‘एफपीसीए’लाई सोसाइटी इन्टरनेशनलको आर्थिक सहयोग

ललितपुर । सोसाइटी इन्टरनेशनलले अटिजम भएका बालबालिकाका अभिभावकहरुको संस्था (FPCA) लाई आर्थिक सहयोग गरेको छ ।

सोमबार एक कार्यक्रमका बीच सोसाइटी इन्टरनेशनलले कर्पोरेट सामाजिक उत्तरदायित्व (CSR) अन्तर्गत अटिजम भएका बालबालिकाका अभिभावकहरुको संस्था (FPCA) लाई आर्थिक सहयोग गरेको हो । वार्षिकरुपमा सहयोग गर्ने प्रतिबद्धताअन्तर्गत सोसाइटी इन्टरनेशनलका जिएसए अफेयर हेड सन्तोष विक्रम राणाले एफपीसीएकी अध्यक्ष एलिना बज्राचार्य तुलाधरलाई पहिलो चेक हस्तान्तरण गरेका हुन्। एक वर्षसम्म हरेक महिना आर्थिक सहयोग गर्दै जाने कम्पनीले जनाएको छ । उनले अटिजम पीडित बालबालिका र व्यक्तिहरुलाई सामाजिक र आर्थिक रुपमा सहयोगको आवश्यकता रहेको बताए । ‘जनचेतना र ज्ञानको अभावका कारणले हाम्रो समाजमा अटिजम बालबालिकालाई हेर्ने दृष्टिकोण फरक छ’, उनले भने- ‘यसको न्यूनीकरणमा आ-आफ्नो ठाउँबाट सबैले सहयोग गर्न जरुरी छ ।’ चेक बुझ्दै एफपीसीएकी अध्यक्ष तुलाधरले अटिजम पीडित व्यक्ति र बालबालिका पनि यही देशका नागरिक भएकाले सरकारले पनि सुरक्षाको दायित्व निर्वाह गर्नुपर्ने बताइन् । विगत १० वर्षदेखि अटिजम भएका व्यक्ति र बालबालिकाका लागि एफपीसीएले डे-केयर र सिकाइ केन्द्र सञ्चालन गर्दै आएको छ । संस्थाले बालबालिकालाई व्यक्तिगत शिक्षा योजना(IEP)अनुसारको पठनपाठन र विशिष्ट थेरापीको सेवा पनि दिने गर्दछ।

सोसाइटी इन्टरनेशनल ट्राभल्सका बारेमाः

सोसाइटी इन्टरनेशनल ट्राभल्स नेपालमा एक प्रमुख एयरलाइन्स जि.एस.ए.  प्रतिनिधित्व गर्ने कम्पनी हो । यससँगै थाई एयरवेजको जेनरल सेल्स एजेण्ट (जीएसए) को रूपमा कार्यरत छ। यात्राका सबै पक्षमा सहयोग गर्न र सेवा प्रदान गर्न यो संस्था समर्पित छ । यसका साथै सीएसआर कार्यक्रममार्फत् विभिन्न सामाजिक उत्तरदायित्व र सेवामूलक कार्य गर्दै नेपाली समुदायलाई योगदान पुर्‍याउँदै आइरहेको छ ।

थप समाचारहरु

वीर अस्पतालका १५ स्वास्थ्यकर्मीलाई कोरोना संक्रमण प्रधानमन्त्रीद्वारा झापाको गौरादहस्थित नगर अस्पतालको शिलान्यास भक्तपुर क्यान्सर अस्पतालमा बालचिकित्सा सघन एकाइ सञ्चालन : आगामी आर्थिक वर्षमा क्यान्सर नियन्त्रणलाई प्राथमिकतामा राखेर बजेट विनियोजन गरिने नेपाल मेडिकल कलेजद्वारा हजयात्रीहरुलाई औषधी सहयोग स्वास्थ्य तथा जनसंख्या मन्त्रालयलाई ९५ अर्ब ८१ करोडको बजेट, सबै प्रदेशमा जलन उपचार विभाग स्थापना गरिने चितवनको मह पौष्टिक तत्त्वले भरिपूर्ण छ करोड लागतमा अस्पताल भवन निर्माण भाटभटेनी समूहद्वारा नौ करोड ५० लाख बराबरको भवन त्रिवि शिक्षण अस्पताललाई हस्तान्तरण नेपाल लाइफद्वारा किओचलाई बाल अस्पताल निर्माण गर्न १ करोड रुपैयाँ सहयोग एचआइभी परियोजनाको ८ करोड गायब, चञ्चलाले खोजिन् पारदर्शिता अर्थ र स्वास्थ्य मन्त्रालयबीच बजेट कार्यान्वयनबारे छलफल, २१ सय जनशक्ति थप्न प्रस्ताव आर्थिक वृद्धिदर हासिल गर्न ऋणको आकार बढाउनुपर्ने आवश्यकता आजका लागि निर्धारण गरिएको कृषिउपजको थोक मूल्य विवरण तोलामा १ हजार ५०० ले घट्यो सुनको मूल्य, कतिमा हुँदैछ कारोबार ? नागरिकले उचित मूल्यमा औषधि पाउने वातावरण तयार गर्छौंः मन्त्री पौडेल सुनको मूल्यमा उल्लेख्य वृद्धि, पुग्यो दुईलाखको नजिक आज अन्तर्राष्ट्रिय योग दिवस मनाइँदै देशको आर्थिक समृद्धि साझा एजेण्डाः मूख्यसचिव अर्याल