चुनावमा करिव ५ अर्ब बराबरको सहयोग भारत र चीनबाट लिइँदैछ : अर्थमन्त्री खनाल

ललितपुर । अर्थमन्त्री रामेश्वर खनालले आगामी फागुन २१ गतेको प्रतिनिधिसभा निर्वाचनका लागि भारत र चीनबाट करिव पाँच अर्ब बराबरको सहयोग लिन लागेको बताएका छन् । बुधबार राजधानीमा आयोजित एक कार्यक्रममा अर्थमन्त्री खनालले यस्तो बताएका हुन् ।

मन्त्री खनालले यसरी आगामी चुनावका लागि दुई छिमेकी राष्ट्रबाट लिइने सहयोग आर्थिक सहयोग भने नभएको बताएका छन् । उनले चुनावका लागि प्रयोग हुने भेइकल र विभिन्न इकुमेन्टहरू भारत र चीनबाट सहयोग स्वरुप लिन लागेको बताए । उनले आगामी फागुनमा हुने चुनावमा चालु बजेटबाटै खर्च जुट्ने भन्दै चालु आर्थिक वर्षको बजेटमा तयारी बिनाका ३ करोडका ४ हजार योजनामा रहेको बजेटलाई रोक्का गरेर चुनावमा खर्च जुटाइएको जानकारी गराएका छन् ।

मन्त्री खनालका अनुसार करिब १२० अर्ब तयारी पूरा नभएका आयोजनाहरुको रोक्का आफू अर्थमन्त्री भएर आएपछि गरेको बताए । ती आयोजना मध्ये केहीमा टेण्डर भएका, हुने क्रममा रहेका आयोजनाहरुको भने फुकुवा गरिएको छ । फुकुवा नभएका आयोजनामा रहेको बजेटबाट सरकारले चुनाव र पुनर्निमाणको काम गर्नेछ । अर्थमन्त्री खनालकाअनुसार चुनावमा भारत–चीनको सहयोग लिइँदैछ । छिमेकी देशहरुले खुला दिलले सहयोग गर्ने बताएकाले भारत–चीनबाट चुनावमा सहयोग लिन लागिएको उनले बताए । खनालकाअनुसार त्यो सहयोग आर्थिक सहयोग भने होइन, चुनावमा आवश्यक पर्ने कतिपय सवारीहरु भारत चीनले दिँदैछन् ।

कार्यक्रममा उनले भने– ‘४ हजार योजनामा प्रत्येकको ३–३ करोड छुट्टाइएको रहेछ । ती आयोजनाको पूर्वतयारी केही पनि रहेनछ । अहिले १२० अर्ब त्यसरी पहिचान गरेर रोक्का गरिएको हो । त्यसमध्ये टेण्डर भएको र हुने क्रममा छ र आयोजना चाहिने पनि हो र प्रोजेक्ट बैंकबाट आएको छ भने त्यसलाई फुकुवा गरिदियौँ । त्यसमध्ये ३१ अर्ब फुकुवा गरिएको छ । अहिले पनि ८० अर्ब रोक्का नै छ । त्यसले निर्वाचन, पुननिर्माणलाई चाहिने खर्च पूर्ति गर्छ । निर्वाचन आयोगका लागि ६ अर्ब ९ करोड हामीले स्वीकृति निकासा पनि दिइसकेका छौं । खर्च हुने क्रममा छ । करिब १७ अर्ब म्यादी प्रहरीका लागि खर्च हुन्छ । इकुमेन्ट, मोटर, भेइकल गरेर २५–२६ अर्ब खर्च हुन्छ ।’

यस्तै, अर्थमन्त्री खनालले ४–५ अर्ब बराबरको भेइकल, इकुमेन्टहरु भारत चीनबाट चुनावका लागि सहयोग लिइएको बताए ।

थप समाचारहरु

यस्तो छ आजको विदेशी मुद्राको विनिमयदर भारत सरकारको अनुदान सहयोगमा निर्माण हुने १० वटा परियोजनाको समझदारी पत्रमा हस्ताक्षर सुन–चाँदीको मूल्यमा गिरावट नयाँ वर्ष २०८२ को अवसरमा गरिमा विकास बैंकका ग्राहकहरुलाई दराजबाट सामान खरिद गर्दा १५% छुट यस्तो छ आजका लागि विदेशी मुद्राको विनिमयदर सुनको मूल्य २ लाखको नजिक सुनको मूल्यले बनाउँदैछ दैनिक नयाँ रेकर्ड, आज कति पुग्यो ? सुनको मूल्य तोलाको २ लाख नजिक, कति पुग्यो आज ? बिहीबारका लागि निर्धारित विदेशी मुद्राको विनिमयदर मंगलबारका लागि निर्धारित विदेशी मुद्राको विनिमयदर दिगो लगानीको लागि एनएमबि बैंकको पहल : आइएफसी र मेटलाइफसँग साझेदारी तोलामा ४ हजारभन्दा बढीले घट्यो सुन वाणिज्य विभागद्धारा चार व्यापारिक फर्मलाई जरिवाना चालु आर्थिक वर्षको नौ महिनाको अवधिमा नेपाल टेलिकमको नाफा ४८ प्रतिशतले घट्यो राष्ट्र बैंकको स्वायत्तता कायम गर्दै अघि बढ्ने : नवनियुक्त गभर्नर पौडेल ललितपुर महानगरपालिकाको आगामी वर्षको बजेट ७ अर्ब ४७ करोड ४१ लाख ४७ हजार रुपैयाँ आर्थिक वर्ष २०८१/०८२ मा ११ खर्ब ७८ अर्ब ८२ करोड रुपैयाँ राजस्व संकलन, गत वर्षको भन्दा ११.३३ प्रतिशतले वृद्धि वित्तीय सुशासनका लागि अनिवार्य विद्युतीय भुक्तानी : अर्थमन्त्री खनाल