज्यको ध्यानाकर्षण गर्न, क्षमता अभिवृद्धि गर्न, समावेशी खेलकुदको प्रवर्द्धन तथा अपाङ्गता खेलाडी चिनाउन, राष्ट्रिय खेलकुदजस्तै पारा राष्ट्रिय खेलकुद प्रतियोगिता पनि कर्णालीमा सम्पन्न गर्न सकिन्छ भन्ने सन्देश विश्वभर फैलाउन प्रतियोगिता गर्न लागिएको अध्यक्ष शाहीले बताए।

आयोजकका अनुसार ह्वीलचियर बास्केटबल प्रतियोगिता वीरेन्द्रनगरस्थित कर्णाली प्रदेश रङ्गशाला र क्रिकेट प्रतियोगिता कालिञ्चोकको क्रिकेट मैदानमा सञ्चालन हुनेछ । त्यस्तै, ह्वीलचियर दौड प्रतियोगिता वीरेन्द्रनगरको एयरपोर्टदेखि बाङ्गेसिमलसम्मको पाँच किलोमिटर दूरीमा सञ्चालन हुनेछ । प्रदेश सरकारले अपाङ्गतासम्बन्धी स्पष्ट नीति निर्माण गर्नुपर्ने आवश्यकता औँल्याउँदै अध्यक्ष शाहीले उक्त प्रतियोगितालाई पर्यटनसँग जोड्न प्रयास गरिने उनको भनाइ छ ।

थप समाचारहरु

गुजरात रुपान्तरित पञ्जाबसँग खेल्दै आइतबारका लागि आइपिएलमा दुई खेल हुँदै मायमी पराजित आइपिएलमा आज मुम्बई इण्डियन्स र लखनउ सुपर जायन्ट्स खेल्दै मुख्यमन्त्री कप भलिबल : सुदुरपश्चिमद्वारा लुम्बिनी पराजित टी २० मा नेपालको विजयी सुरुवात महिला फुटबल प्रतियोगितामा आठ टोली टी-२० आई शृङ्खलाः नेपालले पायो एक सय ७५ रनको लक्ष्य    भक्तपुरमा पहिलो पटक राष्ट्रव्यापी फुल कन्ट्याक्ट किक बक्सिङ प्रतियोगिता हुँदै प्रधानसेनापति राष्ट्रिय टेनिस प्रतियोगिता सुरु मुम्बईमाथि गुजरातको सानदार जित इण्डियन सुपर लिग स्थगित हुने प्रवल सम्भावना जेष्ठ ३ गते अर्थात् मे १७ देखि आइपीएल पुनः सुरु हुने (तालिकासहित) कोसी प्रोजेक्ट शो केसको उपाधि एक्मी इन्जिनियरिङलाई प्रधानमन्त्री ओलीद्वारा खेलाडीलाई बधाई महिला यु–२० साफ च्याम्पियनसिपमा नेपाल विजयी युनिटी कप टी–२० शृङ्खला नेपालले जित्यो लुम्बिनी लायन्सलाई एनपिएल दोस्रो संस्करणको उपाधि