आफ्नो हातबाट गलत काम भएको दिन राजनीतिमा देखा नपर्ने लेखकको भनाई : भिजिट भिसा प्रकरणमा आफ्नो नेतृत्वको कुनै संलग्नता नरहेको गृहको जिकिर

ललितपुर । गृहमन्त्री रमेश लेखकले भिजिट भिसा प्रकरणमा केही दिनमा यसबारेमा आफूले विस्तृतमा बोल्ने बताएका छन् ।
धनुषा पुगेका गृहमन्त्री लेखकले जुन दिन आफ्नो हातबाट कुनै गलत काम हुन्छ, त्यो दिनदेखि आफू राजनीतिमा देखा नपर्ने र उठेका सबै विषयहरुलाई ठीक ढंगले जवाफ दिने बताएका हुन् ।

गृहमन्त्रीको संलग्नता भइरहेको चर्चाबीच कांग्रेसका इतर पक्षका नेता डा. शेखर कोइरालाले प्रश्न उठेपछि राजीनामा दिनुपर्ने अभिव्यक्ति दिएका छन् । यस्तै गृहमन्त्री लेखकमाथि प्रश्न उठेको विषयमा पार्टीमा औपचारिक छलफल नभएको नेता अर्जुनसिंह केसीले बताएका छन् । नेता केसीले प्रश्न उठेपछि वास्तविकता के हो, त्यसको सत्यतथ्य के हो खोतलेर सरकारले जनतासामु ल्याउनुपर्ने बताएका छन् । प्रचार विभाग प्रमुख मीनबहादुर विश्वकर्माले गृहमन्त्रीमाथि प्रश्न उठेको विषयमा पार्टीले मनन गरिरहेको तर यसबारे अहिलेसम्म पार्टीमा छलफल नभएको जानकारी दिएका छन् ।

कर्मचारीले गरेका सबै गल्तीको जवाफदेहिता गृहमन्त्री हुन नसक्ने कांग्रेस प्रमुख सचेतक श्याम घिमिरेको तर्क छ । यस्तै राज्य व्यवस्था तथा सुशासन समितिका सभापतिसमेत रहेका कांग्रेस सांसद रामहरि खतिवडाको प्रश्न उठेपछि गृहमन्त्रीले संसदमा जवाफ दिनुपर्ने भनाई छ ।
यसैबीच गृह मन्त्रालयले त्रिभुवन अन्तर्राष्ट्रिय विमानस्थल अध्यागमन कार्यालयको घटनासँग आफ्नो नेतृत्वको कुनै संलग्नता नरहेको जिकिर गरेको छ । मन्त्रालयका सहसचिव छवि रिजालले शनिबार प्रेस विज्ञप्ति जारी गर्दै त्यस्ता समाचारप्रति दुःख व्यक्त गरेका छन् ।

“यस्ता कुनै पनि गैरकानुनी वा भ्रष्टाचारजन्य कार्यमा मन्त्रालयको नेतृत्वको कुनै प्रकारको संलग्नता नरहेको र नरहने विषय स्पष्ट गर्दछौँ,” विज्ञप्तिमा उल्लेख छ, “साथै, विषयको गम्भीरतालाई मध्यनजर गरी सत्यतथ्य विषयवस्तु मात्र प्रकाशन र प्रसारण गरिदिनुहुन सबैमा अनुरोध गर्दछौँ ।”

थप समाचारहरु

आन्तरिक उत्पादन वृद्धि गरेर मात्र सङ्घीयता सबल हुन्छ रास्वपामा नयाँ संसदीय दलकाे नेता बनाउन पार्टी निकट अधिवक्ता यज्ञमणिको सुझाव ‘गणतन्त्रको सुदृढीकरणका लागि राजनीतिक नेतृत्व सच्चिनुपर्छ’ सिटौलाद्वारा गृहमन्त्रीको बचाउ मंगलबारको संसद् बैठक अवरुद्ध गर्ने रास्वपाको तयारी-सुमना र अनिलकेशरीको राजीनामा स्वीकृत प्रतिपक्षी दलहरूको अवरोधका कारण प्रतिनिधिसभाको बैठक भोलिसम्मका लागि स्थगित कांग्रेस र माओवादी केन्द्रका नेताहरूबिचको छलफल विना निष्कर्ष एमालेभित्रै भ्रम फिजाउनेहरु तत्त्वहरू सक्रिय छन् – ओली प्रतिनिधी सभाको बैठक अबरोध हटाई सुचारु गर्ने  बिषयमा कांग्रेस र रास्वपाबिच छलफल प्रतिनिधिसभाको बैठक आज अपराह्न १बजे बस्ने पाँचबुँदे प्रस्तावमा सत्तापक्षको धारणा माग्ने विपक्षी दलको निर्णय प्रतिनिधिसभा बैठक सोमबारसम्मका लागि स्थगित राष्ट्रियसभामा इरान–इजरायल युद्धबाट प्रभावित नेपालीको अवस्थाबारे जानकारी मागियो पहिले बहस गरेका वरिष्ठ अधिवक्ता पन्तले नेपाललाई पुर्पक्षका लागि थुनामा पठाउन गरे माग नेपालका तर्फबाट वकिलहरूको बहस सुरु गरे वरिष्ठ अधिवक्ता शम्भु थापाले माधव कुमार नेपाललाई ३५ लाख धरौटीमा छाड्ने आदेश सत्तारुढ नेपाली कांग्रेसको केन्द्रीय समितिको बैठक आजबाट सुरु हुँदै ‘कुलिङ पिरियड’ मा भएको छेडखानी प्रकरणमा निलम्बन र राजीनामाको माग चर्कियो