एसवाई प्यानल नेपाल पहिलो चरणको आईपीओ निष्काशन गर्दै

ललितपुर । एसवाई प्यानल नेपाल लिमिटेडले यही भदौ २९ गतेदेखि पहिलो चरणको आईपीओ निष्काशन गर्ने भएको छ। पहिलो चरणमा कम्पनीले उद्योग प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन गर्न लागेको हो।

यसअघि कम्पनीले नेपाल धितोपत्र बोर्डबाट जारी पूँजी १ अर्ब ३० करोड ८९ लाख ३७ हजार १०० रुपैयाँको ४० प्रतिशत अर्थात ५२ करोड ३२ लाख ५४ हजार ८०० रुपैयाँ बराबरको ५२ लाख ३२ हजार ५४८ कित्ता शेयर निष्काशन गर्ने अनुमति पाएको थियो। जसमध्ये २ प्रतिशत अर्थात २ करोड ६१ लाख ६२ हजार ७०० रुपैयाँ बराबरको प्रतिशेयर १०० रुपैयाँ दरका २ लाख ६१ हजार ६२९ कित्ता साधारण शेयर उद्योग प्रभावित क्षेत्रका स्थानीय बासिन्दाहरुका लागि निष्काशन गर्न लागेको हो। सो शेयरमा चितवन जिल्ला रत्ननगर नगरपालिकाका सम्पूर्ण वडाहरुका स्थानीय बासिन्दाहरुले आवेदन दिन सक्नेछन्।

यसका साथै सर्वसाधारण लगानीकर्ताहरुका लागि छुट्याइएको शेयरको १० प्रतिशतले हुन आउने ४ करोड ९७ लाख ९ हजार २०० रुपैयाँ बराबरको प्रतिशेयर १०० रुपैयाँ अंकित दरका ४ लाख ९७ हजार ९२ कित्ता साधारण शेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगार गरी रहेका नेपालीहरुका लागि निष्काशन गर्न लागेको हो। कम्पनीले आफ्ना कर्मचारीहरुका लागि १ लाख ४९ हजार १२७ कित्ता र सामूहिक लगानी कोषहरुका लागि २ लाख ४८ हजार ५४६ कित्ता शेयर सुरक्षित गरेको छ।

उक्त आईपीओमा न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ।

आयोजना प्रभावित क्षेत्रका स्थानिय बासिन्दाहरुका लागि निष्काशन बन्द छिटोमा असोज १२ अर्थात ढिलोमा असोज २७ गते हुनेछ र वैदेशिक रोजगारीमा रहेका नेपालीहरुका लागि भने निष्काशन बन्द छिटोमा असोज १ गते हुनेछ भने ढिलोमा असोज १२ गते हुनेछ।

कम्पनीको शेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ। स्थानिय बासिन्दाले एसवाई प्यानल नेपाल, रत्ननगर, चितवन, प्रभु क्यापिटल, कमलादी र क्यापिटलले निर्माण गरेको अनलाइन लिंकमा गई आवेदन दिन सक्नेछन्। यसका साथै प्रभु बैंकको सौराहा र टाँडी शाखा कार्यालयबाट पनि आवेदन दिन सक्नेछन्। उद्योग प्रभावित क्षेत्रका बासिन्दाहरुले शेयर खरिद आवेदन प्राप्त गर्नका लागि दरखास्त फाराम बापत २ रुपैयाँ शुल्क बुझाउनु पर्नेछ।

यस्तै, वैदेशिक रोजगारीमा रहेका नेपालीहरुले नेपाल धितोपत्र बोर्डबाट स्वीकृति प्राप्त गरेका सम्पूर्ण सि आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट सि आस्बा प्रणाली मार्फत आवेदन दिन सक्नेछन्।

थप समाचारहरु

क्रेस्ट माइक्रो लाइफ इन्स्योरेन्स लिमिटेडको साधारण शेयर सूचीकरण सान्भि इनर्जी आजदेखि आईपीओ निष्काशन गर्दै प्रि ओपन सेसनमै करिव २ अंकले घट्यो नेप्से पियोर इनर्जी लिमिटेडको आईपीओ बाँडफाँड एक घण्टामा ४ अर्बभन्दा बढीको शेयर कारोबार नेप्से परिसूचक २१ अङ्कले बढ्यो बन्दीपुर केबलकारको पहिलो चरणको आइपीओ बिक्रि आज बाट खुला नेपाल पुनर्बीमा कम्पनीले शतप्रतिशत हकप्रद सेयर जारी गर्ने शेयर बजारमा उच्च अंकको गिरावट नेप्से परिसूचकमा दोहोरो अङ्कको सुधार प्रि ओपन सेसन अपडेटः नेप्से परिसूचक ६ अंकले बढ्यो नेप्से परिसूचक २७ अङ्कले घट्यो नेप्से परिसूचक बढ्यो अद्यावधिक नभएको कम्पनीमार्फत शेयर बिक्री, रकम सङ्कलन गर्ने पिंकीविरुद्ध उजुरी प्रि ओपन सेसन अपडेट : नेप्से परिसूचक १५.२८ अंकले बढ्यो नेप्से परिसूचकमा ५३ उच्च अङ्कको सुधार सागर डिष्टिलरी दोस्रो चरणको आईपीओ निष्काशन गर्दै प्रि ओपन सेसन अपडेटः नेप्से परिसूचक साढे १५ अंक बढ्यो