काठमाडौंको गोकर्णेश्वरमा मिनीटाटाको ठक्करबाट मोटरसाइकल चालकको मृत्यु

ललितपुर - ललितपुर – काठमाडौं को गोकर्णेश्वर नगरपालिका–२ नाम्गेल बसपार्क नजिक सडकमा बा ११ च ४७३८ नम्बरको मिनी टाटाले बा ८१ प ४५६ नम्बरको मोटरसाइकललाई ठक्कर दिँदा मोटरसाइकल चालक ३० वर्षीय पवन तामाङको मृत्यु भएको छ ।

मृतक पवन तामाङ कागेश्वरी मनोहरा नगरपालिका–६ मूलपानी हाइट निवासी हुन् ।

दुर्घटनामा गम्भीर घाइते भएका तामाङको उपचारका क्रममा नेपाल मेडिकल कलेज, अत्तरखेलमा आज मृत्यु भएको हो ।

मिनीटाटा चालकलाई प्रहरीले नियन्त्रणमा लिएको छ ।