एनपिएल आयोजनाको तयारीमा ध्यान दिन राखेपलाई प्रधानमन्त्रीको आग्रह

ललितपुर । प्रधानमन्त्री केपी शर्मा ओलीले नेपाल प्रिमियर लिग (एनपिएल)को आयोजनाको तयारी अगाडि बढाउन राष्ट्रिय खेलकुद परिषद् (राखेप)लाई आग्रह गरेका छन् ।

राखेपद्वारा सादोबाटोस्थित अन्तरराष्ट्रिय खेलकुद परिषद्मा निर्मित ‘नेशनल हाइ पर्फमेन्स सेन्टर एण्ड स्पोर्टस् साइन्स रिसर्च सेन्टर’को उद्घाटन कार्यक्रममा प्रधानमन्त्री ओलीले ‘टिम स्पिरिट’का साथ एनपिएल आयोजनाको तयारी अगाडि बढाउने काममा ध्यान दिन परिषद्लाई निर्देशन दिए ।

नेपाल क्रिकेट सङ्घ (क्यान)ले आयोजना गर्न लागेको दोस्रो संस्करणको एनपिएल आयोजनामा देखिएको अन्योललाई चिर्दै प्रधानमन्त्री ओलीले खेल क्षेत्रमा कुनै पनि राजनीति नगर्न सबैलाई आग्रह गरे । उनले नेपालको खेल क्षेत्र आम्दानी र व्यवसायको क्षेत्र पनि हो भन्ने स्थापित हुने स्थिति बन्दै गएको बताए ।

आफूूले हालै स्पेन भ्रमणका क्रममा रियल म्याड्रिडको स्टेडियम हेरेर आएको स्मरण गर्दै प्रधानमन्त्री ओलीले दशरथ रङ्गलाशाको क्षमता कम भएकाले भक्तपुरको सूूर्यविनायकमा कम्तीमा ५० हजार दर्शक अट्ने रङ्गशाला बनाउने घोषणा गरे ।

प्रधानमन्त्री ओलीले १०औँ राष्ट्रिय खेलकुद प्रतियोगिताको मिति अब पनि सार्ने काम भएमा राष्ट्रिय लज्जाको विषय हुने भएकाले आगामी मङ्सिरमा प्रतियोगिता गर्न परिषद्लाई निर्देशन दिए । आगामी मङ्सिर २ देखि ९ गतेसम्म सुर्खेतको वीरेन्द्रनगरमा १०औँ राष्ट्रिय खेलकुद प्रतियोगिताको मिति तय भएको छ ।

युवा तथा खेलकुदमन्त्री तेजुुलाल चौधरीले सरकारले खेल क्षेत्रको पूूर्वाधार विकासका साथै प्रोत्साहनका लागि काम भइरहेको बताए ।

थप समाचारहरु

नेपालगञ्जमा ‘मेयर कप’ ब्याडमिन्टन प्रतियोगिता सुरु नेपालले नेदरल्यान्ड्सलाई १६ रनले हरायो दर्शकको मुटु फुटला जस्तो रोमान्चक खेलमा नेपाल नेदरल्यान्डस् सङ्ग पराजित नेपाल सङ्ग हार खायो नेदरल्यान्डस् : ६ विकेटले पराजित देशका अधिकांश भागमा जलवाष्पयुक्त हावाको प्रभाव काठमाडौं लगायत देशका विभिन्न स्थानमा बिहानैदेखि हावाहुरी सहित वर्षा लोडसेडिङ भएको भन्ने हल्लामात्र हो गम्भीर आपत्ति छ- मन्त्री खड्का गणतन्त्र दिवसलाई उत्सवको रूपमा मनाउने एमाले सचिवालय बैठकको निर्णय-अनेरास्ववियुमा ३२ वर्षे उमेर हद तपाईँको पिसाबमा खराबी त छैन? हेलचक्राई नगर्नुस् है दुःख पाइन्छ (भिडियो ) मन्त्रिपरिषद्का निर्णय सार्वजनिक स्वरोजगामूलक शिक्षाका लागि आमुल परिवर्तन गर्न प्रधानमन्त्रीको जोड संवैधानिक परिषद् विधेयक पारित उपसभामुख राना दक्षिण अफ्रिका प्रस्थान कुलिङ पिरियडसम्बन्धी व्यवस्थामा भएको गडबडीबारे छानबिन गर्न गठित ७ समितिलाई ४ बुँदे कार्यादेश र ३ बुँदे कार्यविधि मौद्रिक नीति सकारात्मकः नेपाल चेम्बर स्वास्थ्य बिमा क्षेत्रमा पुनःविचार गरिनेछः प्रधानमन्त्री रवीन्द्र ढाँटलाई पाँच लाख पुरस्कार दिने निर्णय प्रचलित कानुनबमोजिम मात्रै विज्ञापन गर्न बोर्डद्वारा क्यानलाई सचेत