एभरेष्टमा स्वाट तालिम सम्पन्न

ललितपुर । पोखरा विश्वविद्यालयको सम्बन्धनमा इन्जिनियरिङ विधामा स्नातक र स्नातकोत्तर तहमा उत्कृष्ट शिक्षा दिइरहेको ललितपुर सानेपामा सञ्चालित एभरेष्ट इन्जिनियरिङ कलेजमा दश दिने स्वाट तालिम आइतबार सफलतापूर्वक सम्पन्न भएको छ। हिमाली जलाधारमा स्वाटको प्रयोग शिर्षकमा भएको उक्त तालिममा एभरेष्ट इन्जिनियरिङ कलेजका सिभिल इन्जिनियरिङका शिक्षक सहित अन्य विभिन्न संस्थाका प्रशिक्षार्थीहरू तथा भर्खर स्नातक अध्ययन पुरा गरेका विद्यार्थीहरू समेत गरी जम्मा दश जना प्रशीक्षार्थीहरूले तालिमबाट लाभ लिएका थिए।

हिमाली जलाधारको अध्ययन जटिल हुने तर स्वाट सफ्टवेयरको प्रयोगबाट ती जलाधारहरूको विस्तृत अध्ययन गर्न सकिने भएकोले नेपाल र अन्य देशहरूमा स्वाट सफ्टवेयरको प्रयोग बढ्दै गएको छ। भौगोलिक विविधतालाई जस्ताको तस्तै कम्पुटरमा प्रतिबिम्बित गर्न सकिने भएकोले स्वाटको प्रयोगबाट प्राप्त परिणाम धरातलीय यथार्थसँग मिल्ने हुँदा यस सफ्टवेयरको प्रयोगबाट बाढी तथा दुबान जस्ता घटनाहरू घट्न अगाडि नै घटनाको मात्रा अनुमान गर्न सकिन्छ। जलाधारको माथिल्लो भागमा कति पानी पर्दा तल्लो भागमा कति ठूलो बाढी आउँछ भन्ने जानकारी प्राप्त भयो भने समय मै अग्रिम चेतावनी दिन सकिने र यसबाट बाढी तथा दुबानबाट हुने क्षति न्यूनिकरण गर्ने सकिन्छ। नेपाल तथा अन्य देशका वातावरण विद् तथा इन्जिनियरहरू माझ लोकप्रिय स्वाट सफ्वेयरको तालिम प्राप्त गरेपछि प्रशिक्षार्थीहरूमा आत्मविश्वास बढेको प्रशिक्षार्थीहरू आफैले बताए। कयौं प्रशिक्षार्थीहरू आफै शिक्षक समेत भएकोले ती प्रशिक्षार्थीहरूले आगामी सेमेष्टरहरूमा विद्यार्थीहरूलाई स्वाट प्रयोग गरी प्रोजेक्ट गर्न लगाउने जनाए। आफ्नो विद्यावारिधी अध्ययनमा तथा कन्सल्टिङ काममा समेत स्वाट सफ्टवेयर प्रयोग गर्न सकिने जानकारी दिँदै केही प्रशिक्षार्थीहरूले तालिम सञ्चालन गरेकोमा एभरेष्ट इन्जिनियरिङ कलेजलाई धन्यवाद समेत दिए। केही प्रशिक्षार्थीहरूले यस सफ्टवेयरको प्रयोग गर्ने गरी अनुसन्धान प्रस्तावहरू पेश गर्ने जनाए।

स्वाट सफ्टवेयरको प्रयोगमा विज्ञता हासिल गरिसक्नु भएका जलविद्युत इन्जिनियर रूपेश बानिया यस तालिम कार्यक्रममा प्रमुख प्रशिक्षक थियो। सबै प्रशिक्षार्थीहरूको ल्यापटपमा स्वाट सफ्टवेयर इन्स्टल समेत भएकोले प्रशिक्षार्थीहरूले तुरन्तै उक्त तालिमबाट फाइदा लिन सकिने भएको छ।

आज आयोजित तालिम समापन कार्यक्रममा एभरेष्ट इन्जिनियरिङ कलेजका प्रमुख कार्यकारी अधिकारी श्री अरूण कुमार भण्डारी तथा सहायक प्रिन्सिपल इन्जिनियर राजन लामाले सफल प्रशिक्षार्थीहरूलाई प्रमाणपत्र वितरण गरेका थिए। कार्यक्रममा कलेजका सिभिल इन्जिनियरिङ विभागका विभागीय प्रमुख इन्जिनियर रोमहर्ष ओली, कम्प्युटर इन्जिनियरिङ विभागका विभागीय प्रमुख इन्जिनियर मुकुन्द पौडेल, स्नातकोत्तर कार्यक्रम संयोजक इन्जिनियर नारायण सापकोटा, वरिष्ठ लेक्चरर राजेन्द्र भट्टराई तथा प्रशासन प्रमुख एकराज आचार्यले सफल प्रशिक्षार्थीहरूलाई बधाई दिएका थिए। कार्यक्रमको समापन कार्यक्रममा प्रशिक्षार्थीहरूले तालिम सञ्चालन व्यवस्थापनबाट आफूहरू उत्साहित भएको तथा भविष्यमा जलवायु परिवर्तन, एआईको प्रयोग तथा हाइड्रोलिक मोडलिङमा समेत यस्तै खालको तालिम सञ्चालन गर्न आग्रह गरेका थिए।

एभरेष्ट इन्जिनियरिङ कलेजले आफ्ना स्नातक तथा स्नातकोत्तर तहमा अध्ययनरत विद्यार्थीहरूको लागि यस प्रकारका व्यवहारिक तथा कम्पनीहरूलाई काम लाग्ने तालिमहरू नियमित रूपमा सञ्चालन गर्ने गरेकोले एभरेष्ट इन्जिनियरिङ कलेजका विद्यार्थीहरूलाई प्रमाणपत्र प्राप्त गर्ने वित्तकै काम पाउन सजिलो भएको छ।

थप समाचारहरु

सुन्दरीजलकै धारामा आउँदैन खानेपानी ११ महिनामा १२ अर्ब ९३ करोड बढी राजस्व सङ्कलन तीन महिनाभित्रै पेट्रोल–मट्टितेल पनि पाइपलाइबाट ल्याउने तयारी ‘छैटौँ सगरमाथा म्युजिक अवार्ड २०८१’ थाइल्याण्डमा सम्पन्न चार प्रदेशका ३० जिल्ला उच्च जोखिममा एक दशकको उत्सवः ग्लोकल टीन हिरो मेड इन नेपाल सिटिजन्स बैंकद्वारा सातवटै प्रदेशमा वित्तीय साक्षरता कार्यक्रमहरु सम्पन्न ग्लोबल आइएमई बैंकले ५ अर्ब रुपैयाँको ऋणपत्र निष्कासन गर्दै राष्ट्रिय वाणिज्य बैंकको उप कार्यकारी अधिकृतमा राम कुमार थापा ३ वर्षमै स्याउ फलेपछि किसान उत्साहित चाकुका लागि प्रसिद्ध टोखाको वृत्तचित्र बन्ने, सम्झौता सम्पन्न एडिबीले नेपाललाई थप सहयोग गर्ने राष्ट्रिय कोडिङ प्रतियोगिता׃आदिम कलेज, दूरशिक्षा र आईसीटी फ्रेम म्यागजिनबीच सहकार्य बाढीले दुम्किवासमा डाइभर्सन बगाउँदा पूर्वपश्चिम राजमार्ग अवरुद्ध पहिरोले अवरुद्ध नारायणगढ–मुग्लिन सडक खुल्यो आज द्वन्द्वमा यौन हिंसा उन्मूलनका लागि अन्तरराष्ट्रिय दिवस भीरकोटका महिलालाई उद्यमशीलतामा जोड्न कृषि विकास परियोजान पवन आचार्य  आगामी दुई बर्षकोलागि नेपाल औषधी आयातकर्ता संघको अध्यक्ष  निर्वाचित