चौध वर्षमा पनि कमलामा पुल बन्न नसक्दा डुङ्गाकै साहारा

सिरहा । सिराहाको कमला नदीमा २०६८ सालमा निर्माण सुरु भएको पक्की पुल अझै पनि सम्पन्न हुन सकेको छैन । तीन वर्षमा सम्पन्न गर्ने भनिएको उक्त पुल १४ वर्ष बितिसक्दा पनि अधुरै छ । यति लामो समयसम्म पनि पुल निर्माण हुन नहुँदा सिरहा र धनुषाका सर्वसाधारण वर्षायाममा अधिक प्रभावित हुने गरेका छन् । अहिले पनि त्यहाँका स्थानीयहरुको सहारा डुङ्गा बनेको छ ।

त्याँका स्थानीयहरु दैनिक गाईवस्तुलाई घाँसपात गर्न नदीपारि जाने गर्छन्। हरेक वर्षासँगै डराइडराई नदीपार गर्नुपर्ने बाध्यता त्यहाँका स्थानीय बासिन्दाको रहेको छ । वर्षायाममा नदीमा पानीको बहाव बढेसँगै डुङ्गा चढ्न पनि डर लाग्ने, तर यसको विकल्प पनि नभएको स्थानीयहरु बताउँछन् । 

सामान्यतया वर्षायामबाहेक अरु बेला काठको सानो पुल प्रयोग हुने गरेको थियो । तर बर्खासँगै आएको बाढीले काठको पुल बगाएपछि अब डुङ्गामात्रै एक विकल्प बनेको छ । नदीपार गर्न हुलाकी सडक प्रयोग गर्ने यात्रीलाई डुङ्गा प्रयोगको प्रतिमोटरसाइकल रु १०० र प्रतिव्यक्ति रु ५० तिर्नुपर्ने बाध्यता छ ।

कमला नदीमा पुल बन्न नसक्दा वारी पारी गर्नुपर्ने पैदलयात्रीले बाँसको फड्के वा डुङ्गाबाट नदीपार गर्नुपर्ने बाध्यात्मक अवस्था छ । 

थप समाचारहरु

नारायणघाट–बुटवल सडकखण्ड आजदेखि रातको समयमा बन्द हुने मुग्लिन पोखरा सडक दोस्रो चरणको कालोपत्र सुरु दुर्घटनामा परी प्रहरी सहायक निरीक्षकको मृत्यु अझै बनेन दुई वर्षअघि भासिएको बिरिङको पुल वर्षामा समस्यारहित बनाउने प्रयासमा नारायणगढ–मुग्लिन सडकखण्ड राजविराज बसपार्क ३८ वर्षपछि सञ्चालनमा सर्लाहीमा मोटरसाइकल दुर्घटनाः चालकको मृत्यु टेम्पोले दियो ट्राफिक प्रहरीलाई ठक्कर देशका पाँच मुख्य राजमार्ग अवरुद्ध  देशको पहिलो ‘फ्लाई ओभर’ निर्माण सम्पन्न, प्रधानमन्त्री ओलीबाट आज उद्घाटन हुँदै बेँसीसहर-चामे सडकमा राति सवारी सञ्चालनमा रोक सिद्धबाबा सुरुङमार्गः भौतिक प्रगति ५७ प्रतिशत नेपाली सेनाद्वारा वीरगञ्जमा खानेपानी वितरण वीरगञ्ज नाकाबाट ६८ हजार ७४३ सवारीसाधन भित्रिए : १७ अर्ब ३१ करोड राजस्व सङ्कलन आकाश ताक्दै किसानः महोत्तरीमा ३५ प्रतिशतमात्र रोपाइँ नारायणघाट–बुटवल सडक आयोजनाको म्याद एक वर्ष थपियो नारायणगढ–मुग्लिन सडक ढुङ्गा खस्ने त्रास कायमै सशस्त्र प्रहरी बल रौतहटद्वारा पाँच करोड ७४ लाख मूल्यका सामान बरामद