कर प्रशासनलाई जनमैत्री बनाउन पहल गरिनेछः निर्देशक पौडेल

टक्सार (भोजपुर)  आन्तरिक राजस्व विभागका निर्देशक वासुदेव पौडेलले करदाता सेवाग्राहीले करसँग डराउनु नपर्ने बताउनुभएको छ । करसम्बन्धी प्रचलित नियम कानुन र बुझ्नुपर्ने कुरा बुझिएमा केही समस्या नहुने उहाँले उल्लेख गर्नुभयो । आन्तरिक राजस्व विभाग र करदाता सेवा कार्यालय भोजपुरले आज जिल्ला सदरमुकाममा आयोजना गरेको कर शिक्षा तथा अन्तरक्रिया कार्यक्रममा निर्देशक पौडेलले चाहिँदामात्र व्यवसाय दर्ता गर्न आग्रह गर्दै अनावश्यक भएका व्यवसाय समयमा निवेदन दिएर बन्द गर्न सकिएमा अनावश्यक करबाट जोगिन सकिने बताउनुभयो । राज्यले जिल्ला जिल्लामा करदाता सेवा कार्यालय खोलेको उल्लेख गर्दै निर्देशक पौडेलले भन्नुभयो, “तोकिएको समयमा कर विवरण बुझाउँदै समयमा व्यवसायीहरुले कर दाखिला गर्नुपर्छ ।” निर्देशक पौडेलले करदाताको सुझावलाई गम्भीरतापूर्वक लिइने र आगामी दिनमा कर प्रशासनलाई अझ जनमैत्री बनाउन पहल गरिने बताउनुभयो । उद्योग वणिज्य सङ्घ भोजपुरका अध्यक्ष कर्ण मोक्तानले करसेवा प्रणालीलाई अझ प्रभावकारी बनाउन आवश्यक रहेको बताउनुभयो ।

करदाताले सेवा प्रक्रियामा पारदर्शिता, सहजता र आधुनिक प्रविधिको प्रयोग बढाउन तथा कर व्यवसायी मैत्री हुनुपर्नेमा अध्यक्ष मोक्तानको जोड थियो । उहाँले सबैले करसम्बन्धी प्रचलित नियम, कानुन बुझ्नुपर्ने पनि धारणा राख्नुभयो । उद्योग वाणिज्य सङ्घको समन्वयमा आयोजित कार्यक्रममा करदाता सेवा कार्यालय भोजपुरले गरेका कार्यका बारेमा सेवा कार्यालयका प्रमुख शशि शाहले सहभागीलाई जानकारी गराउनुभएको थियो । कार्यक्रममा आर्थिक विधेयक २०८२ले ल्याएको छुट तथा सहुलियतबारे आन्तरिक राजस्व विभागको जानकारी दिएको थियो । कार्यक्रममा सहभागी करदाताले कर प्रशासनसँग जोडिएका विभिन्न विषयमा जिज्ञासा राख्नुभएको थियो ।

थप समाचारहरु

लक्ष्मी स्टील्स लिमिटेडमा एनआर्ईबिएल इक्विटी पार्टनर्सको लगानी आजको मौसम : पहाडी भू–भागमा आंशिक बदली, बाँकी भू–भागमा मूख्यतया सफा देशका अधिकांश भागमा जलवाष्पयुक्त हावाको प्रभाव शिक्षकका माग अविलम्ब पूरा गर्नुपर्छः पूर्वप्रधानमन्त्री खनाल गृहमन्त्री लेखकद्वारा आन्दोलनका घाइतेको स्वास्थ्यावस्थाबारे जानकारी सदर चिडियाखानाको प्राङ्गणमा निर्माण गरिएको फाल्चाको समुद्घाटन आजदेखि तेस्रो अन्तरराष्ट्रिय यातायात सम्मेलन आयोजना हुँदै भृकुटीमण्डपमा यामाहा ब्लु फेस्टको भव्य उद्घाटन कवि-कलाकार नरेन्द्रबहादुर श्रेष्ठको अभिनन्दन ‘अर्को एउटा द्रोणाचार्य’ को अधिकांश शो हाउसफूल, बैशाख ७ गतेसम्म मात्रै मञ्चन हुने आजदेखि नववर्ष २०८२ प्रारम्भ शिक्षक आन्दोलनले भर्ना अभियान प्रभावित गीतकार विनोद अधिकारीका सिर्जना बजारमा आउंदै प्रधानमन्त्रीसँग शिक्षक महासङ्घका पदाधिकारीको छलफल ज्येष्ठ शुक्ल एकादशीः घरका मठमा तुलसीको दल राखिँदै बाँकेमा भूमिहीनलाई जग्गाधनी प्रमाणपुर्जा चिडियाखानामा सन्ध्याकालीन सेवा सुरु भएपछि बढे सेवाग्राही हेंवाखोला बाढी तीनवर्ष स् हटेन सास्ती