गीतकार शशि शर्मा मजगैयाँलाई सामाजिक सम्मान 

रापती समाज काठमाडौँबाट “रापती सामाजिक सम्मान–२०८२” बाट  गीतकार तथा अधिवक्ता शशि शर्मा मजगैयाँलाई सम्मानित भएका छन् ।  नवौँ राष्ट्रिय रापती म्युजिक अवार्ड–२०८२ को अवसरमा प्रदान गरिएको सो सम्मान मजगैयाँको साहित्य, सङ्गीत, कानुन, आमसञ्चार र सामाजिक सेवाका क्षेत्रमा दुई दशकभन्दा बढीको निरन्तर, प्रभावकारी र बहु आयामिक योगदानको मूल्याङ्कन स्वरूप प्रदान गरिएको हो। दाङको तुलसीपुरमा आमा मिना शर्मा तथा बुबा हरिप्रसाद पोख्रेलको कोखबाट जन्मिएका मजगैयाँ गीतकार, अधिवक्ता, वक्ता, सञ्चारकर्मी एवं समाजसेवीका रूपमा राष्ट्रिय परिचय स्थापित गरिसकेका छन्।

वि.सं. २०६३ सालमा स्थापना भएको रापती समाज काठमाडौँमा स्थापना कालदेखि नै सदस्य, सचिव, महासचिव र दुई कार्यकालसम्म अध्यक्ष भएर नेतृत्व प्रदान गरेका उनले हाल संरक्षकका रूपमा संस्थागत विकास, पारदर्शिता र अन्तर्राष्ट्रिय पहिचान विस्तारमा निरन्तर सक्रियता जनाइरहेका छन्। भूकम्प, बाढी–पहिरो, आगलागी जस्ता विपत्तिका बेला राहत, उपचार सहजीकरण, छात्रवृत्ति सहयोग, पुनर्निर्माण पहलजस्ता कार्यमार्फत उनले निर्वाह गरेको मानवीय सेवाको भावना र नेतृत्व क्षमता उच्च प्रशंसनीय मानिन्छ। 

समारोहका प्रमुख अतिथि वरिष्ठ कलाकार मदनकृष्ण श्रेष्ठ र विशिष्ट अतिथि नीर शाहको उपस्थितिमा काठमाडौँको भृकुटीमण्डपस्थित नेपाल पुलिस क्लबमा आयोजित कार्यक्रममार्फत चलचित्र, सङ्गीत, गायन, भिडियो निर्देशन, मोडलिङ, छायाङ्कन, सम्पादनलगायत ४२ विधामा अवार्ड प्रदान गरिए।  कार्यक्रममा रापती सांस्कृतिक सम्मानमा यागेश्वर बस्नेत, डायस्पोरिक सम्मानमा वसन्त लम्साल, पत्रकारिता पुरस्कारमा भोजराज थापा, बाल प्रतिभा पुरस्कारमा स्वयं केसी, उद्यमशीलता सम्मान–२०८२ मा दीपक कार्की सम्मानित भए। कार्यक्रममा अर्जुन मिलन (संविधानविद् डा. भीमार्जुन आचार्य), वरिष्ठ अधिवक्ता शेरबहादुर केसी, वरिष्ठ सङ्गीतकार दीपक जङ्गम, नायक पल शाह, प्रसिद्ध गीतकार लोकराज अधिकारी लगायत सयौँ कलाकार एवं करिब हजारभन्दा बढी दर्शकहरूको सहभागिता थियो। 

सम्मान ग्रहणपछि मजगैयाँले “यो सम्मान एउटा उपहारभन्दा बढी जिम्मेवारी हो, सङ्गीत मेरा श्वास हुन्, न्याय मेरो पेशा र सेवा मेरो जीवन–धर्म” भन्दै कृतज्ञता व्यक्त गरे। रापती समाज काठमाडौँकै अध्यक्ष गोविन्द मधुर आचार्यले आगामी वर्ष अवार्डलाई अन्तर्राष्ट्रिय स्तरमा विस्तार गर्दै विश्वभरिका नेपाली सांस्कृतिक प्रतिभालाई एकै मञ्चमा  ल्याइने प्रतिबद्धता व्यक्त गरे। साहित्य, सङ्गीत, कानुन र मानवीय सेवामा दीर्घकालीन समर्पणसहित स्थापित शशि शर्मा मजगैयाँ आज रापती क्षेत्रदेखि राष्ट्रिय मञ्चसम्म एक भरोसायोग्य, जिम्मेवार र प्रेरणादायी व्यक्तित्वका रूपमा उदाउँदै गएका छन् र “रापती सामाजिक सम्मान–२०८२” सो यात्राको ऐतिहासिक मीलको पत्थर बनेको छ।

थप समाचारहरु

लघुचलचित्र ‘दृश्य’ निर्माण, पोष्टर सार्वजनिक वरिष्ठ सर्जक खड्ग गर्बुजालाई दीर्घसाधना सम्मान सञ्जीवकुमारको ‘न दिन सके खुशी तिमीलाई’ सार्वजनिक बबिना भट्टराईको  ‘मन देखि गरेको माया कदर भएन’   (भिडियो सहित) फिदिममा कोशी प्रदेशस्तरीय ब्याडमिन्टन प्रतियोगिता हुने चीनको स्मलरीग अवार्डको नोमिनेशनमा नेपालको सर्टफिल्म ‘पाउलो’ मञ्जु थापा र सागर आलेकोे गीत ‘सोल्टिनी तिम्रै माया’ सार्वजनिक आन्दोलनकारी बासु “सर ” एउटै गीत बाट बने शिक्षकहरुको सेलिब्रेटी( भिडियो) ‘द स्कुल वाल’ ले भारतको चलचित्र महोत्सवमा ३ विधामा जित्यो अवार्ड क्लोजअपद्वारा भ्वाइस अफ नेपाल सिजन–६ विजेतालाई १ लाखको पुरस्कार प्रदान भिम चापागाईको आवाजमा नयाँ गीत ‘मायाको हाँसो’ सार्वजनिक, नयाँ आधुनिक नेपाली गीत “ढाँटछेउ कतिलाई” सार्वजनिक टिकटकद्वारा ‘फर यु फीड’लाई थप व्यक्तिगत र सुरक्षित बनाउने टुल सार्वजनिक संकल्पको स्वर, संगीतमा रहेको ‘झुठै भएनी’ सार्वजनिक (भिडिओ) किन गएनन् दुर्गेश थापा कार्यक्रममा जापान, पैसा थोरै भएर की आयोजक सँग लफडा भएर ? गायिका रचना रिमालको स्वास्थ्य अवस्थामा क्रमिक सुधार -अझै केही दिन अस्पतालमै रहनु पर्ने ‘सद्भाव मार्फत उपचार’ नारा सहित विश्व सङ्गीत दिवस मनाईदै  विपिन र निराजको सहकार्य ‘निरासक्त’ सार्वजनिक