खानेपानीका आयोजना निर्माणमा ढिला सुस्ति गर्नेलाई उन्मुक्ति दिइने छैन : मन्त्री यादव

ईलाम । खानेपानीमन्त्री प्रदीप यादवले नागरिकलाई स्वच्छ, सुरक्षित एवं शुद्ध खानेपानी वितरणका लागि निर्माणाधीन खानेपानी आयोजना निर्माणमा ढिलासुस्ती गर्ने ठेकेदारलाई उन्मुक्ति नदिने बताएका छन् ।

आज संघीय खानेपानी तथा ढल व्यवस्थापन आयोजना, ईलाम अन्तर्गत कन्याम–पञ्चकन्या खानेपानी योजना सम्बन्धी सरोकारवालाहरुसँग अन्तरक्रिया एवं छलफल कार्यक्रमलाई सम्बोधन गर्दै मन्त्री यादवले खानेपानी जस्तो अत्यावश्यक सेवामा ढिलासुस्तीको कुनै बहाना स्वीकार्य नगरिने र तोकिएको समयमा आयोजना सम्पन्न नगर्ने ठेकेदारविरुद्ध कानुनी दायरामा ल्याइने बताए।

उनले भने, “खानेपानी जस्तो अत्यावश्यक चिजलाई ढिला सुस्ति गर्ने कार्य किमार्थ स्वीकार्य छैन् । खानेपानीका आयोजना तोकिएकै समयमा सम्पन्न गर्नु पर्छ । अब सहेर बसिदैन, कानुनी दायरामा ल्याइने छ ।”

यसैगरी मन्त्री यादवले निर्माण व्यवसायीहरूले विभिन्न बाहना बनाएर खानेपानीका आयोजनाहरुमा काम ढिलो गर्ने र तोकिएको समयमा सम्पन्न नगर्ने गरेको गुनासो सुन्नमा आएकाले काम नगर्ने ठेकेदारको ठेक्का रद्द गरिने जानकारी गराए ।

उनले भने, “कन्याम–पञ्चकन्या खानेपानी योजनाको समस्या समाधानका लागि म मन्त्री स्वयंम यहाँ आएको छु । आज यहाँको समस्या समाधानको बाटो निकाल्नु पर्छ । कि ठेकेदारले काम गर्नु पर्छ, यात अब ठेक्क रद्द गर्नुपर्छ ।”

मन्त्री यादवले निर्माणमा ढिलासुस्तीको काम तत्काल बन्द गर्न समेत निर्माण व्यवसायीलाई आग्रह गर्नु हुँर्दै समस्या आइपरेको खण्डमा तत्काल मन्त्रालयमा वा आफुलाई जानकारी दिन समेत आग्रह गरे ।

कन्याम–पञ्चकन्या खानेपानी योजनामा ७७ प्रतिसत काम भइरहेको बारे आफुले जानकारी पाएको बताउँदै उनले भने, “वर्षाद्को बेला आएको छ, बाढी आउँछ, केही घटना होला त्यसको जिम्मा कस्ले लिने ? बाँकी रहेको यो खानेपानीको काम तत्काल सुरु गर्नुहोला । अधुरो छोडिएको पाइपलाईनको काम भोली बिहानबाट सुरु गर्नुस् ।”

नागरिकलाई सुरक्षित, स्वच्छ एवं शुद्ध पानी उपलब्ध गराउने उद्देश्यले सञ्चालनमा रहेका सबै खानेपानी आयोजनाहरुमा नतिजा देखिने गरी समयमै सम्पन्न गर्नुपर्नेमा जोड दिए। उनले खानेपानी आयोजना निर्माणमा ढिलासुस्ती गर्ने ठेकेदारलाई कडा कारवाही गर्ने संकेत गर्नुका साथै खानेपानीका क्षेत्रमा सुधार ल्याउने प्रतिबद्धता समेत जनाएका छन् ।

उनले भने, “अबका दिनमा नयाँ योजनाहरू सुरु हुनेछन् । अधुरा योजनाहरू पुरा हुनेछन्, र जनताले सहज र भरपर्दो खानेपानी सेवा पाउनेछन् भन्नेमा म पूर्ण विश्वासका साथ अघि बढेको छु । ढिलासुस्ती गर्ने ठेकेदारलाई कडा कारवाही गर्छु ।”

देशका प्रत्येक नागरिकले स्वच्छ, सुरक्षित र शुद्ध खानेपानी सहज रुपमा पाउनुपर्छ भन्ने आफ्नो दृढ विश्वास रहेको र आफ्नो अथक प्रयासले यस वर्ष खानेपानी मन्त्रालयको बजेटमा वृद्धि भएकाले विगतका वर्षहरूमा बजेट अभावका कारण अधुरा रहेका योजनाहरू अब पूरा गरिने प्रतिबद्धता जनाए ।

उक्त कार्यक्रममा सुर्योदय नगरपालिका, फिक्कल ईलामका नगर प्रमुख रणबहादुर राई उपप्रमुख दुर्गाकुमार बराल, खानेपानी मन्त्रालयका सचिव ई प्रमिलादेबी शाक्य बज्राचार्य, नेपाल वायुसेवा निगमका अध्यक्ष युवराज अधिकारी, खानेपानी तथा ढल व्यवस्थापन विभागका महानिर्देशक ई रामकुमार श्रेष्ठ, कर्मचारी, स्थानीयवासी लगायतको सहभागीता रहेको थियो ।

नेपाल सरकारले आधारभुत स्तरको खानेपानी सेवा जनताको पहुँचमा पुर्याउने उदेश्यले आर्थिक वर्ष २०६८र६९ देखि खानेपानी तथा ढल व्यवस्थापन विभाग अन्तर्गत जलवायु अनुकुलित वृहत खानेपानी आयोजना तर्जुमा गरेको र सोही आयोजना अन्तर्गत कन्याम पञ्चकन्या खानेपानी आयोजना स्थल सुर्योदय नगरपालिका–३, ६–८, १०–१४, ईलाम नगरपालिका–१० र रोङ गाँउपालिका–३ मा पर्नेगरेको संघीय खानेपानी तथा ढल व्यवस्थापन आयोजना, ईलामले जनाएको छ ।

थप समाचारहरु

भारत सरकारको अनुदान सहयोगमा निर्माण हुने १० वटा परियोजनाको समझदारी पत्रमा हस्ताक्षर सदर चिडियाखानाको प्राङ्गणमा निर्माण गरिएको फाल्चाको समुद्घाटन नेपाली सेनामा जागिरको अवसर, ८ पासले पनि आवेदन दिन सक्ने (विवरण सहित) जलवायु परिवर्तनले वायु प्रदूषणमा पारेको असर सम्बन्धी अन्तरक्रिया कार्यक्रम “स्वनिगः” सहरमा नयाँ गन्तव्य एभरेष्ट अस्पताललाई काठमाडौँ महानगरले ५० हजार जरिवाना तिराउने  ढाकावाङका किसानलाई मौरी वितरण    नयाँ वर्ष नयाँ सोच युवाहरूको लागि छ प्रगतिको स्रोत भन्ने नाराका साथ भक्तपुरमा औद्योगिक महोत्सव सम्पन्न असोज बाढीपहिरो : सातमहिनापछि बल्ल काभ्रेमा निजी आवासको क्षति आकलन सुरु वैकल्पिक वित्त कोष स्थापना गर्ने विधेयक दर्ता    पहिरोले मकालु र भोटखोला गाउँपालिकामा सडक अवरुद्ध    घर–घरमा स्वच्छ खानेपानी पुर्‍याउनु सरकारको प्रमुख लक्ष्य हो : मन्त्री यादव राहुघाट जलविद्युत् आयोजना सम्पन्न, परीक्षण उत्पादन हुँदै    शुद्ध, सुरक्षित खानेपानी अब सपना होइन, व्यवहारिक हक बन्ने छ : मन्त्री यादव सहयोग जुटाएर एकाघरका चार दृष्टिविहीनलाई आवास बनाइँदै रसुवा बाढीमा परेका १० जनाको शव फेला, पीडित परिवारलाई २ लाख दिने सरकारको घोषणा नेपाल आयल निगमले छ अर्ब ५० करोड लागतमा नयाँ हवाई इन्धन डिपो निर्माण गर्ने