काम गर्ने कर्मचारीलाई टाढा राखेर सरकारले समृद्धि खोज्न सक्दैन : ऊर्जामन्त्री खड्का

ललितपुर ऊर्जा, जलस्रोत तथा सिँचाइमन्त्री दीपक खड्काले काम गर्ने कर्मचारीलाई टाढा राखेर सरकारले समृद्धि खोज्न नसकिने बताउनुभएको छ । नेपाल विद्युत् प्राधिकरणको ४०औँ वार्षिकोत्सवका अवसरमा आज प्राधिकरणमा कार्यरत कर्मचारीलाई दीर्घसेवा पदक, अवकाश पदक र अमर विद्युत्कर्मीलाई सम्मान कार्यक्रममा उहाँले काम गर्ने ज्यालादारी कर्मचारीलाई टाढा राखेर सरकारले समृद्धि खोज्न नसक्ने बताउनुभयो । “विद्युत् क्षेत्रको विकासका लागि ज्यालादारी कर्मचारीले धेरै काम गरेका छन्, ज्यालादारी कर्मचारीले राखेको माग सम्बोधन गर्न प्राधिकरण सञ्चालक समिति लागेको छ”, उहाँले भन्नुभयो । श्रमको सम्मान गर्न सञ्चालक समिति लागेको उहाँको भनाइ थियो । उहाँले विगतमा भएका निर्णयलाई क्रमशः कार्यान्वयन गर्दै लगिने स्पष्ट पार्नुभयो । ऊर्जामन्त्री खड्काले सरकारले सबैभन्दा चाँडो मुलुकलाई समृद्ध बनाउने क्षेत्रका रूपमा ऊर्जा क्षेत्रलाई देखेकाले यसको विकासका लागि सबैको साथ र सहयोग आवश्यक रहेको बताउनुभयो । उहाँले सरकारले सन् २०३५ सम्म २८ हजार ५०० मेगावाट विद्युत् उत्पादन गर्ने लक्ष्य लिएकाले यसलाई पूरा गर्न विद्युत् प्राधिकरणको महत्त्वपूर्ण भूमिका रहेको उल्लेख गर्नुभयो ।

मन्त्री खड्काले छिमेकी मुलुक भारतसँगै बङ्गलादेशमा समेत विद्युत् बिक्री सुरू गरिएको बताउँदै आगामी दिनमा यसलाई झन् फराकिलो बनाउँदै अगाडि बढिने विश्वास व्यक्त गर्नुभयो । छिमेकी मुलुकबाट विद्युत् आयत घटाउँदै निर्यातलाई बढाउँदै लगिएको उहाँको भनाइ थियो । मन्त्री खड्काले गरिब तथा विपन्न नागरिकलाई समृद्ध बनाउन नसकेसम्म मुलुकको विकास हुन नसक्ने भन्दै गरिबका लागि बिनाधितो जलविद्युत्को सेयरमा ऋण उपलब्ध गराउन सरकार लागेको बताउनुभयो । नेपालसँग भएको स्रोत साधनको उच्च प्रयोग गर्दै सरकार अगाडि बढ्न खोजेको मन्त्री खड्काको भनाइ थियो । ऊर्जामन्त्री खड्काले बूढीगण्डकी, अपर अरुण, तमोर, पञ्चेश्वर, दूधकोशी, पश्चिम सेतीलगायत ठूला जलविद्युत् आयोजनालाई सरकारले चाँडो अगाडि बढाउन खोजेको उल्लेख गर्नुभयो । उहाँले प्राधिकरण स्थापनाको ४० वर्षमा पनि ऊर्जालाई सुरक्षित र भरपर्दो रूपमा विकास गर्न नसकिएको बताउनुभयो ।

मन्त्री खड्काले उद्योगले प्रयोग गरेको बिजुलीको पैसा टिओडी मिटरका आधारमा असुल गर्ने काम नेपाल विद्युत् प्राधिकरणको भएको भन्दै डेडिकेटेड र ट्रङ्कलाइनको विषयमा अल्मलिएर बस्ने कुनै ठाउँ नभएको उल्लेख गर्नुभयो । कार्यक्रममा ऊर्जासचिव सुरेश आचार्य, विद्युत् प्राधिकरणका कार्यकारी निर्देशक हितेन्द्रदेव शाक्यले प्राधिकरणलाई यस स्थानसम्म ल्याउन अहोरात्र खट्नुहुने कर्मचारीलाई धन्यवाद दिँदै आगामी दिनमा पनि साथ र सहयोग पाउने विश्वास व्यक्त गर्नुभयो । कार्यक्रममा ऊर्जामन्त्री खड्काले प्राधिकरणमा २० वर्ष निरन्तर काम गरेका पाँच सय ९४ कर्मचारीलाई दीर्घसेवा पदक, २९३ अवकाशप्राप्त कर्मचारीलाई अवकाश पदक र अमर विद्युत्कर्मीका परिवारलाई सम्मान गर्नुभएको थियो ।

थप समाचारहरु

आठ महिनामा साढे १० खर्ब विप्रेषण प्राथमिकताका आधारमा बजेट विनियोजन गरिनुपर्छ : पूर्वअर्थमन्त्री महत ज्येष्ठ नागरिकहरूले गरे फिस टनेलको एक्पो अवलोकन ( भिडियो ) गृहमन्त्रीको बर्खास्तीको माग गर्दै सर्वोच्च अदालतमा रिट-दर्ता हुन भने बाँकी काठमाडौँ–तराई / मधेस द्रुतमार्ग सडक आयोजनाबारे  प्रधानमन्त्रीसमक्ष सुुझाव प्रतिवेदन हस्तान्तरण राष्ट्रिय शिक्षक संगठनको अध्यक्षमा हंसबहादुर शाही निर्वाचित, अन्य पदमा को को ? (सुची सहित) सूचना प्रविधि तथा साइबर सुरक्षा विधेयकमा परिमार्जन गर्न माग धानचामल आयातमा करिब रु १७ अर्ब करोड ८२ वृद्धि थारु समुदायको भान्सामा हराउँदै ‘फुटकी च्याउ’ को स्वाद आर्थिक वृद्धिदरमा सुधार रुपन्देही क्षेत्र नं ३ को मतदाता नामावली अद्यावधिक गर्दै आयोग दुई वटा व्यापारिक फर्ममाथि कारबाही प्रदेश प्रमुखद्वारा दुई विधेयक प्रमाणीकरण आठ पालिका एउटै दमकलका भरमा वर्षातमा पनि आगलागीका घटना चार महिनामा एक हजारभन्दा बढी आगलागीका घटना मकाउका पूर्व सांसदको गिरफ्तारीको इयूद्वारा निन्दा सुटकेसमा बच्चासहित यात्रा गर्ने न्युजिल्याण्डकी एक महिला पक्राउ