२०८२ भाद्र १५ | Aug 31, 2025

आज अन्तर्राष्ट्रिय युवा दिवस : प्रधानमन्त्रीद्वारा शुभकामना व्यक्त

BusinessPati बिजनेस पाटी
|
२०८२ श्रावण २७
|
51 views

ललितपुर । आज अन्तर्राष्ट्रिय युवा दिवस । यसै अवसरमा प्रधानमन्त्री केपी शर्मा ओलीले सामाजिक सञ्जालमार्फत् संसारभरका युवाहरुलाई शुभकामना व्यक्त गरेका छन् ।

सामाजिक सञ्जालमा प्रधानमन्त्री ओलीले लेखेका छन्, “आज अन्तर्राष्ट्रिय युवा दिवस । सन् १९९९ मा संयुक्त राष्ट्रसङ्घले युवाहरूको योगदान, अधिकार र अवसरको सम्मान गर्ने दिनका रूपमा हरेक वर्ष अगस्ट १२ लाई युवा दिवस घोषणा गर्यो । पहिलोपटक सन् २००० मा युवा दिवस मनाइएको थियो । यसले युवालाई सामाजिक, आर्थिक, सांस्कृतिक र राजनीतिक क्षेत्रमा सशक्त बनाउन प्रेरणा दिएको छ ।”

प्रधानमन्त्री ओलीले फूलको मुस्कान कोपिलामा भएजस्तै युवाको ऊर्जा, सिर्जनशीलता र सपनामा नै राष्ट्रको भविष्य रहेको उल्लेख गर्नुभएको छ । उनले भनेका छन्, “हाम्रो सकारात्मक सोच, निरन्तरको प्रयास र एकताबद्ध व्यवहारले देशलाई समृद्ध बनाउने सङ्कल्प पूरा हुनेछ”, उल्लेख गरेका छन् ।

आज नेपालसहित विश्वभरि नै युवा दिवस मनाइँदै छ । यस दिवस राष्ट्रिय युवा परिषद्कै अगुवाइमा नौ वर्ष अगाडिदेखि अर्थात् २०७३ सालदेखि युवा दिवस मनाउन थालिएको हो ।

फेसबुकबाट तपाईको प्रतिक्रिया

Advertisement