उद्‌घोषण, नृत्य, सङ्गीत र चित्रकलाको प्याकेज तालिम सम्पन्न

पोखरा । पोखराका चार संस्थाले एकैसाथ प्याकेज तालिम सम्पन्न गरेका छन् । अनुपम म्युजक, पोखरा कला केन्द्र, कर्णप्रिय सङ्गीतालय र एभरेस्ट आर्ट नेपालले वार्षिक परीक्षा दिएर बसेका विद्यार्थीहरूका लागि संयुक्त रूपमा सञ्चालन गरेको उद्घोषण, नृत्य, सङ्गीत र चित्रकलाको प्याकेज तालिम सम्पन्न गरेका हुन् ।

अनुपम म्युजिकका प्रबन्ध निर्देशक अनुराग अधिकारीको अध्यक्षतामा भएको तालिम समापन कार्यक्रमका प्रमुख अतिथि हिसान गण्डकी प्रदेशका अध्यक्ष डा. रामजी शर्माले प्याकेज तालिमले विद्यार्थीहरूलाई प्रतिभा पहिचान गर्न अवसर प्रदान गर्ने धारणा राखे । तालिमले बालबालिकालाई सामाजिकीकरणमा सघाउने विश्वास व्यक्त गर्दै डा. शर्माले फुर्सदको समय दुरुपयोग हुने सम्भावना टाढिएको बताए । अतिरिक्त क्रियाकलापमा बच्चाहरूलाई लगाउँदाखेरि पढाइ बिग्रने नभई पढाइमा थप प्रोत्साहन मिल्ने उनको विचार थियो ।

कार्यक्रममा रेडियो नेपाल, प्रादेशिक प्रसारण केन्द्र, पोखराकी प्रमुख शान्ति गुरुङ, र्‍यान्डम रिडर्स सोसाइटीका अध्यक्ष रुपिन्द्र प्रभावी, गुरुङ चलचित्रका नायक ताराबहादुर गुरुङ, फेवा टेलिभिजनकी प्रशासन प्रमुख रोजी श्रेष्ठ, कवि तथा प्रतिभा माविका सहायक प्रअ प्रदीप खनाल, शान्तिनिकेत माविका सहायक प्रअ यदुविलास भुर्तेल, हिमालयन बोर्डिङ स्कुलका अध्यक्ष भोजराज बराललगायतले शुभकामना दिएका थिए ।

सो अवसरमा प्रशिक्षार्थीहरूले तालिमका अवसरमा सिकेका वक्तृता, नृत्य, गायन र चित्रकला प्रस्तुत गरेका थिए । तालिममा अनुपम म्युजिकका प्रबन्ध निर्देशक अनुराग अधिकारीले उद्‌घोषण, पोखरा कला केन्द्रका प्रबन्धक राहुल थापा मगरले नृत्य, कर्णप्रिय सङ्गीतालयका प्रबन्धक करण तामाङले  सङ्गीत र एभरेस्ट आर्ट नेपालका प्रबन्धक केशर गुरुङले चित्रकलासम्बन्धी प्रशिक्षण दिएका थिए । लामो समय बिदा भएको बखत चार संस्था मिलेर यस्तै तालिम सञ्चालन गर्दै आएको र आगामी दिनमा पनि निरन्तरता दिने अनुपम म्युजिकका प्रबन्ध निर्देशक अनुराग अधिकारीले जानकारी दिए ।

कर्णप्रिय सङ्गीतालयका करण तामाङले स्वागत गरेका कार्यक्रमको सञ्चालन पोखरा कला केन्द्रका राहुल थापा मगरले गरेका थिए । सोही अवसरमा कर्णप्रिय सङ्गीतालयद्वारा प्रकाशित नयाँ वर्ष २०८२ को भित्तेपात्रो पनि विमोचन गरिएको थियो ।

थप समाचारहरु

युनिभर्सल सर्टिफिकेटसहित ‘हेल्लो काँशीराम’ सेन्सर पास मलेसियामा मिलाप अन्तक्र्रिया, सम्मान एवं सांगीतिक कार्यक्रम सम्पन्न राम नवमीमा  बबिना भट्टराईको   राम भजन ‘मनमा बसाएर राम’ सार्वजनिक (भिडियो सहित) मेनुका राईको स्वरमा ‘हेलो हाई नमस्कार’ नामक गीत सार्वजनिक एसईई दिएका किशोरी लक्षित ‘मिस एसईई इटहरी’को अडिसन बैशाख पहिलो साता टेलिश्रृखला ‘रहरहरु’ को प्रोमो सार्वजनिक, बैशाख ५ देखि नियमित प्रसारण हुने   कुमारीको दज्र्यु संलापमाथि पोखरामा चर्चा ‘हेल्लो काँशीराम’को टिजर सार्वजनिक, देशको व्यथितीमाथि तिखो व्यङ्ग्य सुस्मिता स्याङतानको आवाजमा ‘कुलमान दाइ’ गीत सार्वजनिक, सामाजिक सञ्जालमा भाइरल अन्तर्राष्ट्रिय ख्यातिप्राप्त जापानी अभिनेत्री माहोले नेपाली टेलिचलचित्र मनको बाँधमा डेब्यू गर्दै ‘मिस एसईई ईटहरी’को पहिलो अडिसनमा २० जना सहभागी गीतकार प्रमोद भट्टराईको शब्द बबिना भट्टराईको स्वर, संगीतमा “कहीँ कतै हराएँ भने” लोकार्पण (भिडियो सहित) ‘हेल्लो काँशीराम’को गीत ‘झ्यामकी मादल झ्याम’ सार्वजनिक गरिमा र रञ्जनको  रोमान्सले भरिएको ‘के गरौं भन तिम्रो हुनलाई’ सार्वजनिक ( भिडियो )  टिकटकले किशोर-किशोरीहरूको सुरक्षाका लागि नेपालमा सुरु गर्‍यो ‘फ्यामिली पेयरिङ’ फिचर रोयल्टी नतिर्ने झण्डै ५० क्षेत्रलाई मुद्धा हाल्ने बाटो खुल्यो पर्न थाले गीतविरुद्ध प्रहरीको साइबर ब्युरोमा उजुरी-गायक रामजी खाँण लोक सञ्चारकर्मीहरू प्रति असन्तुष्ट सांस्कृतिक संस्थानले ‘गाईजात्रा महोत्सव २०८२’ आयोजना गर्ने (भिडियो)