एम्बुलेन्स र स्कुल भ्यान ठोकिँदा एकजनाको मृत्यु, दुई विद्यार्थीसहित ६ घाइते

नवलपुर । देवचुली नगरपालिका वडा नं. २ स्थित दुम्कौली चोकमा आज (सोमबार) विहान सवारी दुर्घटना भएको छ । घटनापश्चात् उपचारका क्रममा एकजनाको मृत्यु भएको छ भने ६ जना सख्त घाइते भएका छन्।

बुटवलबाट नारायणघाटतर्फ आइरहेको ना ४ च १६४६ नम्बरको एम्बुलेन्स र नवलपुरको रजहर चोकबाट दुम्कौलीतर्फ गइरहेको स्कुल बस एकआपसमा ठोक्किएका थिए । बस केउरेनीस्थित दिव्य एकेडेमी बोर्डिङ स्कुलको बा २० च ७२ भएको स्थानीय प्रहरीले जानकारी दिएको छ ।

दुर्घटनामा परी गम्भीर घाइते भएका भ्यानका चालक कुलप्रसाद सुबेदीको उपचारका क्रममा मृत्यु भएको छ । देवचुली नगरपालिका–१ निवासी ५२ वर्षीय सुवेदीलाई दुर्घटना पश्चात् उपचारका लागि पुरानो मेडिकल कलेज, भरतपुर चितवन लगिए पनि उपचारको क्रममा उनको मृत्यु हो ।

दुर्घटनामा परि एम्बुलेन्समा सवार ३ जना बिरामी घाइते भएका छन्। घाइतेमध्ये रुपन्देही, बुटवल उपमहानगरपालिका–३ गोलपार्क निवासी ३६ वर्षीया लक्ष्मी राईको टाउकोमा चोट लागेको छ भने २५ वर्षीया इसु राई र २५ वर्षीया स्नेहा परियारको अनुहारमा चोट लागेको छ। तिनीहरुको अवस्था मध्यम रहेको र थप उपचारका लागि चितवन पठाइएको प्रहरीले जानकारी दिएको छ ।

त्यसैगरी,स्कुल भ्यानमा सवार दुईजना विद्यार्थीहरू देवचुली–१७ निवासी १० वर्षीया आयुसा गौतम र ६ वर्षीया सोखनिया रोक्का सामान्य घाइते भएको र स्थानीय भविष्य पोलिक्लिनिकमा उपचारपछि डिस्चार्ज गरिएको प्रहरीले जनाएको छ। दुर्घटनाबारे थप अनुसन्धान भइरहेको प्रहरीको भनाइ छ ।

थप समाचारहरु

कान्ति लोकपथ जेठ १५ गतेसम्म दिनको तीन घन्टा खुल्ने टर्च बालेर अधिकार खोज्दै शिक्षकहरु २४ घण्टामा १० ठाँउमा दुर्घटना, १० जनाको मृत्यु कञ्चनपुर–कमला सडक विस्तारः लहानको सहिद स्मारक स्थानान्तरण गरिने हात्तीवनमा भयानक कार दुर्घटना, कारमा सवार तीनजना सख्त घाइते देशका पाँच मुख्य राजमार्ग अवरुद्ध  सात ठाउँको अवरुद्ध सडक खुलाइयो, तीन ठाउँ अझै बाँकी विपी राजमार्ग एक महिनाका लागि १२ घण्टा बन्द बुढिगण्डकी आयोजनाका लागि ३ खर्ब १७ अर्ब जुटाउन समितिले दिएका तीन विकल्प काठमाडौँ महानगरमा दुई लाख करदाताले तिर्दैनन् नियमित कर नेपाल टेलिकमको निकै नै सस्तो दरमा डाटा रोमिङ सेवा उपलब्ध व्यावसायिक च्याउखेतीबाट मनग्य आम्दानी गरिबीले विदेश पठाउँदै, चाडपर्वले गाउँ फर्काउँदै पर्यटन राजधानी पोखरा : जाग्दै आशा, बढ्दै लगानी नेपाल एसबिआई बैंक लिमिटेडले तीन अर्बको ऋणपत्र निष्कासन गर्ने खरबुजाबाट मनग्य आम्दानी लिँदै किसान भूमिहीन र सुकुमबासीका नाममा सरकारी जमिन भूमाफियाको हातमा पुग्ने आशङ्का तुलसीपुरमा बस दुर्घटना हुँदा दुईको मृत्यु, ३४ जना घाइते