कोशी प्रदेशमा बनेको थ्रिलर फिल्म “सापित”को प्रिमियर सम्पन्न

इटहरी । कोशी प्रदेशको टीम र यहीको श्रोत साधनले निर्माण गरिएको फिल्म सापितको इटहरीमा पहिलो प्रीमियर सम्पन्न भएको छ । यो फिल्म कोशी प्रदेशमा बनिरहेका जातीय सांस्कृतिक तथा भाषाभाषीका फिल्म भन्दा केही फरक धारमा रहेर निर्माण गरिएको हो । लेखक तथा निर्देशक रूपक राईका अनुसार यो हरर थ्रीलर फिल्म हो ।

श्रीकृष्ण जन्माष्टमीको विशेष अवसर पारेर इटहरीको किराँत राई यायोक्खाको भवनमा शनिवार गरिएको पहिलो शोमा प्रमुख अतिथि नेपाल चलचित्रकर्मी महासंघ कोशी प्रदेशका अध्यक्ष अरुण कुमार प्रधान थिए । धरान, इटहरी लगायतका चलचित्रकर्मीहरुको पनि प्रिमियरमा उपस्थिति थियो । उपस्थित दर्शकले फिल्म हेरेपछि राम्रो भएको प्रतिक्रिया दिए ।

फिल्मका लेखक तथा निर्देशक राईले अब सापितको नेपाल बाहिर प्रिमियरको तयारी भइरहेको जानकारी गराए । सापितको यही मंगलबार ट्रेलर पनि सार्वजनिक गरिएको छ । फिल्ममा अधिकांश नयाँ कलाकारहरु रहेका छन् । फिल्मको मुख्य भूमिकामा भारतीय मूलका नेपाली कलाकार सुकचन्द्र थापा, सन्जना त्री खत्री र जियोन तामाङ छन् ।

यस्तै नेपालबाट उदय सुब्बा कुरुङ्ग्बाङ, विजय सन्यक सुब्बा, हेम दिलुङ्छा राई, मदन राई, दिनेश कोइराला, मिलन तामाङ, सुरेन्द्र भुजेल, सुरज भुजेल, इक्सा गुरुङ, जुनु बुढाथोकी, कैलाश बि।क लगायतका कलाकारको अभिनय देख्न सकिन्छ ।

केराबारी-५ राजारानी, इटहरी, संखुवासभाको खादवारी लगायतका विभिन्न स्थानमा सुटिङ सम्पन्न भएको यस फिल्मको निर्माण सागर लिम्बू (लोकेन) ले गरेका हुन् भने कार्यकारी निर्माता उदय कुमार सुब्बा हुन् । सहायक निर्देशक मिलन तामाङ रहेका छन् भने प्रकाश सुब्बा र देवराज सिग्देलले यो फिल्म छायांकन गरेका हुन् । सापितलाई सम्पादन र कलर हेमन तामाङले गरेका छन् । फिल्मको पोस्ट प्रोडक्सन कोशी भिजन प्रा. लि. मार्फत गरिएको हो ।

थप समाचारहरु

ग्राण्ड ग्रामर कल्चरल प्रोग्राम सम्पन्न सामाजिक सञ्जाल र इन्टरनेटमार्फत १४ करोडभन्दा बढी राजस्व मानव बेचबिखनमा आधारित डकुमेन्ट्री फिल्म ‘फ्रम द स्याडोज’ काठमाडौंमा प्रदर्शन बुढानीलकण्ठ साहित्यिक, सांस्कृतिक महोत्सव हुने सेलिङको कविताकृती ‘सेप्म्माङलक’ र ‘आयोमा दर्पण’ पुस्तक बिमोचन मञ्जुश्री साहित्यिक समाजको नवौँ वार्षिकोत्सव भव्य रुपमा सम्पन्न उर्मिला कोइरालाको चौंथो कृति ’घाममाथि घामकै किरण ’ विमोचन धम्मवती गौरव पदकद्वारा सञ्चारकर्मी तथा बीमा अभियन्ता बिडारी सम्मानित सिटी एक्सप्रेस मनी ट्रान्सफरद्वारा आयोजित युएईमा “उत्सव र उमङ्ग, सिटी एक्सप्रेससँग २०८१” साँगीतिक कार्यक्रम सम्पन्न चर्चामा काभ्रेली ‘देवी प्रतिभा’,आध्यात्मिक प्रवचनका लागि देशविदेशमा प्रखर पत्रकार तथा बिजनेसपाटीको स्तम्भकार खरेल सम्मानित युगकवि सिद्धिचरणलाई नयाँ समयमा चिनाउने पुस्तक युनिभर्सल सर्टिफिकेटसहित ‘हेल्लो काँशीराम’ सेन्सर पास राम नवमीमा  बबिना भट्टराईको   राम भजन ‘मनमा बसाएर राम’ सार्वजनिक (भिडियो सहित) एसईई दिएका किशोरी लक्षित ‘मिस एसईई इटहरी’को अडिसन बैशाख पहिलो साता ‘हेल्लो काँशीराम’को टिजर सार्वजनिक, देशको व्यथितीमाथि तिखो व्यङ्ग्य ‘हेल्लो काँशीराम’को गीत ‘झ्यामकी मादल झ्याम’ सार्वजनिक गरिमा र रञ्जनको  रोमान्सले भरिएको ‘के गरौं भन तिम्रो हुनलाई’ सार्वजनिक ( भिडियो )