कुलिङ पिरियडसम्बन्धी व्यवस्थामा भएको गडबडीबारे छानबिन गर्न गठित ७ समितिलाई ४ बुँदे कार्यादेश र ३ बुँदे कार्यविधि

ललितपुर । कुलिङ पिरियडसम्बन्धी व्यवस्थामा भएको गडबडीबारे छानबिन गर्न कांग्रेस सांसद जीवन परियारको संयोजकत्वमा गठित ७ सदस्यीय संसदीय विशेष छानबिन समितिलाई ४ बुँदे कार्यादेश र ३ बुँदे कार्यविधि तोकिएको छ ।

सङ्घीय निजामती सेवा विधेयक, २०८० को सम्बन्धमा राज्य व्यवस्था तथा सुशासन समितिबाट सभामा पेस भएको प्रतिवेदनमा मूल विधेयकको दफा ८२ मा उपदफा ४ थपिएको, उपदफा ५ मा रहेको व्यवस्थाले गर्दा कानुनी तादात्म्य नदेखिएको हुँदा के कति कारणले यस्तो हुन गएको हो सो सम्बन्धमा छानबिन गर्ने कार्यादेश छ । यस्तै यस्तो कानुनी तादात्म्य नहुने गरी प्रतिवेदन तयार हुनुमा को कसको के कस्तो भूमिका रहेको छ सो को सम्बन्धमा छानबिन गर्न भनिएको छ ।

समितिबाट तयार भएको प्रतिवेदनमा त्रुटि भएको भन्ने सम्बन्धमा कसैको संलग्नता देखिएमा के कस्तो संलग्नता रहेको छ सो को यकिन गरी त्यस्तो पदाधिकारी वा व्यक्तिलाई प्रचलित कानुन बमोजिम कुनै कारबाही गर्नु पर्ने वा नपर्ने भन्ने सम्बन्धमा सुझाव पेस गर्न भनिएको छ ।

चैथो बुँदामा कानुन निर्माणको क्रममा समितिमा हुने छलफल निर्णय प्रक्रिया प्रतिवेदन लेखन लगायतका विषयमा देखिएका कमीकमजोरी पत्ता लगाइ भविष्यमा त्यस्तो प्रकृतिका कमीकमजोरी हुन नदिन के कस्तो सावधानी वा उपाय अपनाउन पर्ने हो सो सम्बन्धमा सुझा पेस गर्ने कार्यादेश छ भने समितिले प्रचलित कानुनको अधीनमा रही समितिले आफ्नो कार्यविधि आफै बनाई व्यवस्थित गर्न सक्नेछ । यस्तै समितिले आवश्यक देखेमा सम्बन्धित विज्ञ एवं अन्य व्यक्तिको सहयोग लिन सक्नेछ भने समितिलाई २१ दिनको समय दिइएको छ ।
समितिका सदस्यमा कांग्रेसबाट सुशीला थिङ, नेकपा एमालेबाट ईश्वरी घर्ती र नारायण आचार्य, नेकपा (माओवादी केन्द्र)बाट माधव सापकोटा, राष्ट्रिय स्वतन्त्र पार्टीबाट गणेश पराजुली तथा राष्ट्रिय प्रजातन्त्र पार्टीबाट रोशन कार्की रहेका छन् ।

थप समाचारहरु

भारत र पाकिस्तानबीचको युद्धको जोखिमले बिश्व चिन्तित: नेपालको सदनमा पनि उठ्यो युद्धको बिषय : सीमामा निगरानी बढाउन राष्ट्रिय सुरक्षा समितिको निर्देशन मुलुक समृद्ध बन्न राजनीतिक स्थायित्व जरुरीः सञ्चारमन्त्री गुरुङ गृहमन्त्रीको बर्खास्तीको माग गर्दै सर्वोच्च अदालतमा रिट-दर्ता हुन भने बाँकी सरकारप्रतिको आक्रोशलाई समयमा नै सम्बोधन गर्न नसके ठुलो जनआन्दोलनको स्थिति बन्छ -प्रचण्ड समाजवादी क्रान्तिको पक्षमा पार्टी एकतालाई अगाडि बढाएका छौँ : अध्यक्ष दाहाल पूर्व प्रधानमन्त्री माधवकुमार नेपालको सांसद पद निलम्बन- १८ करोड ५८ लाख रुपैयाँ बिगो माग दाबी आगामी रणनीति बनाउन विपक्षी दलहरू बैठकमा प्रतिनिधी सभाको बैठक अबरोध हटाई सुचारु गर्ने  बिषयमा कांग्रेस र रास्वपाबिच छलफल छानबिन समिति बनाउने लिखित प्रतिबद्धता जाहेर सांसद नेपालको सांसद पद निलम्बनभएको सदनलाई जानकारी अख्तियारको अनुसन्धानमा खुला हृदयले सहयोग गर्छु : गृहमन्त्री राप्रपाका सांसद बाहिरिए- रास्वपाका सांसद बेल घेराउसहित नाराबाजीमा राप्रपाले एक दिनको संसद् बैठक भत्ता नलिने जथाभावी ड्रेस लगाएर संसद् भवन प्रवेश गरेको भन्दै कारबाही गर्न सभामुखको ध्यानाकर्षण प्रमुख तीन दलका शीर्ष नेताहरूबिच समसामयिक राजनीतिक विषयमा छलफल नेपाली कांग्रेसको केन्द्रीय कार्यसमितिको बैठक एक दिन पर सारियो छ वटा संसदीय समितिको बैठक बस्दै नेपालका तर्फबाट वकिलहरूको बहस सुरु गरे वरिष्ठ अधिवक्ता शम्भु थापाले