गीतकार सङ्घ नेपालकोे १६ औं स्थापना दिवस : स्रष्टा सम्मान तथा पुरस्कार वितरण (भिडियो)

ललितपुर । गीतकार सङ्घ नेपालले आफ्नो १६ औं स्थापना दिवस बुधबार ‘स्रष्टा सम्मान तथा पुरस्कार वितरण–२०८१’ कार्यक्रम गर्दै मनाएको छ । संघले यस वर्ष प्रतिष्ठित गीतकार गणेश रसिक अमरभावना राष्ट्रिय स्रष्टा सम्मानद्वारा सम्माति गरेको छ । अस्वस्थताका कारण कार्यक्रममा उपस्थित हुन नसकेका विशिष्ट गीतकार रसिकलाई निवासमा नै पुगेर नगद रु. १ लाख ५१ हजारसहित सम्मानपत्र र दोसल्ला ओढाएर सम्मान गरिएको थियो ।

त्यस्तै, यस बर्षको ‘डायस्पोरा गीतकार सम्मान गीतकार संघ नेपाल २०८१’ बिदेशमा बसी नेपाली गीतलेखनमा योगदान पु¥याएकोमा अमेरिकामा बसोबास गर्ने गीतकार दिलिप योन्जन तामाङलाई नगद रु. १५,००० सहित सम्मान गरियो । यस बर्ष बिष्णुमन्सरा घले मातृभाषा गीतकार सम्मान २०८१ बाट मगर भाषाका गीतकार सन्जोग लाफा मगरलाई नगद रु. २५,२५२ सहित पुरस्कृत गरियो ।
कार्यक्रममा संघमा आवद्ध सदस्यहरुमध्ये ८० बर्षभन्दा जेष्ठ गीतकार हरिभक्त बुढाथोकी (८६बर्ष) लाई नगद रु. ५, ५५१ सहितसम्मान–पत्र र दोसल्ला ओढाई सम्मान गरियो ।

कार्यक्रममा यस बर्ष भैरवनाथरिमाल(कदम) बर्षगीत पुरस्कारबाट नगदसहित गीतकारद्वय डा. ओमकृष्णप्रसाईं र ध्रुब खनाल रु. ५७००० सहित पुरस्कृत भए भने जगतमर्दन थापा बर्षगीत पुस्तक पुरस्कार २०८१ गीतकारद्वय त्रिविक्रम पाण्डे र गीतकार हिमांशु रायलाई नगद रु. ५७,००० सहित सम्मान प्रदान गरियो ।

त्यस्तै साहित्य एवम गीत सङ्गीत जस्ता वौद्धिक सम्पतिको संरक्षण गर्नकालागि प्रतिलिपि अधिकारलाई कार्यान्वयन गर्न उल्लेख्य भूमिका खेलेकाले गीतकार एवम् नेपाल प्रहरीका अतिरिक्त महानिरिक्षक टेक तामाङ्लाई बौद्धिक सम्पति संरक्षण सम्मान अर्पण गरियो । त्यस्तै संघको कार्यालय संचालनमा भौतिक सहयोग पुर्याए वापत एलेन ठूलेलाई पनि सम्मान प्रदान गरियो । सोहि समारोहमा यस बर्ष गीतकार संघ नेपालको आजीवन सदस्यता प्राप्त गीतकारहरुलाई प्रमाण–पत्रसमेत वितरण गरिएको थियो ।
नेपाल प्रज्ञा प्रतिष्ठानका कुलपति भूपाल राईको प्रमुख आतिथ्यता र संघका अध्यक्ष बसन्त बित्यासी थापाको अध्यक्षतामा भएको कार्यक्रममा बोल्दै प्रमुख अतिथि राईले गीतकार संघ नेपाल गीतकार संघका सदस्य गीतकारहरुको हकहितमा स्थापित पवित्र संस्था रहेको र नेपालको लोकतान्त्रिक व्यवस्थाको मर्मअनुसार बिभिन्न भाषाभाषिका गीतहरुले समेत गरिमामय स्थान पाएकोमा खुसि व्यक्त गरे ।
संघका उपाध्यक्ष रमेश कोइरालाको स्वागतबाट सुरु भएकोकार्यक्रमको सहजिकरण संचारकर्मी एवम् संघका आजीवन सदस्य हेम सुबेदीले गरेका थिए ।

थप समाचारहरु

युनिभर्सल सर्टिफिकेटसहित ‘हेल्लो काँशीराम’ सेन्सर पास मेनुका राईको स्वरमा ‘हेलो हाई नमस्कार’ नामक गीत सार्वजनिक टेलिश्रृखला ‘रहरहरु’ को प्रोमो सार्वजनिक, बैशाख ५ देखि नियमित प्रसारण हुने   सुस्मिता स्याङतानको आवाजमा ‘कुलमान दाइ’ गीत सार्वजनिक, सामाजिक सञ्जालमा भाइरल अन्तर्राष्ट्रिय ख्यातिप्राप्त जापानी अभिनेत्री माहोले नेपाली टेलिचलचित्र मनको बाँधमा डेब्यू गर्दै ‘मिस एसईई ईटहरी’को पहिलो अडिसनमा २० जना सहभागी गीतकार प्रमोद भट्टराईको शब्द बबिना भट्टराईको स्वर, संगीतमा “कहीँ कतै हराएँ भने” लोकार्पण (भिडियो सहित) टिकटकले किशोर-किशोरीहरूको सुरक्षाका लागि नेपालमा सुरु गर्‍यो ‘फ्यामिली पेयरिङ’ फिचर गीतकार थापालाई ‘राष्ट्रिय संगीत आजीवन योगदान सम्मान : गिरीलाई रजत संगीत पत्रकारिता र पोखरेललाई दशक संगीत पत्रकारिता सम्मान (भिडियो) दोहोरी आईडल २०८२का आयोजकलाई प्रश्न मिनिस्कट लाएर दोहोरी गाउन मिल्छ ? (भिडियो) संगीतकार संघ नेपालको अध्यक्षमा अष्ट लामा, एक मात्र महिला सदस्य बबिना भट्टराई सहित १२ जना निर्विरोध निर्वाचित ! चलचित्र  “महाराजधिराज” बाट अभिनेता पल शाह सहमतिमै भए अलग ‘बिहानीको घाम’ शब्दलाई ‘बिहारीको नाम’ बुझेर बिहारमा दुर्गेश हिट (भिडियो) राती सुत्न सक्दिन– सांस्कृतिक संस्थानले ‘गाईजात्रा महोत्सव २०८२’ आयोजना गर्ने (भिडियो) गाईजात्रा महोत्सव २०८२’ सुरु (भिडियो) समिप आचार्यको शब्द तथा सङ्गीतमा “भो यो माया” सार्वजनिक कोमल, लोकराज र विपिनको सहकार्य तीज गीत ‘बिन्ती गर्न जाम’( भिडियो)