क्रिकेटर लामिछानेको सम्मानमा रङ्गशाला बन्दै

ललितपुर । नेपाली राष्ट्रिय क्रिकेट टिमका पूर्वकप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन सुरू गरिएको छ । स्याङ्जाको अर्जुनचौपारी गाउँपालिका–५ आरुचौरमा जन्मिएका क्रिकेटर लामिछानेको सम्मानमा सोही वडाको थाप्लेमा गाउँपालिकाले रङ्गशाला बनाउन सुरू गरेको हो ।

गाउँपालिका कार्यालयको लगानी तथा अगुवाइमा स्थानीयहरूको जनश्रमदानसहित रङ्गशाला निर्माण सुरू भएको गाउँपालिकाका अध्यक्ष प्रकाश तिवारीले बताए । डाँडाको टुप्पो तर समथर रहेको सार्वजनिक गौचरनलाई क्रिकेट मैदान बनाउने गरी चालु आर्थिक वर्ष २०८१र८२ देखि बनाउन सुरू भएको हो ।

“चालु आवदेखि गाउँपालिकाको लागत तथा स्थानीयहरूको जनश्रमदानमा रङ्गशाला बनाउन सुरू गरेका हौँ”, उनले भने, “अहिले मैदान बनाउने ठाउँलाई सम्याउने काम भएको छ, वर्षा लागेकाले तत्काललाई काम रोकेका छौँ, वर्षा सकिएपश्चात् कामलाई तीव्र गतिमा अगाडि बढाएर सम्पन्न गर्छौं ।”

समुद्री सतहदेखि १९०७ मिटरको उचाइमा यो ठाउँ रहेको छ । निर्माणाधीन मैदानलाई ‘नाइन्टिन ओ सेभेन अरिना’ नाम दिइएको छ ।

क्रिकेट मैदान निर्माण सम्पन्न भएसँगै यस ठाउँमा राष्ट्रियस्तरको क्रिकेट प्रतियोगिता सञ्चालन गर्ने तयारी छ ।

थप समाचारहरु

विश्वकप एसिया छनोटः नेपाल र हङ्कङबीचको खेल रद्द नेपाल थाइल्यान्डसँग ७८ रनले पराजित नेपालगञ्जमा ‘मेयर कप’ ब्याडमिन्टन प्रतियोगिता सुरु नेपालले नेदरल्यान्ड्सलाई दियो २३७ रनको लक्ष्य नेपालले नेदरल्यान्ड्सलाई १६ रनले हरायो नेपाललाई पदक दिलाउने शारीरिक सुगठन टोलीलाई राखेपको स्वागत खेलबाट स्वस्थ्य जीवन, स्वच्छ समाजको प्रवद्र्धन हुन्छ : मन्त्री पौडेल नेपाल सङ्ग हार खायो नेदरल्यान्डस् : ६ विकेटले पराजित यू–१६ इस्ट जोन कप २०२५ मा नेपालले सिंगापुरलाई ६ विकेटले हरायो क्रिकेटर दीपेन्द्रले प्रहरीको पदबाट राजीनामा दिए सिङ्गापुर विरुद्धको फाइनल खेलमा नेपालले पहिला बलिङ गर्दै एसिसी इस्ट जोन कपको उपाधि नेपाललाई भारत र बङ्गलादेश सन् २०२६ सम्मका लागि क्रिकेट खेल श्रृङ्खलालाई स्थगित गर्न सहमत अध्यक्ष दाहालद्वारा उपाधि बिजेता क्रिकेट टोलीलाई बधाई दक्षिण एसियाली करातेमा नेपाल उपविजेता एनपिएल आयोजनाको तयारीमा ध्यान दिन राखेपलाई प्रधानमन्त्रीको आग्रह प्रधानमन्त्री ओलीद्वारा खेलाडीलाई बधाई प्रचलित कानुनबमोजिम मात्रै विज्ञापन गर्न बोर्डद्वारा क्यानलाई सचेत